The Vigor (水渠道) (Closed)

經過看到門面貼滿琳琅滿目的食物圖片，加上傳出陣陣香味實在難以抗拒。除了炸物小食之外更將芝士焗薯角、龍蝦湯、炒意粉等西餐平民化，每款份量十足之餘全部即點即製實在物超所值。秘製醬油雞肉炒腸粉 ($45) 炒得乾爽分明並微微焦香，每條完整無缺不會軟爛碎散，加上雞肉、芽菜、椰菜及蘿蔔絲豐富惹味。魔鬼汁牛仔柳焗飯 ($58) 醬汁與飯底比例平均，牛仔柳肉質結實，雖稱為魔鬼汁但以酸甜為主並不如想像中辛辣。龍蝦汁海鮮焗飯 ($60) 包括青口、蝦、魷魚等多款海鮮真材實料，龍蝦汁有如法式龍蝦湯一樣濃稠，比魔鬼汁牛仔柳焗飯更勝一籌。煙三文魚蛋沙律牛角包 ($37) 由於外賣未能保持香脆亦無可厚非，整體驚喜不大個人希望餡料份量更多。高山翠綠冷泡茶 ($18) 加配價只需$12，清爽甘香，另外更有白桃烏龍冷泡茶選擇。

又喺星期三晚懶人買外賣系列，其實都無話系唔系列，只喺逢星期三老婆大半日有行程，費事大家辛苦，有時簡單煮粉麵，有時就索性唔煮啫！而今晚出開嚟太子，就晌太子搵檔嘢買外賣，睇見呢檔「The Vigor」鋪面貼滿晒食物相，幾吸引吓，又有啲特色，一於試一試，「Vigor」意思喺精力、活力，希望食完有氣有力，精神奕奕，哈哈！其實，晌鋪外就一眼睇晒啲環境，不過，晌等候期間，無乜細藝，咪望吓師傅整嘢囉，值得一讚喺，裡面廚房重地嘅環境幾乾淨、企理，唔會話周地垃圾，油漬斑斑，而且，睇住師傅一個人同時炒幾道菜式，功架十足，又無話搞到一廚房油煙！講到食物選擇，真喺非常多，通常呢類小店，為應付人流，一般都喺做十樣、八樣，但睇睇張單張，數一數，單喺粉麵飯已經有近30款，加埋特色牛角包、湯品、小食，以及二人套餐、四人套餐，真喺五花八門。飲品選擇唔多，都喺忌廉同可樂，不過，另有自家製嘅冷泡茶，散買要$18支，加配有優惠，只喺$12，有樣辦晌鋪面，都幾大支（500ml），試得過。更講到明，所有出品，都喺即叫即做，誠意十足，需要耐心等待7-10分鐘，所以，佢哋提供whatsapp落單，咁就可以慳番好多等候時間。老婆就要咗