Video
Read full review
2022-08-26
1458 views
又喺星期三晚懶人買外賣系列，其實都無話系唔系列，只喺逢星期三老婆大半日有行程，費事大家辛苦，有時簡單煮粉麵，有時就索性唔煮啫！而今晚出開嚟太子，就晌太子搵檔嘢買外賣，睇見呢檔「The Vigor」鋪面貼滿晒食物相，幾吸引吓，又有啲特色，一於試一試，「Vigor」意思喺精力、活力，希望食完有氣有力，精神奕奕，哈哈！其實，晌鋪外就一眼睇晒啲環境，不過，晌等候期間，無乜細藝，咪望吓師傅整嘢囉，值得一讚喺，裡面廚房重地嘅環境幾乾淨、企理，唔會話周地垃圾，油漬斑斑，而且，睇住師傅一個人同時炒幾道菜式，功架十足，又無話搞到一廚房油煙！講到食物選擇，真喺非常多，通常呢類小店，為應付人流，一般都喺做十樣、八樣，但睇睇張單張，數一數，單喺粉麵飯已經有近30款，加埋特色牛角包、湯品、小食，以及二人套餐、四人套餐，真喺五花八門。飲品選擇唔多，都喺忌廉同可樂，不過，另有自家製嘅冷泡茶，散買要$18支，加配有優惠，只喺$12，有樣辦晌鋪面，都幾大支（500ml），試得過。更講到明，所有出品，都喺即叫即做，誠意十足，需要耐心等待7-10分鐘，所以，佢哋提供whatsapp落單，咁就可以慳番好多等候時間。老婆就要咗
其實，晌鋪外就一眼睇晒啲環境，不過，晌等候期間，無乜細藝，咪望吓師傅整嘢囉，值得一讚喺，裡面廚房重地嘅環境幾乾淨、企理，唔會話周地垃圾，油漬斑斑，而且，睇住師傅一個人同時炒幾道菜式，功架十足，又無話搞到一廚房油煙！
講到食物選擇，真喺非常多，通常呢類小店，為應付人流，一般都喺做十樣、八樣，但睇睇張單張，數一數，單喺粉麵飯已經有近30款，加埋特色牛角包、湯品、小食，以及二人套餐、四人套餐，真喺五花八門。
飲品選擇唔多，都喺忌廉同可樂，不過，另有自家製嘅冷泡茶，散買要$18支，加配有優惠，只喺$12，有樣辦晌鋪面，都幾大支（500ml），試得過。
更講到明，所有出品，都喺即叫即做，誠意十足，需要耐心等待7-10分鐘，所以，佢哋提供whatsapp落單，咁就可以慳番好多等候時間。
老婆就要咗一份炒意粉，小弟就比較鍾意焗嘢多啲，所以揀焗飯，兩者都喺人氣推介，另加，加一罐可樂，再配一支白桃烏龍冷泡茶，夾夾埋埋都喺$143，價錢都OK！
白桃烏龍冷泡茶 $12、可樂 $6咁大支冷泡茶，其實都算抵，色澤深沉嘅冷泡烏龍，茶底都幾幽香，輕輕滲出陣陣白桃清香，原來喺無糖，啱晒老婆，小弟就喜歡帶少少甜，所以，自行加少少蜜糖，咁就正晒。唔喺講笑，飲完之後，裡面個茶包竟然仲可以沖到幾炮茶添。
香草煙三文魚帶子炒意粉 $65拎上手，原來都好夠份量，打開盒意粉，仲見到好多料，煙三文啦、迷你帶子啦，仲混有新鮮野菌（唔喺罐頭貨呀）同翠玉瓜，真喺誠意十足。煙三文鹹鹹香香，帶子亦好爽口，最正喺加埋啲蟹籽，令整道意粉添多一份卜卜脆口感，再者，啲意粉煮得恰到好處，富柔韌感，炒過又香口啲，汁底啱啱好，唔會有太多餘醬汁。
香草煙三文魚帶子炒意粉
$65
7 views
0 likes
0 comments
龍蝦汁海鮮焗飯 $60揀呢個焗飯都喺睇中龍蝦汁，好似好勁咁，同樣份量十足，都幾大盒，好墜手。打開一睇，面面鋪滿焗到焦香嘅芝士，賣相幾靚仔。下面嘅海鮮料有鮮蝦、班塊、青口、迷你帶子，好足料，啲用料亦不賴，而個龍蝦汁底跟飯拌均之後，雖然唔喺炒飯底，但味道真喺唔錯，個汁有啲蝦鮮味。
兩個主食都真喺唔錯，拎到返屋企仲喺熱焫焫，當然，依家天氣熱，啲嘢都無咁快攤涼，但即叫即煮亦喺原因之一。
Post
