DALLOYAU

Open Now

Now Closed

值得紀念的日子, 所以特別要來留下食評朋友生日, 我知道朋友一直都想一次高級法國餐,就上網search下啦, 就比我搵到呢間係金鍾既法國餐廳, 一直都以為會好貴, 見到好似有set dinner, 有4個courses都係$398, 係預算之內, 所以就book左台黎同朋友食一次法國大餐啦!準時去到, 因為book位唔洗等, 現場都見到滿客既, 再帶我地入到去較入既位置, 比出面寧靜, 可以好好同朋友傾計!因為一早target左食佢地個summer set menu, 就直接睇meun, 比較起單點真係叫set抵食D, 即時可以決定, 叫兩SET Share食, 可以試多D款式!叫左- 煙燻三文魚洋薊蘑茹 , 上台時真係好靚架!超多層, 不過真係無細睇每層係乜, 中間有流心蛋, 好味!香煎帶子風乾火腿沙津 , 沙津好清新~少少酸酸地, 好開胃, 不錯~之後上既龍蝦湯真係無得彈!!好濃郁, 有龍蝦肉!連隔離台都問我係咩黎, 想叫黎試下!因為個湯都幾大, 只係食前菜同餐湯都已飽飽地啦, 好快就上主菜!慢煮三文魚, 睇落好似好細件,但係食落都好夠多, 好juice!法式油封鴨-呢隻鴨脾完全想

上星期請姊姊吃生日晚鈑，左想右找希望去一間好味又環境不俗的餐廳，卒之俾我找到高雅舒適又性價比高的法國餐廳，當晚我們叫了餐廳的Summer Set Menu, 有4個courses 包前菜、餐湯、主菜和甜品，還有餐飲，只係$398。前菜的三文魚洋薊蘑菇和帶子風乾火腿沙律超新鮮好味，餐湯中洋蔥湯和龍蝦湯亦是好好飲，非常推介，而主菜亦有不少選擇，我選的法式油封鴨腿很不俗，完全不覺油膩；姊姊的牛肉意大利粉亦夠軟林入味。餐廳位於太古廣場3 樓，方便就腳，行完商場就可吃晚餐，加上環境幽靜，是絲打們聚會的好地方。

上次食完個威靈頓牛柳，今次再去試個肉眼扒(因為唔記得要早一日預約先有威靈頓牛柳食>..<所以無得食呀...)既然無得食威靈頓牛柳，今次就試試個夏日Set Dinner啦。o..O

不斷都聽到唔少朋友介紹金鐘太古廣場有間精緻法式料理, DALLOYAU貴為皇室殿堂級糕點品牌當然有種獨特的吸引力,於是決定約朋友去試一試魅力所在地!一入去時已經感受到職員親切的禮貌,坐低無耐已經即刻送上麵包麵包口感加上牛油, 熱辣辣完全令人打開食欲餐湯: 濃郁的味道前菜: 由於我太喜愛食牛肉,所以十分期待呢個生牛肉他他。一試令人好驚喜,香脆的薯條配上口感順滑的生牛肉,味道好夾令到我食唔停友人叫左個較特別的鴨腿肉,當呈上眼前精緻得以為係糕點,味道都好新鮮主菜:味道令我一啖接一啖,而蝦都係食得出好新鮮,陣陣既茴香令味道增添唔少分肉質鮮嫩,味道香甜點: 果然名不虛傳,甜度適中,唔會有過度的感覺總結: 餐廳感覺舒適,食物質素高,服務態度好。相信會再次成為我同朋友相聚的餐廳

第二次蒞臨太古廣場的DALLOYAU餐廳，今次客人更多了，還好預先訂了座~前菜是牛肉他他混了香料碎和洋蔥，鮮味的牛肉他他再配上香脆的薯條，足以把白天的疲憊一掃而空! 湯品是香濃醇厚的龍蝦湯，單是那香氣已叫人垂涎三尺，一嚐後簡直停不下來，非要把湯喝到碗底朝天不可! 喝到最後還有為數不少的龍蝦肉，是意外的驚喜!主菜是大蝦扁意粉，待應還細心叫我們介紹，說醬料是以蝦肉和蝦膏長時間熬製的，的確非常惹味! 如此濃厚鮮味的醬料，大大的滿足了我的味蕾。吃到一半時，再試試大蝦如何~ 果然很好吃，蝦肉爽口而有嚼感，喜歡濃郁口感的朋友一定要試試這道菜式了!甜品選擇了士多啤梨口味的法式糕點；糕點賣相吸引，酸甜度更是適中，上面有DALLOYAU標記的朱古力呢!總括而言，份量是有點多，不過味道這麼好又怎會吃不下呢? 況且這齒頰留香的4-course dinner只要$360，的確是絶對超值!