易食 (Closed)

餐廳員工，好有人情味，會同我哋啲客人傾偈，傾談食嘢有乜需要？同味道或想食嘅款式，順次序，咁樣一道一道菜色，送上枱俾我哋品嚐。食物方面，海鮮盤好新鮮又好味😋，其他熟食味道非常好，龍蝦湯有夠熱辣辣，我哋話慶祝生日，仲有生日蛋糕送，同埋播生日歌好似一齊慶祝咁樣，非常窩心😍

大角咀好多地方重建後，變成左一個超級多餐廳既地帶，仲有好多特色小店😎今次食既依間 易食 EAT EASY，舖面的的式式，細間既店就係有份家庭式既溫暖感覺，感覺舒服😽門口仲寫住12月生日可以晚市堂食正價食品，抵👍🏻主力就係西餐既，意大利飯、燒雞仔、牛扒等都好似好吸引，即刻由頭試到落尾🤩先上凱撒沙律伴煙三文魚，賣相幾好，套餐加配既，都算多既份量，特別係煙三文魚，沙律菜新鮮，整體味道唔錯😆話咁快就到🐻勞蘇食🐻推介 —— 羅勒白酒煮紐西蘭托托蜆🐚 超級高雅既擺盤，係我見過西餐蜆最靚既之一👍🏻香氣濃郁，蒜加羅勒同白酒煮既汁，個balance攞得好好，而真係用托托蜆，紐西蘭野生蜆，出名肉質肥而彈牙🫶🏻食落配埋個汁鮮甜又好濃貝殼類海鮮既鮮味，非常讚既一道菜💖廚藝同食材都一流，而配合得好好😋龍蝦湯，賣相仍然有質數，味道濃而不咸，都唔錯😗主菜時刻，肉眼扒5成熟，擺盤又係靚到爆，肉眼扒非常大塊，個人覺得大過12OZ，牛味好濃，一食既肉質同味道就知用料高質😮‍💨煎同食都係用少少鹽黑椒就好好味，加啲芥末更正，無乜筋又多肉汁，正🎉配菜呢，賣相真係無得輸，Grilled vegetable，煎香既瓜片好味，粒薯仔

今晚行吓行吓見到有間新開嘅西式小店，入去食D嘢試下啦！但實在太好食及一D都唔貴，仲唔收加一添，實在太離譜！龍蝦湯非常之濃，千祈唔好錯過蟹餅好味😋😋，如果兩面再煎多一陣，效果應該更好！羊架好嫩滑，配搭時蔬，味道一流！千祈唔好放棄甜品呀！個提拉米蘇非常超值，份量大， 價錢合理，兩個人share 都得！呢個新開嘅西式小店值得再來支持下！靚仔老闆講有set lunch添，我下次會再去試下！！聽佢講仲可以包場做小型party添👍👍

約左住附近嘅朋友食lunch，見哩間餐廳新開，月尾之前仲有新張優惠，手提電話號有一個8字就有全單9折，最多可以享75折，睇返我地有9折，所以就入黎試下。小店地方唔大，得四張枱最多都係坐倒十幾個人。店面亦只有店長一個人一腳踢包辦落單、送餐、執枱同堆單，所以預左要等得耐少少，不過店長都好有禮貌，我地喺出面興恰恰入到黎，仲即刻送上凍水一杯。周末午市都有set lunch，另外亦可以散叫，因為set睇唔啱，見散叫有新張9折，所以我地就散叫。凱撒沙律配煙三文魚($98) - 沙律都幾大份，夠兩個人share食，羅馬生菜夠爽脆，上面除左凱撒醬，仲放左好多芝士同麵包粒，面頭仲有三大片煙三文魚，煙三文魚唔會太薄身，口感油潤鹹度啱啱好。黑松露野菌忌廉湯($48) - 黑松露味道清香唔會有石油氣味，忌廉湯杰度啱啱好，野菌唔會打得太碎，仲飲倒粒粒口感，唔差得過高級西餐廳。龍蝦湯($58) - 龍蝦味好濃郁，唔會太鹹，飲落冇忌廉湯咁杰。北海道墨汁意大利飯($118) - 意大利飯有咬口得黎唔會太硬，上面放左好多芝士碎，面頭再放左兩大粒帶子，帶子煎到半生熟，食落帶啲彈口但仲保持倒鮮味，做得出色。露絲瑪莉燒美國無

😋味道：9/10 🗣服務：10/10 🏡環境：8/10✨ 💵人均：$150-250 💰性價比：8.5/10 👍🏻推薦度：9/10🐼話說最近行過角祥街，見到開左間新餐廳，聽個名覺得幾有趣就即刻去試下！一入到門口已feel到非常親切，餐廳非常貼地，無論裝修，擺設都非常吸睛。首先，頭盤嗌左個『墨西哥沙律』，色彩繽紛既玉米片即時令我胃口大開，加上牛油果、芒果、蟹肉嘅mix & match，口感好夾，而且又健康。另外，不得不提嘅就係呢道『西班牙酥炸羊肋骨』，肉質嫩滑沒有過重的羊羶味，配上特製wasabi 醬，正！濃濃嘅『龍蝦湯』，認真一流，十分之鮮甜，飲落亦唔會覺得似係味精味道，每一啖都食得好幸福。主菜點選左『紐西蘭肉眼扒』，肉眼扒叫咗三成熟，食落好重牛味同油脂感，而且都幾軟腍👅下次決定要叫多幾個朋友一齊開心share！