餃掂手工餃子雲吞專門店

今日清清地，想食餃子，吸收少d澱粉🙈去左寶琳既呢間餃掂，顧名思義，佢啲餃子真係好掂！難得黎到，緊係要試下佢既招牌！龍鳳松茸！今日揀左龍鳳松茸雙煎餃🥟係一款有黑白松露既餃子，每碟有4隻黑松露餃子同4隻白松露餃子。餃子嘅外皮酥脆，咬一啖，松露既香氣撲鼻而來，配搭足料既鮮嫩豬肉餡料，啖啖都係豐富口感！另外仲叫左雲耳椰菜餃🥬🥟，搭配狀元九鼎湯🥣一上菜就緊係試左個湯先啦！呢個湯飲得出用左好多料好煲，啖啖都係濃郁既食材味。再黎就試雲耳椰菜餃，餃子皮薄，睇到入邊餡料嘅顏色。咬一啖，雲耳嘅脆爽同椰菜嘅清甜相結合，口感豐富，成個湯同餃子一d都唔油膩，非常適合想減輕負擔既女士去食！淨係食餃子又好似有啲悶，搞掂都有好多小食俾客人揀，今次就揀咗回味手拍青瓜🥒，果然冇改錯名，食過返尋味。青瓜嘅清脆口感配搭調味料嘅酸辣，十分開胃。其實餃掂喺每一枱都有放迷你調味料Bar，比客人按照自己口味調節味道。佢亦都放有一樽酸蘿蔔俾客人試食，夾咗幾舊，酸爽開胃，夾完再夾🤤

第一次食「餃掂」嘅時候只有一間店，依家已經有七間分店！餃子價錢實惠又飽肚，成日食都唔厭。今次同樣叫咗煎餃同湯餃，等候期間問咗店員要醃蘿蔔，白蘿蔔爽脆，酸酸地好開胃。松茸餃係餃掂既招牌之一，而龍鳳松茸餃就分別用咗黑白松露做餡料。餃子煎得金黃香脆，外皮厚薄適中，食落菌味清新香濃，加入黑白松露更濃郁。湯餃附上狀元九鼎湯，用粉葛、鯪魚、鯽魚、赤小豆等材料熬成，無味精，入口清甜。餃子挺身飽滿，餡料肉同菜嘅比例平衡，豬肉扎實鮮香，加埋香嫩韭菜，好吃！芫荽豬肉餃餡料新鮮，芫荽味清香但可以濃一點。山楂雪梨水清潤下火，酸酸甜甜，消滯一流。

餃子可謂平民恩物，價錢唔貴而且好飽肚，不過餃子都可以變得奢華，就係餃掂既龍鳳松茸雙煎餃。龍鳳松茸雙煎餃煎得好脆口，肉汁豐富。黑松露同白松露各有特色，前者味道更濃，後者比較輕盈。日本龍鳳蛋味道好甜，每隻蛋上面都加左少少松露醬，松露醬無完全蓋過蛋味，仍然食到蛋香！蜜餞雞翼好大件，味道甜甜地而且外皮好脆。另外仲叫左重慶鮮肉雲吞，味道唔算太香辣，同埋外皮有少少硬，個人有少少失望🥲除左餃子之外，其他食物包括龍鳳蛋同雞翼都幾好味，值得Encore！

成日出街食啲嘢都好肥膩太飽肚，都會想食啲健康輕便啲嘅餐廳。呢間餃子雲吞專門店係將軍澳新都城2期2樓，中庭一上電梯行幾步就到十分方便同朋友揀咗兩款餃子同一款小食share龍鳳松茸雙煎餃(八隻)$98-松茸味好出，配上豬肉更鮮甜壽喜燒牛肉餃(七隻) $54-今次叫咗蒸餃。牛肉好juicy嫩滑，送埋狀元九鼎湯有粉葛味滋潤養生麻辣松花皮蛋$25-一上碟就聞到好香麻辣味，皮蛋亦流心山楂雪梨水$20-酸酸甜甜咁好醒胃潤喉

我最鍾意既飲子店終於開到屋企附近將軍澳！餐廳係開放式設計，主要圍繞着電梯。- 日本龍鳳蛋溏心蛋上面加左黑松露或白松露醬，味道更加豐富。- 四川涼麵涼麵上面有花生碎、辣椒醬同少少蔥作點綴。涼麵口感帶少少煙韌，而且好掛汁，每一啖涼麵都食到好香既芝麻醬。- 壽喜燒牛肉湯餃餃子煮得啱啱好，完全無糊化，入面肉汁非常豐富，味道同真正壽喜燒如出一轍。- 龍鳳松茸雙煎餃龍鳳松茸雙煎餃係我每次必點。外皮非常香脆，一咬開餃子皮松露既香味撲鼻而來，入面餡料亦好豐富，無論白松露同黑松露一樣出色。- 豆漿豆漿仍然好大杯，甜度適中。餃掂真係香港餃子店No.1，希望餃掂可以好似周星馳食神咁係地圖畫到「勁」字！