韓牛牧場 (Closed)

今日去開Cwb 買嘢，朋友話順便係到食個lunch ，佢話永光中心好多野食，就簡中左依間，地方幾大座位多，坐得都幾舒服👍🏻，午餐有定食又有放題，但好快食夜晚就忍住冇食放題😂。✨另設加一-以下包飲品、沙津、前菜及小食任食~💕 1++韓牛韓燒定量午市餐(二人份) $238(1++韓牛牛肋骨肉、韓醬1++韓牛肩胛、西班牙黑豚五花腩、韓式雞腿肉、虎蝦拼半殼青口)👅好味指數：6.9/10甚少見用光波爐燒肉，少油啲又冇油煙，感覺上都冇咁熱氣🤣，虎蝦大隻鮮味彈牙🍤，韓牛肩胛比較薄，油花豐富牛味重，而雞腿肉都爽口彈牙。-💕 宮廷人蔘烏雞湯跟飯(2人份) $148👅好味指數：6.9/10好多藥材，勁足料！烏雞入哂味，人蔘味勁重🤣，接受到好重藥材味就可以叫。-環境：7/10服務：7.5/10好味指數：6.9/10回頭率：6.9/10

永光中心真係有好多嘢食，今日就同朋友試左呢間韓燒。一入到門口有個玻璃櫃、裡面擺咗好多獎🏆🙊佢哋同平時食嘅韓式燒肉好唔同，係用德國寶嘅光波爐，所以更加少油煙，低脂又健康啲。我同朋友唔算好肚餓，所以揀咗個二人套餐1++韓牛韓燒定量午市餐🈶️1++韓牛牛肋骨肉、韓醬1++韓牛肩胛、西班牙黑豚五花腩、韓式雞腿肉、虎蝦拼半殼青口。二人餐包飲品、沙律、前菜及小食任食另外重加咗個火炙1++韓牛丼飯都包飲品、沙律、前菜及小食任食Lunch嚟講算抵食，有咁多款肉，而且又有沙律小食任食😁重點係用光波爐真係少咗好多油煙，就算減緊肥食都少好多負擔🤣

除咗掛住日本，我仲好掛住韓國啊～ 諗起d唔熱辣辣又香噴噴嘅燒韓牛真係勁正！ 所以今日我同朋友一齊嚟到有🇰🇷韓國Hanwoo Board認證、頂級韓牛銷售店嘅✨ 韓牛牧場～ 呢度仲係全港首間主打1++韓牛& 濟州最高級別黑毛豬嘅高級韓國肉放題餐廳呢！由於食lunch我地唔想太heavy，就揀咗個燒韓牛定量套餐同一份湯飯~ 已經包咗半自助飲品、沙律、前菜同小食😋前菜有泡菜、芝麻八爪魚🐙、中華沙律、車厘茄等等、仲有唔同款式嘅小食～好嘢！期待已久嘅燒肉到啦！◽️1++韓牛韓燒定量午市餐▫️韓牛1++牛肋骨肉▫️韓醬1++韓牛肩胛▫️西班牙黑豚五花腩▫️韓式雞腿肉▫️虎蝦拼半殼青口精美嘅六格擺盤～ 食材新鮮！ 我最鍾意當然係2款1++韓牛啦～ 雪花均勻、牛味濃～ 五花腩夠甘香、雞腿肉嫩滑、蝦同青口也不錯～重點想讚下呢度用既係「韓式光波燒烤爐」～ 有360°自動旋轉功能，食物全方位均勻受熱，光波三重加熱令肉類鎖住肉汁，外脆內嫩～ 做到室內無煙BBQ~ 食完唔使成陣油煙味！◽️1++韓牛牛肋骨湯飯牛肋骨湯係韓國人的靈魂美食❣️ 清香濃郁既牛肉湯～ 熬煮很久的牛肋骨肉，肉味依然～ 一食落去俾我攪到骨肉分離🥲😂 入口即

呢排落雨天，涼涼地，食下韓式燒牛肉就最正喇😂朋友介紹喺銅鑼灣呢間樓上嘅韓牛燒烤相當經濟抵食， 特登係用光波燒烤，比一般韓烤少油，十分健康，而且CP值高！我當然要去試啦！今日嗌咗呢個1++韓牛韓燒定量午市餐（二人份）有韓牛肋骨肉、韓牛肩胛、黑豚五花腩、雞腿肉同虎蝦拼青口，份量啱啱好！套餐係包飲品就任你飲，前菜沙律及小食都任食，已經值回票價。前菜沙律我就試咗蓮藕片、牛脷、雲耳啦，螺肉啦，仲有芽菜，選擇多而且味道好食，鍾意食韓式前菜嘅人就一定唔會失望！個二人韓燒拼盤有兩款牛；即係牛肋骨肉同韓牛肩胛，又有黑毛豬， 大蝦同埋青口添，相當豐富！值得一提是牛肉入口鬆化，加上用光波燒烤爐唔會太肥，但又唔會靭；韓牛大約6-7成熟最正，加小小胡椒鹽，咁就可以將牛肉嘅香味更加帶出來，可以講係相當好食！黑毛豬、大蝦同青口燒到剛剛好，點上特色醬汁非常惹味！另外我地追加咗個宮廷人蔘烏雞湯（跟飯）嘩！一上枱熱辣辣的充滿人蔘香味！非常滋補！烏雞原隻上加上糯米！濃郁嘅雞湯飲到我朋友大讚一流！用料充足，真係值得一試👍🏻呢個韓燒午餐非常豐富，坐得又舒服！同朋友燒下傾下計，是假日午餐的好選擇👍🏻

Lunch set都有得任食沙律吧小食&任飲～有kimchi 韓式牛肉片 手拍青瓜 木耳 枝豆我仲瘋狂食菠菜😛 有韓燒 定食 仲有湯飯 燒肉丼 刺身丼🔖1++韓牛韓燒定量午市餐 二人份 $238▫韓醬1++韓牛肩胛▫1++韓牛牛肋骨肉兩款韓牛紋路分明 油脂比例剛好燒30-50秒已經可以食得🤤肉質軟嫩 有牛脂感之餘 味道充滿牛香 韓醬牛肩胛有醃製過 口感更濃厚同香口▫西班牙黑豚五花腩韓燒一定要食五花腩😛薄切所以燒1分鐘至微焦 食落油脂感滿滿 再沾醬同包生菜🥬kimchi豐富口感且解膩😚▫韓式雞腿肉落左少許醬料調味 無咁dry大約燒5分鐘都keep到肉質細嫩仲啖啖肉 完全唔韌▫虎蝦拼半殼青口青口有埋牛油🧈 燒溶晒食好邪惡🤤大蝦🍤都好新鮮彈牙😚▫火炙原條鰻魚定食 $108鰻魚肉質軟滑彈牙 成條充滿蒲燒汁味道濃郁得黎好下飯desu～.總結，最貼心係餐紙有教每樣食材要燒幾耐🙆🏼‍♀️個爐每轉一圈就=30秒 可以mon住每樣幾時食得整體肉肉質素幾好 軟嫩得黎好香口尤其是韓牛 肉感特別濃郁如果食放題既話應該會更爽😆

位於銅鑼灣嘅燈籠街小小一條街，就有大大小小嘅餐廳開滿E一條街，話佢係銅鑼灣嘅一條食街都不為過！凍凍哋除咗打邊爐食雞煲之外，另一個好嘅選擇就係食燒肉喇🤤今日就嚟到「韓牛牧場」滿足下食韓牛燒肉嘅願望！1++韓牛韓燒定量午市套餐🇰🇷🐂兩個午市套餐都好吸引，不過既然想食韓牛，就揀咗E個韓牛韓燒套餐！佢包括六款唔同嘅肉類：韓牛牛肋骨肉、韓牛肩胛、西班牙黑豚五花腩、雞腿肉、虎蝦同埋牛油伴青口，仲有茄子粟米等等嘅蔬菜。店家好貼心咁將每一樣食材需要烤嘅時間寫曬係餐牌到，務求大家可以食到烤得最美味最恰到好處嘅美食。放係個光波爐烤一陣，就得到香噴噴又juicy嘅韓牛，果然係對得起1++韓牛E個名嘅食材！🐷西班牙黑豚五花腩肉質都鮮嫩，令人想一夾再夾。🐔雞腿肉如果烤耐啲，仲可以烤到好似雞皮串燒咁脆卜卜嘅外皮😜青口伴埋牛油一齊烤，將牛油嘅香同海鮮嘅鮮味合而為一，好惹味！🦐睇住大大隻虎蝦變成烤熟變紅卜卜，剝殼之後就有鮮嫩嘅蝦肉食，一啲都唔會話越大隻啲肉越韌👍🏻極上火炙七色丼🌈食韓國菜嘅時候有時都會口痕想食埋日式嘅丼飯，估唔E間餐廳都滿足都我嘅E個願望！點咗又係有豐富食材嘅極上火炙七色丼。韓牛同三文魚由廚師煮到啱啱

間唔中有個韓國胃🇰🇷 而家天氣凍又想燒嘢食😋 呢間出名燒肉放題但午市都有定食 用光波爐少左好多油煙味而且冇咁油🐒前菜同飲品可以自己任拎~ 勁豐富有超過10款🤤 蟹柳青瓜沙律 中華沙律 昆布 螺肉 唔會食到悶✅ ❣️1++韓牛韓燒定量午市餐（二人份）$238韓牛有牛肋骨同牛肩胛 兩舊都幾靚 唔會有太多調味👅燒肉轉盤轉一個圈就30秒 牛肉1分鐘內就食得🐄雞腿肉嫩滑幾正🦵🏻‼️青口加咗牛油🧈 蝦都新鮮🦐五花腩切到好薄 但我就唔慣 好易燒過龍🤣用呢個爐係會少咗好多油 雖然冇咁香但係好似健康啲😙❣️韓牛牛肋骨湯飯 $128呢個湯飯好溫暖💛 濃湯泡飯太適合冬天食⛄️做到濃但唔咸 材料好入味 冬菇蘿蔔粟米都索晒味👅牛肉同牛筋都有 充滿骨膠原嘅湯 我飲晒🤣

唔需要放油，只係用發熱既原理令食物煮熟，食物唔容易變燶，相對食得較健康一d。各式飲品和小食都係無限任添，保證能夠食飽飲飽。1++韓牛韓燒定量午市餐($238)，六款食材包括有牛肋骨肉、牛肩胛、黑豚五花腩、雞腿肉、虎蝦、半殼青口，韓牛每邊輕輕燒一陣就食得，牛味重肉質軟腍，五花腩油脂香最濃，用菜包住食簡直一流，又唔會太膩。極上火炙七色丼($118)，除左海膽之外，韓牛、帶子、三文魚、油甘魚、鰻魚、蟹棒全部經過火炙，海鮮既肉質會變得軟腍，入口有熔化口感，海膽色澤靚，味道鮮甜。

突然勁凍，係時候bbq一下。呢度用光波爐所以完全無油煙，唔會成身都係燒烤味；但因為燈光偏紅，成日都唔知啲肉熟咗未，仲有個盤不斷自轉，所以有啲難燒，一開始有幾塊肉變咗豬肉乾 ，overcooked! (oops) ˉ̡̠̭̭"( ⑉¯ །། ¯⑉ )ˉ̡̠̭̭"強烈建議大家參考返餐紙上提示每項食材嘅燒烤時間，唔好搞到我地兩個傻仔咁踢曬腳。；1++韓牛韓燒定量午市餐 (二人份) $238叫呢個定量午市餐飲品同前菜都係任飲任食㗎。前菜最推介蓮藕，個辣汁巧惹味。用木盒裝住韓牛牛肋骨肉、韓牛牛肩胛、韓式雞腿肉、西班牙黑豚五花腩、虎蝦拼半殼青口，仲有啲脆肉瓜同埋蘑菇，賞心悅目。牛肋骨肉油脂豐富，油花分佈均匀，肉味濃郁 ； 牛脊胛肉則比較厚實，略帶煙韌。五花腩富油香，偏脆口，有啲似煙肉 。青口鮮甜，有埋山牛油味道就更香濃了。；極上火炙七色丼 $118火灸嘅刺身入口散發肥美嘅油香，有韓牛、海膽、帶子、三文魚、油甘魚、鰻魚、蟹柳。魚生新鮮嫩滑冇腥味，韓牛軟嫩多汁，唔錯!

有別於一般既韓式烤肉店，依間新開既餐廳使用光波燒烤爐取代傳統既炭火燒烤爐，唔洗驚燒完肉一身油煙味，而且仲相對上較低脂健康，為中意韓燒既你帶來另類體驗～餐廳環境寬闊，大部分座位都係卡位，所以坐得好舒適。依度有放題、套餐及其他單點餐品選擇，今次就試左佢地既午市二人套餐及燒肉丼，Lunch時段仲包埋韓式前菜、沙律及飲品任飲任食，都有唔少選擇！❀ 韓式前菜、沙律及飲品前菜有多種選擇，包括：泡菜、枝豆、粟米、涼拌蓮藕、豬脷、芽菜、青瓜、菠菜及木耳，食落唔會太辣。而沙律吧提供大量菜、青瓜絲、蟹柳絲、中華沙律、蕃茄仔仲有蟹籽，可以自製蟹籽沙律。飲品就有多款汽水、韓式飲品及啤酒等。❀ 1++韓牛韓燒定量午市餐 (二人份)第一次用依款光波燒烤爐，起初擔心會燒得無咁好，點知佢既自動旋轉功能令到食物受熱更加均勻，而且仲會將多餘既油自動排走，所以食落無咁油膩。餐廳亦好貼心在餐紙上列明各種肉類及海鮮既燒烤時間，仲有timer幫手計時，方便控制時間～依款套餐包括1++韓牛牛肋骨肉、韓醬1++韓牛肩胛、西班牙黑豚五花腩、韓式雞腿肉、虎蝦及半殼青口。個人較鍾意兩款韓牛，油脂分佈均勻，燒到半熟既牛肋骨牛味較濃郁，而加左