慢煮工業 (Closed)

大家嚟到黃店，都會諗起一個字，就係個等字，因為黃店通常都大排長龍，大家都真係俾啲耐性，俾啲心機，等吓位，等吓嘢食放假就梗係要食all day breakfast 啦，呢度仲可以揀龍蝦或者牛扒，咁我同朋友一於叫晒佢，咁我哋就兩款都有得食啦睇完嘢食就可以嚟呢個收銀處俾錢買餐，咁跟住就可以坐定定等啲嘢食送到埋嚟實在太豐富啦，等我將兩個餐影個大合照俾大家睇吓先果然慢工出細貨，食得出廚師嘅心機，牛扒煙銀到啱啱好餐廳嘅餐具都好特別，我就用呢把斧頭仔將牛肉劈開龍蝦滿佈芝士，果然係好邪惡每個餐仲有沙律菜、炒蛋茄汁豆、大啡菇仲要有兩塊熱辣辣嘅炸薯餅，香脆可口，食唔停口我哋仲叫咗兩杯特別少少嘅飲品，左邊嘅係香茅蜜桃特飲$28，右邊嘅係荔枝接骨木特飲$28，夏天飲果然夠晒解渴消暑

今次係我第二次食呢間，而上一次係食另一分店。上一次叫左個牛扒🥩平靚正非常合我口味，一直都好想再食呢間，不過位置上唔太順路一直都冇機會，今次出開大角咀就即時諗起呢間要再黎食！第一次黎呢間分店，環境舒服乾淨。menu全部都係好岩我口味好吸引既野食。menu同另一分店好似唔同～因為想再食返上次個扒，係a同b餐之中㨂左all day breakfast今次抱住很大期望黎食都冇令我失望，唔只牛扒，盤中所有野食都好好味我自問對野食既要求唔係好高，基本上只要新鮮都唔會太差，但出街經常食到既野食都係好普通而唔係好食，可能呢間特別岩我口味～普普通通食一餐唔想打太多字講得咁誇張，如果未試過又出開呢頭建議一試

今日去太子買花，順便去一去太子慢煮工業試試他們出名的ADB。座位你可以任揀，當出去order完食物之後，大概十分鐘左右已經上枱，上菜速度不錯，而且視覺上已經滿分。真係唔講得少，食完後全日都唔使食嘢，因為份量超級多。炸薯餅簡直一流，好明顯係新鮮炸出來，香脆十足。牛扒好有牛味，真係唔錯。如果個菇再熟多少少更加Perfect，稍為實左少少。多士香脆亦可口，另外加$28杯摩卡亦不錯。下次有機會試吓龍蝦先😌！

整體食物都好食，有驚喜，口味偏鹹環境舒服，裝修工業風，影下相打卡都幾靚唯獨飲品（latte/tea)認真麻麻地仲要無咖啡糖提供兩個野食都係from lunch menu 呢個叫卡真蒜香蝦包亂咁叫嘅 但意外地好好食喎一個清爽開胃帶點微酸嘅醬汁伴鮮蝦個包蒜香滿滿 加起黎非常夾食完一啖又一啖All day breakfast 有水準可以揀伴牛扒/蝦🦐我揀咗牛排 預期係晚市靚排size cut開細細份咁點知真係比成塊牛排出黎 🥩😳本來有啲失望嘅 見係冰鮮排但廚師處理同調味都👍🏻👍🏻係我食過冰鮮排入面最好之一🤣🤣仲有肉汁嘅𠻹薯餅炸得脆 啡菰芝士味燶 沙律菜新鮮 所有都係水準之上👌🏻👌🏻

前身是尖沙咀小食亭，做出口碑後，開了這間正式的餐廳，真的不容易。不過小食亭現已結業，要再品嚐的話，就要來這店了。店內燈光昏暗，掛著霓虹燈招牌，增添幾分浪漫色彩。店內不停播放著稍為強勁的音樂，令人有放鬆興奮之感，很適合工餘時間輕鬆一下！慢煮工業顧名思義以慢煮來作主打，除了大熱的慢煮牛扒三文治外，還增添了不少菜式，價錢更是非常大眾化。All Day Breakfast ($128)份量十足，睇見都覺得吸引！雖然價錢不貴，但一點都不欺場，有一塊安格斯西冷牛扒，而且味道相當不錯，性價比高！慢煮安格斯牛扒三文治配薯條 ($58)麵包烘成多士，外脆內軟，牛扒粉嫩有光澤，再加上芝士，入口juicy，味道豐富！朱古力布朗尼配雪糕 ($38)朱古力布朗尼口感濕潤不乾，紮實又不會很硬，而且甜度適中。配上沖繩海鹽雪糕，咸咸甜甜，非常的令人驚喜。

早前同朋友去試咗呢一間位於太子和大角咀交界的慢煮工業。叫得慢煮工業當然所有嘅肉都係經長時間低溫慢煮，先至最保留到原汁原味，就係因為咁所以店家預備材料方面要提早準備，否則就會一早沽空，煮唔切。我哋嗰日就係遇到呢個情況，因為光顧當日係5月1號公衆假期，前一晚太好生意把食材都賣得7788，我哋想食嘅豬鞍同雞扒都賣晒😭不過都好彩仲有牛扒同埋部分海鮮配沙律薯條🍟仲有All day breakfast. 不過佢嘅lunch set都算幾抵食，$58-$98就有交易仲免加一，All day breakfast就$128。我哋六個人點左八個lunch set, 牛扒薯條($98)同埋牛扒全日早餐($128)都配有大大塊牛扒，牛扒切開中間粉紅色啱啱好，大概七成熟，經慢煮之後會稍為香煎鎖住肉汁，咬落去好嫰好juicy，果然好正！真係食肉獸至愛！另外因為冇雞冇豬嘅關係，我哋叫晒其他佢有嘅餐咁滯，包括大啡菇水牛芝士沙律（$58）呢個幾正，個啡菇幾厚身多汁！三文魚青蘋果沙律（$58），係煙三文魚，冇乜特別份量比較少。卡真蒜香蝦包（$68）將一啲蝦仁好似熱狗咁樣塞落去包嘅中間都幾特別，味道唔錯。嗰日最後一個比我地

今日襯住假期，同班朋友黎左依間慢煮工業食，一齊試下慢煮之下有咩出品我地6個人，叫左8個餐，食物質素不錯，而且我地坐左4個鐘有多，都無人趕我地走，朋友吹水好推介整體不錯，如青蘋果可以厚少少會有口感d牛扒好嫩，亦有牛味，蛋炒得幾滑，薯餅多士香脆牛扒同樣好嫩，good!!! 薯條好食，唔會好大陣油味蟹肉有鮮味，正！但個蛋就好失望了，個蛋太熟，完全不是egg Benedict 應有的口感有少少辣，d蝦不新鮮大啡菇如果再多汁d會更佳整體不錯，吹水一流。建議大家唔好坐最入，好大油煙。

之前去過尖沙咀既外賣店買左兩份三文治，買到去佐敦谷野餐其實已經凍哂，不過依然覺得係好食，實在難得。知道太子開左分店之後有堂食，當然要黎一試啦！入到去環境幾chill 幾舒適，仲有高座同單行座。All day breakfast...用木板裝既野食真係零舍吸引！哩個All day當中有安格斯西冷牛、焗豆、大啡菇、炒蛋、蜜糖牛油多士同沙律，當日咁岩冇薯餅，所以就轉左兩條炸蝦俾我地。塊牛煎得好靚肉質雖然比較韌，但幾有牛肉味。慢煮安格斯牛扒三文治...我上次都有食哩個，果然熱食係更加正既！麵包兩面烘到香脆，中間夾住牛扒、芝士、沙律菜、蛋黃醬，口感豐富，而且哩塊牛扒比all day既西冷牛好食，肉質比較淋嫩，同樣有牛味，唔通真係慢煮既功勞？！值得一提既係佢地跟三文治附送既薯條！！夠新鮮熱辣之餘，仲係真正既外脆內薯，唔知係咪沾左層薄薄既粉漿所以咁脆口呢！