Bow Coffee

Open Now

Now Closed

未試過，專登入嚟一次，呢一次之後未必會再試第二次。門口雖然有兩個三文魚的bagel餐。但我始終選擇了all day special 的Egg Benedict: 有鹹牛肉$及三文魚$90兩款選擇。飲品另計。我叫咗三文魚egg Benedict ，荷蘭汁on side及nutty的Americano, 唔收現金，八達通PayMe及另一種電子貨幣，唔記得咗係乜。大大杯咖啡，好似幾抵，可惜所謂嘅nutty都係比較淡。Egg benedict 仲失望，以為會有兩塊包，最少有兩隻蛋，點知係一片似乎係日式／丹麥式軟麵包，上面幾塊沙律菜，一隻雞蛋。感覺份量少一節，只有半份的感覺。因為本身唔肚餓，所以OK。如果唔係， $90呢份嘢，就真係唔抵。因為基本上冇技術可言！而且所謂的荷蘭蛋黃汁，應該係現成買返嚟嘅沙律醬！其他餐廳的荷蘭汁，可能真係會自己用蛋黃去做。Anyway, 坐喺度幾relax。因為如果冇位，店員會同進餐廳的的客人講full House，所以令到環境唔會太迫。唔會有人喺身邊等位，亦都唔會喺長梳化旁，攝好多人坐。想要選擇嘢食，或舒適度，你自己揀。