La Crêperie (Closed)

星期六要開OT，女友就去銅鑼灣行住街shop住ping等我放工（-_-#）。 做到下午茶時間終於放得工，之後就約女友到銅鑼灣食飯。呢間晌舊紐約戲院樓上的法國薄餅店我地兩個都想試好耐架喇。佢地晌上環同灣仔都有分店，但環境好似銅鑼灣呢間新店靚啲，所以我地都係選左呢間食。當日天氣勁熱，我地坐低後先點咗支apple cider。佢地有甜及dry的版本，後者酒精濃度較高，我們則要了甜的版本，酒精濃度較輕，只有2.4%，非常好味，蘋果味清新。之後我我地點咗一客鹹，一客甜的法國薄餅。鹹的是帶子、香菇、芝士、煙肉和cream。先講薄餅個味道，我覺得係類似用左日本既soba，食落好香同埋有少少煙韌。讚。個餡既味道互相配合，非常夾。不過落cream落得好重手，食食下已經feel到好滯，好彩今日無叫小食。甜餅方面只係叫左standard的檸檬橙酒薄餅。上檯時傳統方法，燒著酒上。甜薄餅既質感同咸唔同，但同樣地有水準及好食。酒精燃燒過後，酒味唔算好太濃，食起黎有濃郁檸檬及橙酒味，非常不錯！另外，呢度好光猛，而且靜，裝修亦好新淨，值得約埋一班人黎食由於今日女友請客，所以無mark低每一味菜幾錢，酒一支好似120蚊

La Crêperie， 第三間舖開左銅鑼灣新商場，同朋友一行4人去試試.老闆係法國人，採用法國廚師，主打法國特式薄餅，我地叫左法式炒藍貝，食落好新鮮有海水既味道,不得不提佢地既超厚肉薯條，唔乾身，簡直好似食緊焗薯皮一樣,另外叫左新口味紅酒鴨肉意粉，食落唔覺有酒味，反而覺得鴨肉好野味！另一款新口味，龍蝦薄餅中間軟軟地煙煙韌，薄餅邊又脆脆地，襯埋d有質感既d龍蝦肉,好好味!食完主菜試左兩道甜品,一道係傳統既士多啤梨雪糕薄餠, 另一款開心果雪糕加埋d脆片杏仁，新鮮薄菏葉同蜜糖汁一齊食，食完心情都好d^^，臨走時老闆仲比左幾張九折咭我地