Elephant Grounds (K11 Musea)

Open Now

Now Closed

星期日想帶狗仔去食飯同埋去K11 MUSEA 7樓嘅寵物天地影吓相玩吓🐶 而7樓得Elephant Grounds有露天位置可以坐同埋係pet friendly🤝想食Elephant Grounds預咗要花啲時間等位👀 露天戶外嘅位置唔算少，大概有10張枱左右，見到唔少食客帶埋寵物😀主食揀咗店內的B.E.L.T。佢嘅麵包係用牛油烘過，所以食起上嚟會容易覺得膩口🙂 再加上入邊有厚厚嘅煙肉同埋蛋汁，brunch/lunch嚟講絕對係超級夠食🥓🍳薯條炸得幾好食，厚身得嚟唔會覺得乾爭爭🍟 個人覺得薯條比三文治更加分哈哈😂咖啡方面叫咗flat white，份量來講算係大杯，味道就正正常常啦😝由入座、叫野食、等食物去到用餐都需要時間等候，適合大家嚟chill，休閒傾計享受慢活☺️ 同事戶外嘅位置非常之開陽，好容易可以帶狗仔周圍行吓😊

Elephant grounds有唔少分店，感覺可以坐耐啲去chill去傾下計，但係咖啡就真係好一般，0咖啡味，嘢食比較好食。冬天坐户外可以叫侍應開暖爐，咁就可以暖笠笠喇。*Buttermik Pancake $100印象中係EG signature，係三片厚厚嘅美式鬆餅。有淡淡嘅蛋香，質感厚實但不失鬆軟感。擦牛油，點楓糖漿+忌廉，經典不敗組合夾到不得了，食完好飽好滿足。B.E.L.T. $100方包加牛油煎到金黃色、脆卜卜，包住煙肉、半熟煎蛋，口感豐富，生菜、番茄令整體更加清新。薯條攤凍咗，雖然依然脆，但薯味唔夠香。Salted Caramel $55Regular size都非常大杯，拉花好有誠意。我飲唔出有咩咖啡成分😂焦糖份量唔會太多，所以唔會太甜。Mocha $45同樣大杯，咖啡味非常淡，朱古力味多啲，牛奶味最最最重。