Veggi Monster (Closed)

今日放咗工專登走咗去上環新紀元廣場附近搵一個前同事 呢度地方超級熟悉～因為之前返工嘅地方就係呢一度! 都只係過咗一年多啲附近嘅食肆其實都已經有翻天覆地嘅轉變..好多以前食過嘅餐廳依家已經唔喺度...真係只怪租金太貴吧...因為同事近排太過上火所以佢就話想食清淡一啲，咁咁啱行過呢條巷仔見到有一間新嘅素食店，咁我就提議不如試吓素食～ 本身我唔係太好素色因為總係覺得素食了無新意都係啲好重色素味精嘅豆類制製品但係呢一間係一間新派素菜佢有好多款選擇 過咗新紀元廣場前啲轉右就見到呢一間素食店喺找換店隔離 門面唔太大 入面無位 就只有店外一張小圓枱餐廳主打買素食漢堡墨西哥卷沙律健康甜食同埋一啲飲品我同朋友一人點左一個漢堡我點左Burger in Black紳士 $78佢就點左 Oriental Freshness大和風味 $58 漢堡包即叫即做所以都大概等左10多分鐘  我地都係外賣到隔離商場坐下慢慢嘆先講下我個型型黑色漢堡先啦～點解個包係黑色咁當然係用咗竹炭啦 材料就有素芝士有機黑豆蕎麥同埋大啡菇再加埋黑松露醬 材料都幾多架 大啡菇加埋黑松露醬好惹味再加埋大量蔬菜感覺好清新 但本人可能係因為唔係食

在中上環交界發現這家素店，主要賣素漢堡，沙律和墨西哥卷。這天晚上又到中環上學，走幾步過來買點吃的。餐牌簡單得來選擇算多，我買了漢堡和甜點杯，再加果汁上堂飲。BLESS的冷壓果汁近月來幾受歡迎，點了漢堡可以優惠價換購，看到這個之前沒有看過的味道，菠蘿青檸梨子，沒有想像中的酸，卻帶一份梨子的清甜。漢堡包既盒好巨型！跟我塊面一樣大，打開是個跟盒一樣大的黑色漢堡包。竹炭麵包咬落口好輕盈，食落沒有一般麵包的飽滯。漢堡扒是用黑豆和藜麥整成的，豆的質感跟肉有幾成相似，加上藜麥令纖維感提升。配上蕃茄片，大啡菇，素芝士，口味十足外面吃到的肉食漢堡，蔬菜沒有用大路的生菜，而用上SUPERFOOD羽衣甘藍，雖然口感較硬，但選料卻誠意可加，很喜歡，而且份量真的很大，食完好飽足。這個甜點比飲品還要便宜，點了漢堡只要加＄28就可以了，所以都叫上一份，椰汁味好重，內裡其實放滿厚切木瓜，每件木瓜都被濃郁既椰汁包著，面頭放上了大量椰子乾，跟傍邊的果仁一樣，豐富了木瓜杯的層次。

現代人講求生活，素食既可美顏兼健康，就是未能長期茹素者，不少人都會偶爾奉行幾天，既然市場有需要，自然會有店舖，今日走過上環地鐵站附近一條橫街，發現一間新開的外賣西式素食店，招牌黑炭漢堡包非常吸睛，不得不買一個品嚐。 店名及標誌都幾有趣，叫做 Vegi Monster，旁邊圖案仲有隻疑似尼斯湖水怪的動物，宗旨是 green、fresh、vegan。 大型易拉架就是招牌，素卷及漢堡包的圖片最吸引，因為趕時間，無吓研究，隨即點選了這兩樣。 漢堡包即點即做，店員話需時大概5分鐘，見已有幾位外籍人士在等。 閒來四處望，玻璃櫥窗內有即買即可取的沙律、素卷、甜品及飲品。 慢慢再研究餐牌，其實有四款漢堡包，第一款 "綠色力量"，主要成份有鷹嘴豆、蕎麥、杏仁片及用黑椒醬；"大和風味"，有名你叫，饀料用日本珍珠米、千島汁、紫菜、羽衣甘藍及野生牛肝菌；"豆腐狂熱"，當然有豆腐，配小米、紅菜頭、紅生菜及經典蕃茄芥末醬，相信樣子一定紅紅顏色的；我選的 "紳士"，如穿了黑色的紳士套裝 tuxedo , 特別醒神，材料有竹炭麵包、素芝士、有機黑豆、雨衣甘藍、藜麥、大啡菇及黑松露醬。 再睇清楚，原來有 Com