Video
Read full review
2023-02-07
74 views
我記得大約一年前經過上環樂古道，見到云云嘅古董店之中有間新開嘅餐廳，名叫「Le Galet荼香」。從透明大玻璃外望入去，隱約見到別具特色嘅裝潢。但再望多眼，發現門口寫住預約日期已經係幾個月之後😅。直至最近再次行經，心血來潮問吓冇冇位，點知訂到枱平日食晏喎。事隔一年，終於有機會踏進呢間「藝術館」內用餐🏛。餐廳環境同外面睇不一樣，佢面積唔大，不過原來設有兩層，又或者應該話係樓底高嘅閣樓？廚房類似係半開放式，我坐上層就可遠眺廚師嘅製作過程👨🏻🍳。店內裝修平淡得嚟，帶點華麗✨，佢就好似外國啲藝術館咁，唔同位置都擺放咗復古傢具、雕塑同花樽以及掛畫，不過就唔會擺得好密集，所以整體氛圍係輕鬆嘅。餐廳設有午市套餐Lunch Menu🍽，兩道菜Two Course以及三道菜Three Course，分別定價為$188同$218，飲品同甜品要另外再加錢。我認為定價稍高，但第一次嚟可以試吓午餐先，因為晚市Tasting Menu仲貴。Starter 1: Kale Salad with Avocado and Mushroom，🥗沙律用上羽衣甘藍為菜底，醋汁唔酸，並配以牛油果、車厘茄同香菇，後者幾特別，因
我記得大約一年前經過上環樂古道，見到云云嘅古董店之中有間新開嘅餐廳，名叫「Le Galet荼香」。從透明大玻璃外望入去，隱約見到別具特色嘅裝潢。但再望多眼，發現門口寫住預約日期已經係幾個月之後😅。
直至最近再次行經，心血來潮問吓冇冇位，點知訂到枱平日食晏喎。事隔一年，終於有機會踏進呢間「藝術館」內用餐🏛。
餐廳環境同外面睇不一樣，佢面積唔大，不過原來設有兩層，又或者應該話係樓底高嘅閣樓？廚房類似係半開放式，我坐上層就可遠眺廚師嘅製作過程👨🏻🍳。
店內裝修平淡得嚟，帶點華麗✨，佢就好似外國啲藝術館咁，唔同位置都擺放咗復古傢具、雕塑同花樽以及掛畫，不過就唔會擺得好密集，所以整體氛圍係輕鬆嘅。
餐廳設有午市套餐Lunch Menu🍽，兩道菜Two Course以及三道菜Three Course，分別定價為$188同$218，飲品同甜品要另外再加錢。我認為定價稍高，但第一次嚟可以試吓午餐先，因為晚市Tasting Menu仲貴。
Starter 1: Kale Salad with Avocado and Mushroom，🥗沙律用上羽衣甘藍為菜底，醋汁唔酸，並配以牛油果、車厘茄同香菇，後者幾特別，因為曬乾晒，但一咬發現香氣比起新鮮嘅菇更突出。
Caprese Skewed with Balsamic Vinegar
2 views
0 likes
0 comments
Soup: Carrot and Orange Cream Soup，是日餐湯係蘿蔔忌廉湯。🥕除咗紅蘿蔔之外，廚師亦落咗好多其他蔬菜一齊煲，我飲得出輕輕西芹味。同時，湯品仲滲出橙香，味道自然，感覺新穎。
Prime Sirloin with Roasted Garlic Sweet Potato and Beef Jus
5 views
0 likes
0 comments
Main Course 1: Prime Sirloin with Roasted Garlic Sweet Potato and Beef Jus(+$88)，店員建議我哋牛扒要三成熟Medium Rare，🥩出到嚟果然見到肉芯呈嫩粉紅色，食落充滿肉汁，但又唔會滲血水。牛扒並非一般扒房原件咁上，反而係切開咗兩小件，不過勝在肉扒夠厚。伴菜有燒蒜頭同用三色甜薯整成嘅千層薯餅🍠，兩樣都甜甜的。
Pan-seared Fish Fillet with Seasonal Vegetables, Shimeji Mushroom and Lemon Butter Sauce
2 views
0 likes
0 comments
Main Course 2: Pan-seared Fish Fillet with Seasonal Vegetables, Shimeji Mushroom and Lemon Butter Sauce(+$48)，🐟燒魚用上海鱸魚Seabass，魚皮煎香脆，魚肉熱辣辣，富鮮味，肉質既結實又滑溜。醬汁係檸檬牛油汁🍋，原本以為係忌廉狀，點知呈透明，仲意外地清新；而伴菜就採用咗日本本菇🍄同蘆筍。
Daily Dessert: Panna Cotta(+$38)，作為飯後甜品嘅奶凍好大個🍮，我同朋友Share食啱啱好。奶凍牛奶味突出，口感比較濃厚，甜度適中，配上士多啤梨🍓，簡簡單單，美味唔花巧。
總括喺講，喺放假嘅日子食咗一頓令人愉快嘅午餐，確係有優哉游哉嘅感覺😊。店員們服務態度親切，每道菜定必作詳細介紹，而且亦會細心留意客人用餐嘅速度先上菜，抵讚👍。
Post
