Video
Read full review
2016-05-16
1020 views
經過艱辛忙到甩轆嘅一週，嚟到快樂星期五，遇著老婆又要返學，捉埋老友聚聚舊吹吓水，大家想食得輕鬆啲，又話想食吓薄餅，講開我又好似一段時間無到訪過薄餅店，所以，晌網上摷幾間心水嘅，就番大家放工，就嚟到灣仔嘅Jacomax。一入門口位左邊喺整薄餅嘅開放式廚房，右邊喺水吧位，睇住師傅不停咁搓餅皮、放配料、入爐，見證一個又一個嘅薄餅出爐，新鮮出爐嘅薄餅自不然會香脆好食啲 。往餐廳內籠望望，水泥地、水泥牆，卻配搭唔少藝術品（搞笑版名畫）、水晶燈，有格調得嚟，又認真搞鬼 ，不過，襯上啲皮梳化椅，好坐就真喺好坐，之但喺有啲笨重感 。食物方面，大致分類為沙律、前菜、意粉、薄餅及甜品，每個類別嘅選擇都算好。前菜我哋就無叫喇，反而揀咗一客沙律作為開胃頭盤，晌5款沙律中揀嚟最貴嘅蟹肉菠蘿沙律，因為比起其他4款感覺較具特色。 Crab Meat and Pineapple Salad $128 餐牌都寫到明有沙律菜、車厘茄、蟹肉及菠蘿粒，可謂童叟無欺，嚟到都成一大碗，份量十足，不過，賣相就打咗啲折扣，因為只喺將幾樣食材放埋一齊而已，加上一眼就知菠蘿喺罐頭貨，而醬汁亦只有淋晌沙律菜中嘅油醋。幸而，沙律菜
一入門口位左邊喺整薄餅嘅開放式廚房，右邊喺水吧位，睇住師傅不停咁搓餅皮、放配料、入爐，見證一個又一個嘅薄餅出爐，新鮮出爐嘅薄餅自不然會香脆好食啲 。
往餐廳內籠望望，水泥地、水泥牆，卻配搭唔少藝術品（搞笑版名畫）、水晶燈，有格調得嚟，又認真搞鬼 ，不過，襯上啲皮梳化椅，好坐就真喺好坐，之但喺有啲笨重感 。
食物方面，大致分類為沙律、前菜、意粉、薄餅及甜品，每個類別嘅選擇都算好。前菜我哋就無叫喇，反而揀咗一客沙律作為開胃頭盤，晌5款沙律中揀嚟最貴嘅蟹肉菠蘿沙律，因為比起其他4款感覺較具特色。
Crab Meat and Pineapple Salad $128 餐牌都寫到明有沙律菜、車厘茄、蟹肉及菠蘿粒，可謂童叟無欺，嚟到都成一大碗，份量十足，不過，賣相就打咗啲折扣，因為只喺將幾樣食材放埋一齊而已，加上一眼就知菠蘿喺罐頭貨，而醬汁亦只有淋晌沙律菜中嘅油醋。幸而，沙律菜爽脆，蟹肉就算知道唔會喺鮮折貨色，但味道鹹鮮都唔錯。小弟覺得，不如啲沙律菜軋碎少少，再成兜淋上油醋或意大利香草豬，撈勻食可能效果更理想。
意大利麵或意大利飯，足足有成17款之多，睇得眼花撩亂。大致分為忌廉汁醬類、素菜類、海鮮肉類，價錢為$97-$158，我哋咁啱對意大利飯都情有獨鍾，餐牌內有兩款意大利飯，好友一眼相中「米蘭式意大利燴飯」，皆因見到成份加入蕃紅花 。
Risotto Alla Milanese $152 整碟燴飯一片金黃鮮艷，源於蕃紅花嘅作用，醬汁都沾滿每粒飯，飯粒分明，入口細嚼，咬口而不餬，充滿牛油、蕃紅花及巴馬臣芝士嘅香味，真不愧為米蘭嘅傳說。
上文都講過佢哋一入門口就喺整薄餅嘅聖地，可見薄餅喺其主打，餐牌上列咗成23款薄餅，真喺好多都唔認識嘅款式，尺寸分為Regular（12"）及Very Big（20"）。
Quatttro Stagioni $150 太多款式，實在令人三心兩意，揀上Quatttro Stagioni都喺有少少隨心而已，不過，查實貪其多素菜（有橄欖、雅枝竹、磨菇），少肉，單單巴馬火腿就夠晒。
薄餅以蕃茄醬及莫沙里拉芝士做底，鋪上上述食材，味道甘香唔單調，最正啲火腿油潤，令個薄餅鹹香有致；至於批底以薄批為標準，批邊焗得脆口焦香，批心香軟綿綿，下材料份量啱啱好，唔會太搶批底嘅麵粉香，實在有水準 。
因為幾樣嘢都食得我哋頂晒肚，所以，甜品就無試，但都貼個餐牌等大家有個參考，橫掂都喺，就唔志在擺埋個飲品餐牌啦。
可能今次個標題食字得嚟有啲夾硬，但席間談到退休問題，可不是遙遠嘅事，幸而大家都搵到份安穩嘅工作，又有為將來作出安排，希望做到真正嘅積殼防飢啦 。
Post
