Bakehouse

Open Now

Now Closed

上一次去到要排隊，要等好耐，所以無等。今次去到唔駛等，Lucky!  叫咗兩個 2 courses，一個sandwich 同 cubano ，估唔到兩個都有啲辣，食唔到辣嘅我，食咗一半已頂唔順。成餐最出色覺得係個甜品，賣相靚又好味，唔錯。

平時經過bakehouse一定係大排長龍，點知星期日12點去到又唔洗排隊，所以就直入了（不過要坐樓上bar枱位）。餐廳冇乜冷氣，所以有少少熱，叫左杯凍matcha latte同cubano（內含pulled pork，ham，cheese，cuban bread，mayo，pickle），我睇中佢有大量protein 啱晒我😋。天氣好熱，一坐低員工就遞上一杯水非常貼心，而且即刻介紹是日餐湯，同埋落單方法（就係直接同佢落單），如果想食烘焙產品就自己落去睇，睇完同佢落單。我一條友食唔多，所以d酥餅麵包今日就免了。等咗一陣飲品先上，解一解熱。個包等咗10靚分鐘就上啦，面頭應該有微微烘過，不過唔算好脆，溫度係啱啱好可以攞上手食。芝士冇拉絲，係已經溶左再凝固返既狀態。味道唔會過鹹，女仔食係非常飽肚，我冇食早餐過去，食咗3/4個包+飲晒杯latte就飽咗。

特別推薦大家✅Cubano ✅Crispy Portobello Mushroom ✅Sourdough Egg Tart《Cubano》Cuban Bread非常出色🍞，又脆又熱辣辣🔥，齋食包都好食😎Cubano好足料，口感好豐富，pork味道好又嫩🐽，ham冇根，半溶cheese🧀勁正，pickles唔會過酸，所有嘢一齊食好好食😋覺得唔夠味可以額外加mustard，不過我覺得唔洗加都好夠味😋建議share食，因為係會好飽🤰🏻💰$118《Crispy Portobello Mushroom》麵包糠包住mushroom🍞🍄，好match，又完全唔會覺得油，mushroom都幾juicy☺️，個醬都唔錯，辣辣哋💰$58《Sourdough Egg Tart》之前我哋介紹過😌，egg tart都係一如既往咁好食，堂食冇得輸🥧😭💰$12*依家有新排隊方法🤩，留電話，有條link可以睇到大約等幾耐➕等幾多張枱，有位會再sd msg比你📱🚶🏻🚶🏻‍♀️🚶🏻🚶🏻‍♀️**食咁耐嘢，外賣嗰條隊都係冇停過😂

留低電話等位,到你會 sms 通知,向前行有條巷有㗎啡店,坐住等,等咗大約半個鐘坐閣樓,食物 ok個蛋撻好味,無影到相不過,唔知係咪抽氣唔夠,好大油煙味,食完返到屋企全部衫都係油煙味

朋友介紹呢間麵包鋪既包勁好食，又有堂食，所以今日放假特登過海一試星期六十一點黎到排隊，勁多人，已經有十個人喺前面排隊，以外國人為主。等左半個鐘有得入去。menu全部英文，連招待生都係講英文既因為係假期，所以無set。叫左一份avocado toast。好好食，勁多牛油果，好新鮮。上面既蛋整得好靚，好食。麵包又唔會太硬。另外叫左一份Cubano，類似飛碟。里面有芝士，豬肉，酸果等等。口感濃厚豐富。不過個人鐘意avocado toast多啲食完都未夠喉，另外再叫左個plain scone($18)，加多$18有一份cream cheese，和一份士多啤梨醬。雖然$18兩份醬有啲貴，但絶對值得加。因為士多啤梨醬係佢地自己整既，好味過supermarkets 買既醬十分之多。Plain scone勁好食，好鬆化，好香。配埋啲醬勁好食。咖啡就中規中矩啦，咖啡味淡左小小，變相奶味勁左啲。所以下次會試下飲佢既americanoBakehouse真係勁好食，價錢唔係大眾化，但絶對值得食。必然再去!!!!