Harbourview Grill (北角匯二期)

Open Now

Now Closed

難得假日可以悠閒啲慢慢食個午餐🌤️今日嚟到呢間餐廳對住維港景感覺好開揚🌊 仲有室外嘅座位吹住海風都唔會好熱💙仲要係動物友善餐廳可以帶毛孩黎🐶成個氣氛都好Chill😛 食物以多國菜式為主質素唔錯值得一試🗺️⭐️ Tuna Chunks with Mango Salsa 🍣吞拿魚配上黑芝麻造成嘅Crust🖤口感好豐富😛配上芒果Salsa既甜味襯托出吞拿魚既新鮮🥭好有夏威夷嘅感覺🏝️⭐️ Tandoor Halibut 🐟比目魚咬落去非常幼滑肉質新鮮😊 用Tandoori香料醃製過幾有新鮮感🌶️同魚肉意外地幾夾⭐️ Linguine Vongole 🐚值得一讚係蜆肉非常飽滿份量超豐富🥹 簡單用白酒同蒜蓉調味好清新🥂⭐️ Tiramisu 🍰Creamy得黎帶絲絲嘅咖啡香氣☕️甜度啱啱好⭐️ Passion Pavillion 🍍⭐️ Detox Carrot 🥕兩款飲品都好清新好有夏日嘅感覺🏖️紅蘿蔔嘅感覺大自然嘅清甜🧡唔會有草青味 而另外一杯有熱情果同埋菠蘿汁既配搭酸酸甜甜好易入口🥰

今晚同朋友去左一間北角海景美式餐廳，入面既帆船水晶燈營造出一種優雅既氣氛，用餐時間冇限時，可以慢慢同朋友傾偈既好地方。Blue Mist Gin n Tonic朋友先點左一杯cocktail，以蝶豆花gin 酒為基底，加入了橙酒同埋西柚，口感清新帶有微酸，係夏日絕佳選擇。Detox Carrot以胡蘿蔔為主，再加入了鳳梨同埋橙汁，口感清新且甜美。吞拿魚金塊配芒果辣醬(Tuna Chanks w/Mango Salsa)半生熟既吞拿魚，外層包住芝麻煎香，加埋甜酸既芒果辣醬，極具創意既配搭，每一口都感受到層次豐富既味道。龍蝦及大蝦意大利飯(Lobster Shrimp Risotto)龍蝦大蝦肉咬落去非常爽口，意大利飯用左蕃茄汁煮，每一粒飯粒吸收哂茄香味，色彩鮮豔，令人增加食慾。肉眼扒12安士(NZ rib eyes 12 oz)用左新西蘭優質肉眼扒，非常厚身，生熟度要左medium，切開牛扒見到中間呈粉紅色，肉質鮮嫩。朱古力心太軟(Lava Cake)甜品係即叫即做的，搭配上士多啤梨雪糕，一切開心太軟，裡面既朱古力醬慢慢流出黎，加埋外層濃郁既朱古力蛋糕，高質之選。