Elephant Grounds (K11 Musea)

Open Now

Now Closed

黎到K11 Musea呢間Cafe坦白講都係想Chill下💚 曬住太陽有啲園林嘅感覺幾舒服🌴之前食過其他分店感覺食物質素一如Expect地普通🌚 但係呢間分店既店員服務態度極差 👎🏻 語氣無禮貌之餘 提出張單有錯誤嘅時候 唔道歉仲要一手搶過張單🤬見到唔少Comment都話服務態度差 淨係靠打卡一定唔夠吸引回頭客⭐️ Acai Yogurt Bowl 🫐Yogurt偏甜欠缺巴西莓的清新感🇧🇷 點綴嘅Granola反而不錯 係Nutty同甜度中平衡🥜⭐️ Corned Beef Hash 🥩鹹牛肉再調味過整體太油同太鹹🌝 技術含量低係茶餐廳質素⭐️ Dirty ☕️咖啡偏淡而無味😠以價錢黎講CP值低💸

沿住K11扶手電梯上到7樓，去到空中花園，但仲未見到呢間咖啡店。原來店舖喺花園一角，因當時已開始天黑，顯得額外神秘。店舖有室外及室內位置，我地選擇室外位置，因為天氣有啲涼，店員幫我地開左個小火爐，配合兩旁植物、寧靜感覺及柔和音樂，仿似置身大自然，心景亦變得平靜。食物方面，香脆魚柳三文治令我地有驚喜。首先麵包厚身但唔會有好乾ge感覺，口感鬆軟。香脆魚柳更加要讚，脆皮非常鬆化，好容易咬開但依然脆口，魚肉亦保持軟熟。醬油漬三文魚配牛油果配左脆芋片，芋片上有啲糖，配上帶酸ge醬整體恰好，美中不足係牛油果較生，口感較爽而且冇牛油果味。另外叫左Dirty同Flat White，Flat White杯比慣常飲的大杯，感覺抵飲，而且Expresso底都沖得好，都係兩杯滿意ge咖啡