openground (Closed)

五平日五點幾喺深水埗想搵個地方hea下，就去大南街碰碰運氣，由於大多舖頭都係六點收，當日其實選擇不多，最後揀左八點收嘅呢間良心小店。比起咖啡店，佢更似一個co-working space，單據上有wifi密碼，唔少人一邊嘆啡一邊睇書或做嘢。原本想試埋Relieve Studio嘅蛋糕，可惜當日已經沽清，店內仲不定期舉辦展覽，有興趣嘅可以留意下。☕️Dirty凍飲杯好似beaker，玩味十足，咖啡味道濃郁帶酸，Dirty嘅奶再凍啲就更啱我心水。☕️Iced Matcha Latte顏色偏啞，甜度偏低，睇個底知道落左唔少茶粉，但味道偏淡，牛奶嘅存在感較高。

想黎SSP 好耐，其實我前舖明明響SSP但唔知點解就係極唔妥佢，轉左工成年發現呢區越黎越多新崛起咖啡小店、皮革製品小店，越黎越有文青風，有一種獨突既氛圍。好適合下午過黎行下，慢遊一下呢個特別既小區。相比起平日去開既大坑小區，多數都係去嘆個大排檔早餐，慢活反而唔多啱😅今日紅假，一心係想揾間小店行逛下，一場黎到都要揾間啱心水既coffee shop 坐下享受下獨處既寧靜，揾到openground似乎比較啱自己口胃😛11:45黎到，巳經有排緊隊等開門，另有已經開左門坐滿客人（呢d太喧鬧似乎唔多啱）見openground 準備就萃，又知佢有我至愛既牛角包，「早餐」剛好。店原來有兩層，上左樓上更加寧靜。採取自助形式（似快餐店呢點我又唔太buy)🤨Cheese &ham 牛角包加dirty $9x價錢我覺得偏貴，牛角包好明顯唔係新鮮出爐，雖然用既器皿切合我style （係刀叉比例出左事）😛😛dirty 我反而相當欣賞👍🏻，奶同啡比例剛好。 可能價錢包埋我任坐卦店內有yellow object 相關展覧亦有不同產品可售 。㊗️月餅節愉快🥮🌓