時光逆流

Open Now

Now Closed

這間隱世咖啡店位於中環蘭桂坊的石牆上方，主打日式西餐，亦有手工啤酒，店內分為上下兩層，裝修以日系的白、木、綠三種色調為主，營造悠閒時光，更會不定期邀請本地樂手即場表演。澳洲和牛漢堡定食 - $168足度十足的漢堡扒，用上油脂豐富的澳洲和牛，嫩滑且充滿肉汁，牛香味好濃郁，再鋪上香煎太陽蛋；滑溜的溫泉蛋流出濃濃蛋黃；鹹香的關東煮有腐皮、蘿蔔及粉絲；日式漬物有爽脆的蓮藕及酸菜；幼細的稻庭烏冬煙韌彈牙。香煎三文魚定食 - $168超大塊三文魚扒皮脆肉嫩，滿嘴豐溢的魚脂香，帶少許大魚刺，亦方便挑出。巴斯克焦香芝士蛋糕 - $58充滿濃郁的芝士味之餘，更有獨特的焦香，甜而不膩，有半熟軟心的效果。Dirty - $58層次分明且略帶漸變色，咖啡由濃到淡、由深到淺的被鮮奶稀釋，口感變化很豐富。

早前俾呢間新開日系咖啡店既裝潢吸引到，打算黎打卡食野。幾日前終於有機會同朋友黎！黎到之後，先發現原來外部新添左和風壁畫，令到成間咖啡店由內而外都好精緻，喺蘭桂坊石牆上好突出～一入到去就有好親切既店員妹妹招呼我，仲會同我介紹menu上既野食，大讚～再睇menu，發覺佢推出左好多特色咖啡，決定一試。由焦糖燉蛋咖啡到月亮咖啡，每款都係別出心裁既設計。仔細留意，更加會發現店內食物既細節位都好用心，而某d咖啡既取名更係有文學意義。去到最後，我留左一陣掀下店內既書，老闆仲親自過黎同我介紹，顧客服務真係一流～佢仲話原來呢度偶爾會搞workshop～去完之後，先發現原來佢唔止裝潢精緻，連咖啡既同食物既設計都好俾心機，唔放過細節，貫徹日本人既匠人精神。我終於明白，呢種先係真真正正既「日系咖啡店」。