Read full review
2021-08-04
2862 views
期待已久既afternoon tea~有別於一般afternoon tea,依度係會分批上餐點,仲有餐車比客人揀甜品。除了鹹點,所有甜品都可以無限refill~餐廳座位唔多,所以一位難求。環境舒適,整體食物質素高,有機會會再去!想去既你記住每個月1號朝早9點係官網預約兩個月後既位啦~~❀ Tea Sandwiches每隔一排酒店都會轉新menu,今次既鹹點係四款三文治,包括:牛油果蟹肉、芝士火腿、煙三文魚配魚子醬及黑松露蛋沙律三文治。當中最鐘意係牛油果蟹肉及煙三文魚配魚子醬三文治,前者有鮮味既蟹肉配埋creamy既牛油果,味道清新,而後者用魚子醬配煙三文魚,鮮味十足,麵包好鬆軟,整體味道唔錯~❀ Elegant Surprise黑松露蘑菇湯味道濃郁,黑松露味突出~❀ Freshly Baked Delicacies有兩件分別係原味及提子味既scone,外型細細件,仲配有士多啤梨醬、橙醬及clotted cream。Scone外層香脆,入面就較乾身。兩款果醬中較喜歡平時食tea少見既橙醬,橙味濃郁,味道清新,而clotted cream味道較淡。當中最鐘意有提子乾既鬆餅,配埋香濃既果醬,
❀ Tea Sandwiches
每隔一排酒店都會轉新menu,今次既鹹點係四款三文治,包括:牛油果蟹肉、芝士火腿、煙三文魚配魚子醬及黑松露蛋沙律三文治。當中最鐘意係牛油果蟹肉及煙三文魚配魚子醬三文治,前者有鮮味既蟹肉配埋creamy既牛油果,味道清新,而後者用魚子醬配煙三文魚,鮮味十足,麵包好鬆軟,整體味道唔錯~
Tea Sandwiches
89 views
1 likes
0 comments
❀ Elegant Surprise
黑松露蘑菇湯味道濃郁,黑松露味突出~
Elegant Surprise
67 views
0 likes
0 comments
❀ Freshly Baked Delicacies
有兩件分別係原味及提子味既scone,外型細細件,仲配有士多啤梨醬、橙醬及clotted cream。Scone外層香脆,入面就較乾身。兩款果醬中較喜歡平時食tea少見既橙醬,橙味濃郁,味道清新,而clotted cream味道較淡。當中最鐘意有提子乾既鬆餅,配埋香濃既果醬,口感好豐富~
Freshly Baked Delicacies
75 views
0 likes
0 comments
❀ Confectionery Trolley
餐車提供一系列朱古力甜品,啱晒朱古力迷~有黑森林蛋糕、士多啤梨白朱古力慕絲、香蕉朱古力撻,brownie及朱古力脆片。黑森林蛋糕入面加了冧酒仲有櫻桃夾心,朱古力及酒味香濃,食落唔會太甜膩。士多啤梨白朱古力mousses味道香甜,酸酸既士多啤梨醬會中和白朱古力既甜度,味道唔錯。香蕉朱古力撻既朱古力味好香濃,但就蓋過了香蕉味。而Brownie有一層果仁朱古力脆皮外層,上面仲有朱古力醬,食落有點甜膩。朱古力碎片內有提子乾,整體味道會較甜
Confectionery Trolley
58 views
0 likes
0 comments
❀ Pastry Trolley
另一架餐車就有唔同款式既甜品:雲呢拿拿破崙、焦糖芝士蛋糕、荔枝慕絲、班蘭撻及檸檬瑪德蓮蛋糕。當中食得最多就係雲呢拿拿破崙及荔枝慕絲。雲呢拿拿破崙外皮好酥脆,cream好幼滑又有雲呢拿香,而且唔會太甜~荔枝慕絲味道都幾有驚喜,mousses內有荔枝啫喱、荔枝果肉及海綿蛋糕,味道清新又香甜,充滿荔枝香~焦糖cheesecake食落好重芝士味,亦有淡淡焦糖香,味道唔錯但食得多會好膩,餅底下仲有朱古力片,食落好有層次感。班蘭撻撻皮好香脆,仲有淡淡班蘭香~瑪德蓮蛋糕一入口就食到檸檬香,但質感偏乾身
Pastry Trolley
50 views
0 likes
0 comments
❀ Tea Selection
咖啡或茶係可以refill~茶款有好多款,今次就揀左Ocean Voyage及熱朱古力。Ocean Voyage係由檸檬皮、水果、花及薑調配而成,味道清香又解膩,而熱朱古力味道就好香濃
Tea Selection
58 views
1 likes
0 comments
Post