Fleur (翩滙坊) (Closed)

將軍澳站近年開咗勁多新餐廳，翩滙坊呢間Fleur想食好耐，餐廳環境裝修得好舒適，而且食物賣相滿分，擺碟好有心思，搞到我好想去食！！Avo lover牛油果迷一次要食！一碟有三款食物，包括有吱花造型嘅牛油果蓉，自家製醃刁草三文魚他他，同牛油果他他大阪燒。三款都好特別，仲好好味，大阪燒最好食！整到好香，估唔到牛油果可以用嚟做大阪燒，出奇地勁夾，仲可以點埋旁邊嘅紅菜頭沙律醬，更惹味！上面仲有半隻溏心蛋添～另外個款三文魚他他mix埋牛油果都好特別，口感軟棉棉，好味道！Fish lover味噌加拿大三文魚，份量都幾大件，好厚肉，肉質腍身，呢道菜濃味少少，味噌醬都幾濃，旁邊仲有煎意大利飯，煎到好香！沙律菜亦都好新鮮，爽脆！Earl grey strong呢個好正！頭頭係淡淡嘅Earl grey茶味，但擺耐左舊冰融左加埋檸檬，個茶變帶有酸味嘅茶，幾特別，感覺好正，好開胃！Superfruit朋友飲呢杯都話唔錯，好飲，唔會好甜！淨係粒冰都加哂分！呢間餐廳真係好唔錯，環境優美，重點食物質素好好，擺碟賣相滿分，色彩繽紛，而且每碟食物都有食用花伴碟，真係好有心思，滿足的一餐