Bluebird Coffee (樂基商業中心) (Closed)

作為咖啡愛好者，我最鍾意周圍搵咖啡店，今日黎到西營盤站對面嘅Bluebird，門口一大個藍色框，一定唔會行過龍。入到黎有個充滿樹葉嘅柱，座位有吧台位亦有圓枱，座位大概10個左右。呢度咖啡師好樂意介紹唔同咖啡嘅特性。呢度除左普通有奶嘅咖啡，呢度亦有幾款用唔同方法手沖嘅咖啡，亦有啲特別調味嘅咖啡，好似花生醬、椰子等。呢度椰子咖啡係用椰奶，而Mocha亦係用無糖嘅靚可可粉。食物方面有三文治、酥皮、芝士蛋糕。呢度嘅食物係店舖老闆手造。我地就選擇藍莓芝士蛋糕（$45），仲有芝士菠菜酥（$37）。咖啡方面，因為我最鍾意香濃嘅口味，我就揀左有兩個shot嘅Flat White（$42），而朋友就揀左Peanut Butter Latte ($42)。呢度嘅Peanut Butter Latte飲落唔膩又唔會甜，花生味從奶中淡淡咁散發出黎、啱曬怕甜怕膩嘅人。而Flat White嘅咖啡味夠曬重，夠曬提神醒腦，又有奶脂配搭，夠曬正。芝士菠菜酥嘅芝士咬落軟身又夠味，本身加熱後都夠曬香。而芝士蛋糕亦好大件，本身係硬身嘅紐約芝士蛋糕，餅底微脆，食落都幾飽肚。

係西營盤無咩食店既位置開左一間細細既Cafe，鋪頭離遠就見到好sharp既深藍色。裡面既裝修都係同一個調，感覺好優雅。店長好落力咁介紹menu上面既咖啡。其實棉花糖咖啡都想試，不過怕肥既關係，我就叫左Premium hand drip - 我揀左Columbia係味道比較balance既。我朋友就叫左個flat white。杯flatwhite 係用左比較好既奶，所以飲落好rich。呢到都有D輕食，例如一D pastry同cake。我地叫左一個croissant 同 blueberry cheesecake 。 店長話整呢個croissant既麵團係外國運過黎架，而且個包漲卜卜，唔會好似返叮既麵包咁。另外原來個cheesecake，由個餅底開始都係老闆自己整，唔怪知得咁好食。P.S. 個take-out杯好靚靚～估唔到係西環咁多海味舖既附近都有一間咁用心去做咖啡同食物既小舖。而且裝修靚靚，非常適合打卡喔～不過位置不多，大家可以趁平日早D去喔～

new elegant cosy cafe in the neighbourhood. have like around 10 seats inside and a small outdoor standing area outside.friendly boss said that the renovation was still on-going, but the royal blue and rosy gold infuses in all items around from overall themed furnitures, decorations, lights to small details like utensils caught my eyes so much. loved the place.for food they now only have simple bakery items like crossiant and sandwiches. had a flat white and apple stradal. not bad. look forward t