Cuppers Specialty Coffee (Closed)

一直都想試呢間咖啡店，門面好簡潔，黑白色型格，店內桌椅雖然唔成套，卻統一地型格，其中一個角落用木桌椅，加上小朋友畫嘅畫，好小朋友！又唔會同其他型格傢私唔夾！先去收銀處落單，店內唯一嘅女店員好親切，會耐心解答我嘅問題，例如介紹下食物，會講明無套餐等，之後坐低等，喜歡兒童角，既然無兒童爭，坐低靠牆一面，可以感受到陽光，感覺舒服！食物選擇唔多，都係麵包西餐之類，黑板寫晒出來！食物都要耐心等待，10分鐘先來三文治，再等多10分鐘先來咖啡，相隔太遠，食晒三文治先來飲品！調控上可以好點！Smoked Salmon Sandwich（$48）麵包外脆內鬆軟，而且好厚，但餡料太少，煙三文魚只有一片，太薄無乜口感，而且有微腥味！一般！火箭菜爽口，拌碟沙律以甘味火箭菜同紫生菜為主，加啲酸味車厘茄，醋汁清爽酸味開胃！幾好！Flat white($37)拉花靚，咖啡香，易入口！而且夠熱，飲到尾都熱！奇怪係咖啡係店員上，但啡糖就放在收銀處，又要自己出去攞！比較奇怪！慢慢食完，走時店員提我，呢間店將會改名，因為之前嘅老闆兼店員態度差，得罪好多客人，我亦向佢提議，無套餐都可以點選食品，就能夠用優惠價點杯咖啡！咁客人

自從考左牌之後，我同老婆就經常性會入黎赤柱。以前住北角果陣，真係一個星期有時會入黎三到四次。赤柱係一個好舒服既地方，呢到亦都係一個非常 Pet Friendly 既地方。所以我地都好鍾意入黎放狗，果陣有多左隻狗BB果陣，都帶埋入黎呢到比路人摸佢做訓練。不過，香港地可以帶狗既餐廳少之有少，除左海傍大街果堆之外，真係無乜邊間入得。我記得第一次去 Cuppers 果陣，佢地剛剛開，果陣我地都帶住隻狗仔去，店長居然邀請我地帶埋狗仔入去飲返杯同食野！一聽到狗都入得，即刻入，唔諗。今次去，雖然無帶狗，不過就都照入左去，因為呢間野去過幾次，經驗都好好，每次食完都好開心。老婆唔鍾意飲咖啡，所以叫左枝果汁比佢。我自己就點左杯 Flat White。奶味濃得黎又不失咖啡香味，blend得好好。等左一陣，個法式多士黎左，超脆﹑超香口，完全係五星酒店既質素。至於個焗薯，係配沙律上的，好清新，又唔太飽，做下午茶一流。味道佢好香口，配料十足，不過我自己就比較喜歡食焗到燶燶地，但我老婆就好鍾意呢個喇。