Cuppers Specialty Coffee (Closed)

自從考左牌之後，我同老婆就經常性會入黎赤柱。以前住北角果陣，真係一個星期有時會入黎三到四次。赤柱係一個好舒服既地方，呢到亦都係一個非常 Pet Friendly 既地方。所以我地都好鍾意入黎放狗，果陣有多左隻狗BB果陣，都帶埋入黎呢到比路人摸佢做訓練。不過，香港地可以帶狗既餐廳少之有少，除左海傍大街果堆之外，真係無乜邊間入得。我記得第一次去 Cuppers 果陣，佢地剛剛開，果陣我地都帶住隻狗仔去，店長居然邀請我地帶埋狗仔入去飲返杯同食野！一聽到狗都入得，即刻入，唔諗。今次去，雖然無帶狗，不過就都照入左去，因為呢間野去過幾次，經驗都好好，每次食完都好開心。老婆唔鍾意飲咖啡，所以叫左枝果汁比佢。我自己就點左杯 Flat White。奶味濃得黎又不失咖啡香味，blend得好好。等左一陣，個法式多士黎左，超脆﹑超香口，完全係五星酒店既質素。至於個焗薯，係配沙律上的，好清新，又唔太飽，做下午茶一流。味道佢好香口，配料十足，不過我自己就比較喜歡食焗到燶燶地，但我老婆就好鍾意呢個喇。