SKYE Roofbar and Dining

Open Now

Now Closed

銅鑼灣呢間Rooftop Bar環境幾舒服,佢係位於柏寧酒店既頂層,天氣好既時候望住個海景飲杯野真係唔錯👍🏻我哋嗰日大概晏晝四五點嘅時候黎到,有少少風吹住又唔會太熱太晒,都坐得幾舒服🙈好適合同幾個朋友過嚟吹吓水😂《Chicken wings $80》雞翼調味簡單,配左個乳酪醬俾你點黎食,不過味道正常,冇咩特別,得兩隻黎講性價比較低🙂《Bacon cheese roll $80》Bacon cheese roll就幾好食,始終比較邪惡,但都冇咩特別,唔需要特別試😂《Gemini $120》呢杯Cocktail幾好飲,加左棉花糖同熱糖果糖漿,飲落會相對甜小小,但都好refreshing,幾推薦👍🏻《Cancer $140》呢杯就茶香多啲,怕甜既人可以揀呢杯,飲落幾清新,都唔錯🙈《Creme Bulee $100》焦糖燉蛋味道都正常,食到雲尼拿籽,個燉蛋都算滑身,略嫌個焦糖面如果可以整得再脆身少少就更好😂整體幾中意呢間Bar既環境,Cocktail做緊12星座既款式都幾得意,呢兩杯都幾好飲,食物既質素就麻麻,可能食主菜個啲會比較好?但見到menu單點都比較貴,下次有機會再黎試吓佢啲Lunch

難得Skye完成裝修梗係嚟支持吓啦，之前嘅tasting menu真係好出色成日心思思想黎食見到今次由六道菜轉到得返四道菜有啲失望，而且菜式冇之前咁吸引如果可以好似之前咁做返fine dining 嘅French menu setting 會比較好，因為如果而家咁樣就好似有少少似普通西餐，如果呢個價錢就變得性價比低希望可以快啲推出返以前個menu第一轉左呢隻片裝法包真係麻麻哋，比較prefer以前嘅 bun, bread and biscuits 第二以前啲生蠔真係有好明顯用心去設計個賣相，同埋用啲稀有嘅食材配搭(例如既乾冰 setting，個生蠔會講明話係邊度出產配海鹽然後側邊冒煙)今次個法國鵝肝都有啲酥，之前嗰個係每人一份而且設計得好的骰好靚，味道真係差好遠講真如果要食串燒出面好多餐廳做得更好，所以根本如果以串燒為gimmick，再加啲普通西餐，我就睇唔到間餐廳嘅定位喺邊 龍蝦都算新鮮彈牙豬就中規中矩整體真係一啲驚喜都冇😕😕一般般以前嘅Skye可唔可以返返嚟啊今次唯一嘅驚喜就只有 星座cocktail，但係好明顯只係噱頭，無論杯嘢嘅賣相或者味道同個星座一啲關係都冇同埋味道又冇乜特別