Giacomo Ristorante (Closed)

難得平日同兩個朋友一齊放假，其中一個話揀好餐廳叫我唔駛諗，當然最開心啦！雖然話係去銅鑼灣食飯，點知行下行下原來近跑馬地果頭多D，都好呀 !! 遠離少少鬧市 !!去到發現原來係意大利菜，餐廳係酒店入面，環境都幾舒服，好chill，可惜今次我地坐唔到梳化位。先黎一籃麵包，一黎就被我地食哂，連相都影唔切，哈哈！都真係太餓！三款麵包都好好食，檯面仲有橄欖油同黑醋放係度，最岩我地班醋精。朋友揀Red prawn Spaghetti Chitarra，一睇個樣就好吸引！隻紅蝦勁大隻，啖啖肉！佢話食落好鮮甜，Chirarra 掛滿醬汁又Al Dente！確係唔錯！我自己就要左Toothfish，賣相好精緻，立即影多幾張相，魚肉細嫩又滑，好好味～另一位朋友就要Hirame Flounder， 佢話魚肉好滑，配少少醬汁仲可以提升魚嘅鮮味。

近年愈多愈酒店出staycation，朋友仔反而會睇下有咩酒店餐廳好食，今次就揀銅鑼灣酒店嘅意大利餐廳食個Lunch。其實平時搵食真係好少行到近跑馬地果邊嘅銅鑼灣，所以本身都唔知呢度有新餐廳。餐廳本身喺皇冠假日酒店裡面，門口已經見到係走優雅風，裡面環境舒適，好有空間感，唔會想做多啲生意而放多啲檯。可惜坐唔到梳化或靠窗位置，果邊影相一定再靚啲。Menu有時2至4個course選擇。率先上檯嘅係一盤麵包，麵包控朋友見到雙眼發光，三款分別係圓圓嘅酸種麵包、長長嘅Grissini、及脆脆嘅薄片， 酸種麵包真係好好味上檯時熱辣辣仲冒煙，外皮焦脆，內裡保持到濕潤，蘸埋充滿橄欖香嘅橄欖油，一個都真係唔夠兩個人分。Fresh Burrata Cheese芝士控揀芝士棄帶子，Burrata Cheese以水牛芝士加忌廉做成，奶香出眾不油不膩，伴以甜美的小番茄同回甘火箭菜，好fresh好清新，係適合夏天嘅開胃菜。Roasted Scallop 想濃味少少可以揀帶子，面層係48個月嘅黑毛豬火腿，滿滿鹹香味兼充滿油份，帶子鮮甜軟嫩，兩種唔同味道竟然好夾。Hirame Flounder菜式賣相精緻，增加打卡度。