Bostonian Seafood & Grill (Closed)

今日我同家人去朋友話不錯的尖沙咀朗廷酒店bostonian 餐廳慶祝生日，我同啲員工講--帶位姐姐，告知今日生日，佢話可以立即幫我整個生日牌，十分有驚喜。食物方面，我地叫左3個set,包括自助餐，主餐和甜品。食物質素相當不錯，而且啲食物夠熱，又唔會話入唔到口嘅熱度。我地叫左牛，魚和羊，特別係牛，放入口，超級軟，特別推介。服務方面，員工會帶我地去座位上，而且會主動為我地倒水。當食物上桌時，員工亦會耐心為我地講解，十分讚賞。當甜品上桌，甜品上有生日牌和蠟燭，覺得很有驚喜。員工見到我地覺得溫度有點冷，亦主動提供暖水和披肩，感到窩心。環境方面，衛生不錯。有背景音樂，令到有relax嘅感覺，而且燈光相當柔和。值得推介！

由於已經接近聖誕,各大有名又旺場的餐廳都很早爆滿,像我等只一星期前預約而有想有餐豐富吃的, 有時都會覺得”搵食艱難”, 在吃了兩個謝絕預約的電話後,第三個電話打來這裡終於成功了一個booking, 她雖不是”正選”但一向有留意這間餐廳的評語,由幾唔得人歡心至現在減少了負面評語, 改變始終是正面的, 回說這個Semi- Buffet, 先來一個溫暖的法飽, 飽的質素相當之高, 飽皮脆脆如片片雪片, 內部組織鬆軟之餘帶一點點嚼勁, 一枱送上一整個, 一點不吝嗇, 冷盤的確豐富, 沙律菜每一種都是在最佳狀態, 綠色的,赤色的, 鬼佬芽菜也如是, 尤其是個白蘑菇, 菇味濃郁之餘絕對乾身, 不過將白蘑菇作為沙律菜吃的人客不多, 沙律汁醬雖然只是大路的四至五種同樣調味得宜沒有太酸,太咸或者太甜, 杰度亦是正確, 對於吃草一族來說,已經很對辨了,所以後來食完主菜都再去攞多一碟沙律食才罷手,三文魚似乎是這裡的主打, 如果不吃三文魚的人來這用膳應該會幾失望下, 這裡有幾款不同香料醃製的三文魚, 當然傳統煙燻的亦有, 還有三文魚魚生啦, 每款都各有特色,每款吃兩件都占去胃裏空間不少呢, 百蘭地鵝肝醬又是另