Time Coffee (Closed)

自從2019年之後，鐘意飲咖啡既我就捨棄了連鎖咖啡店，因此想尋求其他選擇。見到葵芳開左間咖啡店，加上大部分食評都讚口不絕，因此慕名而來。可惜令人印象深刻既唔係咖啡，而係男店員(定係老闆?)既趕客態度。因為曾經係其他咖啡店外賣時發生烏龍野，係等侯咖啡期間，問清楚外賣事項，該男店員可能誤會左我講既野，態度不太耐煩，一副包拗頸既態度，一定要拗贏我咁。明明係早上非繁忙時間，得我一個客人，正常既問題都咁唔耐煩，賣所謂精品咖啡既人既態度仲差過做茶餐廳，同其他食評所寫既野截然不同，實在教人不敢恭維。本身滿心期待既咖啡因為一肚氣都飲唔出佢既好滋味。其實呢幾年都儘量響應支持小店，但可惜我冇貼錢買難受既興致，咁有態度既小店，我真係高攀不起!

每逢weekend 假日去到葵芳 兩個商場 葵涌廣場 同 新都會廣場都例牌 #人山人海想搵個地方chill 吓 呢兩個商場真係選擇唔多 依家有good news 啦😉行多幾步 穿過葵涌廣場➡️去運動場方向可以搵到係路邊 揸🚗幾朋友買外賣夠方便 甚至泊係旁邊 chill 返杯coffee都得😌#flatwhite $40賣相方面 講真 佢地嘅 #拉花 真係差啲啲😅不過味道先重要 夠滑 溫度ok 咖啡味都好香比較nutty #Latte $40相對flat white 奶嘅比例多啲～不過同樣都飲得出nutty 咖啡味#icedamericano $40唔算好濃 dry身啲 因為nutty 豆地方雖少 不過亦都係咁 店員好nice 會同你吹幾句水而且都見好多係熟客有啲人行過都會打聲招呼👍🏻呢到相對兩個商場 完全係兩個mood 可以坐底chill 吓 傾吓計 就咁慢慢地渡過一個下晝=====================

呢間新開嘅咖啡店，位於葵涌廣場後面的一條街嘅街角，其實店面都幾的骰，裡面是個小廚房，站着2位咖啡師，外面圍上2張bar枱，放滿舊式卡式帶，每張bar枱放咗3張皮質圓凳，枱底有掛鉤可以放袋，都坐得幾舒服㗎。Latte (HK$40/Hot)．咖啡師先放下一個綠色皮質杯墊，之後開始沖咖啡，整個過程就在眼前．拉出靚靚的rosetta拉花．呢杯latte，我覺得味道偏fruity，奶味比espresso多啲啲，口感幾順滑creamy