Umi

Open Now

Now Closed

今次黎到呢間樓上Cafe一上到去就見到一大片維港靚景😍相信亦都係餐廳名Umi(日文「海」)嘅由來🌊🍝火炙北海道帶子明太子意粉 ($148)火炙帶子串好可愛好和風❤️帶子表面有少少焦香 裏面仲好鮮甜☺️其他配料仲有蟹柳、蟹籽、紫菜絲意粉嘅醬汁係明太子醬加少許蕃茄醬酸酸甜甜又creamy 而且每啖都食到唔少明太子😋🍛M5和牛壽喜燒温泉蛋意大利飯 ($148)和牛口感軟腍又入味 份量都唔少👏🏻意大利飯軟硬適中 壽喜燒醬汁食落甜甜地 幾好味🤤將溫泉蛋、洋蔥、菇等撈勻食仲正🍟七味薯條松露醬 ($62)薯條炸得好香脆 份量同樣都好多七味粉為薯條增加些微辛辣感黑松露醬都好出色 食到停唔到口😆其中一份主食我地升級左做套餐只要加$48就可以有自選飲品同精選甜品🤪☕️ 草莓酸奶有草莓醬掛杯 好啱打卡影完相記得要同酸奶攪勻再飲略嫌甜左少少 不過都幾好飲😌🍰Tiramisu 跟餐嘅甜品一啲都唔hea擺盤靚之餘 味道都唔錯🥰呢間餐廳真係極具人氣當日眼見好多walk-in嘅客人都撲空大家有興趣嘅記得要預早book位啦😉

🎀 主食加$28/$48/$88升級套餐（$28 檸檬茶特飲+乳酪杯/$48 自選飲品+精選甜品/$88 自選飲品+自選甜品）▫️ M5和牛壽喜燒温泉蛋意大利飯 ($148)肉肉舖滿碟面，份量都幾多，配埋洋蔥同大蔥，以及甜甜的壽喜燒汁，再加上温泉蛋，十分惹味，意大利飯Creamy而不膩，輕鬆清碟 🫣。 ▫️ 北海道帶子明太子意大利粉 ($148)賣相吸睛 💕，帶子用竹籤串住有啲似小丸子 🍡；除明太子外仲加咗唔少蟹籽同埋蟹柳，令食落唔會好單一；不過順帶一提面層擠咗沙律醬，有少少搶到明太子base嘅味道，覺得如果輕手少少會更好。 ▫️ 精選甜品 — 藍莓芝士蛋糕口感上偏實，蛋糕份量適中，配埋面層微酸嘅藍莓醬有少少中和返芝士本身帶有嘅厚重感，加上甜度唔高，食完成件都唔會好濟。 ▫️ 自選甜品 — 薄荷朱古力牛角窩夫本身想揀Tiramisu但當日去到已Sold Out 🫠，係店員推介下就揀咗呢一款。有三球薄荷雪糕加Brownie再配埋Croffle份量都幾大，Share食比較適合 🤭。Croffle焗得脆脆地，如果牛油味再突出啲就更好。 ▫️ 自選飲品 — 靜岡抹茶豆乳抹茶唔太濃，相比之下豆味會稍突出。