正宗印度餐廳及酒吧 (銅鑼灣道)

Open Now

Now Closed

今日冇食早餐就要去大坑整d野，搞掂已經餓到傻，經過見到呢間印度餐廳，裝修唔錯又唔洗等位就毫不猶疑入左去食curry😻兩個人太餓所以叫左兩份咖哩，兩份naan同一個小食😂佢仲有前菜胡椒薄脆，實夠飽✨Fish Korma - 白腰果咖哩魚，幾特別，因為有加d cream, 所以比普通咖哩淺色，亦唔會太辣；魚大概有5-6塊，都幾滑~✨Butter Chicken - 係我每次食印度咖哩都會叫嘅款，因為都係唔會太辣😂雞粒已去骨，幾易入口。但整體兩個咖哩都係比較稀身d淡味d~✨Cheese Naan - 我本身以為佢係拉芝嗰隻，但佢用嘅芝士係比較清d, 同埋乾身d, 所以芝士味唔會太出，但值得讚嘅係雖然呢款比較薄身，但整得幾脆又唔會太滯✨Garlic Naan - 一上枱已經夠吸睛😂好大塊呀，呢款就厚身d 幾有口感，但唔太食到蒜香味，不過點curry 食係正嘅✨Paneer Pakora - 其實係炸芝士球，同平時食開嘅芝士唔同，似水牛芝士，清清地✨Mango Lassi - 好大杯，重乳酪味，幾開胃

大坑真係有好多美食，第一次幫襯呢度嘅印度餐廳，叫得做正宗，果然冇失望！價錢適中，選擇又多，兩個男人都食到好飽！ 🍴 Goan Curries Chicken 印式椰汁咖哩雞 ($98) + Jeera Rice 印式香料炒飯 ($45) ⭐️⭐️⭐️⭐️ 雞肉好大舊，整得好嫩滑，唔錯！椰汁咖哩唔係好辣，味道濃郁，少少甜，帶點椰香，配上粒粒分明嘅飯一齊食，冇得輸！ 🍴 Garlic Naan 蒜蓉烤餅 ($32) + Cheese Naan 乳酪烤餅 ($35) ⭐️⭐️⭐️⭐️💫 Naan係必點！即叫即烤，所以食落熱辣辣。蒜蓉呢款幾特別，成塊吊係到都睇到有幾大，超有氣勢，而且超香！外皮脆脆地，鹹香得嚟唔會好油，同埋咖哩一齊食，真係會好食好多！至於個cheese naan，賣相比較普通，唔太食到芝士嘅味，反而比個烤餅味掩蓋左。 🍴 Mango Lassi ($48) ⭐️⭐️⭐️⭐️ 唔係好大杯，不過飲得出好濃乳酪同芒果味，味道偏甜，解辣一流！ .............................. 正宗印度餐廳及酒吧 (銅鑼灣道) 地址📍: 大坑銅鑼灣道58號地舖 總評分: 8.2/10 .......

放假諗住去銅鑼灣搭船睇下風景，去之前當然要醫下肚先，揀咗平日好少會食到嘅印度菜。餐廳地方比想像中淺窄，色調以黃色同藍色為主，都幾鮮明易認。-餐湯初初見到餐湯嘅樣有啲嚇親，因為色澤係偏螢光紅。不過飲落都幾正常，帶少許辣度，比坊間羅宋湯質感更稀身。-印式椰汁咖喱配雞 $98以花紋銀器盛載嘅椰汁咖喱，味道濃郁兼帶椰香，辣中帶清甜。雞肉肉質偏瘦，配上咖喱更入味。-奶油烤餅 $28每塊烤餅都幾大，約莫有大半個前臂長。單食都唔算太油膩，口感酥脆帶點煙韌。唔少人都會將烤餅蘸點咖喱同食，我都唔例外，食落會別有一番風味。-印式香料炒飯 $58同港式炒飯唔同，呢款比較似係米飯拌以香料而製成，無點加入豉油或其他食材作配料。單食個人認為有點乾身，拌以咖喱會較易入口。-Mango Lassi $48見好多食評都推薦呢杯，所以都點嚟試試。入口似芒果乳酪，但口感相對濃稠。酸度個人認為適中，幾啱夏天消暑飲用。

居於九龍的小朋友，突然有機會過海而且要去大坑，就決定發掘附近美食。街角位有間正宗印度餐廳及酒吧，外觀已經好有印度特色，內裡裝潢同顏色配搭亦好特別。餐牌上有中、英、印度文，唔洗怕睇唔明同溝通唔到，落單時手指指就成功叫到想叫ge食物，不過因為唔熟識印度菜式所以都唔係好識揀。落單後店員有再為我地介紹一啲前菜，但因為當日天氣實在太熱，冇咩胃口，所以都冇再叫野食了。                            Mango Lassi係芒果味ge印度酸奶，好厚身同好濃芒果味，個人好喜歡。呢個小食係送的，印度呢款脆餅我唔知叫咩名，但我好喜歡食，所以去到印度餐廳想叫都唔識叫，知道ge朋友可唔可以話我知。所以有呢款小食送好開心，有四款唔同醬，色彩好繽紛，味道各有特色，冇幻想中咁辣。(上)咸煎餅、(下)乳酪烤餅，因為叫左兩款包，店員留低小食個四式醬俾我地繼續食。咸煎餅大大塊，有少少油。乳酪烤餅中間有啲芝士同香草味。(左)馬沙拉鷹嘴豆、(右)印式燉羊肉，兩款食物都有個小火點熱住啲食物。馬沙拉鷹嘴豆啲豆好林，馬沙拉個人唔知係咩，上網查過大概係指由多種香料混合成ge調味料，包括香辛料，包含肉桂、肉豆蔻

「正宗印度餐廳及酒吧」位於大坑附近，沿著銅鑼灣道一直走，看到轉角處藍色外牆的小店，就是它了！小店只得數張枱，牆身掛滿印度裝飾，店員和主廚都是印度人，淨講牌面已經很正宗！上菜前，店員先送上咖哩小吃，給你一次過試盡四種不同的咖哩口味，yummy！羊肉咖哩角（$52）酥皮很鬆脆，內裡的羊肉粒很香口，毫無羶味，不說真的吃不出是羊肉！烤雜菜卷（$108）包在菜卷裡的，主要是豆類和菜碎；配上印度香料，雖然是素食但就非常惹味！白腰果汁咖哩雞（$98）吃印度菜，怎可以無咖哩！小店提供十款咖哩選擇，有辣有唔辣；另可揀配雞、羊、牛或海鮮！怕辣的我們，點了白腰果汁咖哩，微辣中帶少少奶香，再配烤餅Naan一起吃，正！Mango Lassi（$48）Lassi是印度飲料，即是乳酪溝水果。酸酸甜甜，吃咖哩後解辣至掂！最後埋單，每人$210.5，以一餐正宗風味的印度菜來說，算抵了！