Cafe Corridor (Closed)

見到食評咁好，同友人一齊去試。舖頭位置唔起眼，要好仔細先見到。。。明白點解會叫cafe corridor。所有食物同飲品都寫左喺近天花板既黑板上，冇額外menu，加上燈光暗，睇得有啲辛苦。最後決定要兩份all day breakfast，一杯cappuccino同一杯mocha。麵包好脆口，配合滑滑炒蛋，都幾好味！不過煙三文魚有啲腥，難入口。熱mocha，略嫌少左咖啡味，mocha最難既地方係要做到咖啡同朱古力balance，所以一杯好飲既mocha係好難做。cappuccino，不過不失！初初見食評咁好，期望太高，所以最後有啲失望。

一早要去網絡供應商度過手機資料，去之前食個早餐！早前在openrice度見過呢間隱蔽Cafe,咁啱在樓下，所以就去探究下，地點都唔難搵，門口位置真係幾隱密！（好有蛇竇feel:music 好難想像在人群喧鬧嘅銅鑼灣時代廣場對面有間小Cafe!去到燈光昏暗，座位唔多，無窗口，有少許密室feel! (有幽閉恐懼症嘅就唔啱食 ）牆上用啲杯墊酒樽裝飾，帶點隨意，收銀上面用黑板粉筆寫滿餐牌，飲品選擇多，食物只有幾款，食家推薦嘅「All day Breakfast」已經賣晒！ （只係上午9點幾）門口收銀有幾個人排隊落單，只有兩枱客在餐廳坐，好多都係外賣走！到我時店員幫我落好單，叫我坐低等！我搵了一張近門口二人枱坐低，雖然唔闊落但都舒適，木桌椅有點像細個小學嘅返學feel! Scrambled egg on toast with cheese （ $40)：粟米炒蛋多士，炒蛋唔算滑，粟米粒好多！淡了少許，麥包多士外脆內軟，我加了芝士，幾香！旁邊伴碟嘅沙律菜唔錯，以火箭菜同紅生菜為主，配醋汁唔錯！ Mocha （ $40)：棗紅色有耳瓦杯，存熱能力幾好！簡單心型拉花，夠熱，朱古力味唔濃

放工後和同事去tea，揀左cwb最多好評語的cafe試，去到已經滿座，好彩等左一陣就有位，睇左板上menu，分別叫左cappuccino , mocha & wild berry smoothies, & mushroom & egg toast ~Mocha 先到，上面有小熊拉花，好可愛，味道都幾好Cappuccino就沒有特別拉花~而杯Smoothies都幾好飲~最後mushroom & egg toast真是幾好味，值得一試

與友人們共進晚餐.地方不難找, 但座位不大舒服....坐冇幾耐就要周身yuk.咖啡比食物好, 但當日胃痛, 沒有喝完...waiters are very nice!詳情不大記得, 因已是兩個月前的事...