MSITU CAFE (Closed)

趁住放假梗係要去Cafe食下野啦，今次嚟到觀塘呢間Cafe，佢嘅名幾有意思，Msitu係森林嘅意思🌳而裝修都好切合，周圍都見到植物元素，感覺好似身處大自然其中，仲有一棵掛咗閃燈嘅彷櫻花樹🌸隔離仲有一面用燈光營造出極光效果嘅牆😆落咗單之後店員就上咗一份黑醋番茄麵包🍅麵包好脆身，上面係醃製左嘅蕃茄粒，酸酸甜甜，最啱作為餐前小食😋雞胸肉凱撒沙律🥗香煎過嘅雞胸肉肉質鮮嫩，沙律菜新鮮爽口，配埋煙肉碎、麵包粒同蕃茄仔，幾開胃😆煙三文魚蘆筍香草忌廉扁意粉我哋選擇加配餐湯，三文魚份量好多，每一啖都食到，配料有蘆筍同蕃茄粒，而忌廉汁亦都好夾🤤雜菜湯平時好少會見到雜菜湯入面有通粉，我哋問店員先知原來係廚師特別加入，所以成個雜菜湯材料好豐富～芝士植系牛肉漢堡🍔脆身嘅竹炭麵包，入面夾住植物肉製成嘅漢堡扒，最啱素食人士，肉質真係好像真，調味亦都啱啱好，想食得健康嘅大家不妨選擇試吓，同埋漢堡嘅size都幾大，漢堡配埋薯仔沙律，薯仔口感軟綿🤤嚟到呢間Cafe要試埋甜品😆Chocolate Brownie🍫濃郁朱古力味，蛋糕面頭有合桃，口感鬆軟，而且係即叫即焗，推薦大家試吓～巨峰提子卷蛋🍇造型好得意，個甜味唔會死甜🤤

今日出觀塘攞完相，疫情期間都唔夠膽再安排咩節目，隨意揀咗附近呢間新開嘅MSITU CAFE，坐低食吓野飲吓咖啡，打發時間。入面環境非常寬敞，餐枱排列疏落，予人滿滿嘅私人空間。叫咗set lunch後，店員先奉上餐前小食，呢個多士上面鋪上經醃製過嘅蕃茄粒同洋蔥粒，仲有大量香草調味，甚有西班牙風味。菠蘿植系雞肉漢堡(Plant-based Chicken Burger with Pineapple)雖然係一個素食，但味道絕不遜色，而且像真度都好高。漢堡入面有原片菠蘿、素雞漢堡、生菜、蕃茄同青瓜，菠蘿仲有燒烤過，可去除過多嘅水份，令整個漢堡唔會太濕潤。素雞漢堡真係好似真雞肉漢堡，睇到有肉嘅纖維同紋理，調味適中唔會過鹹。漢堡仲配有薯仔沙律，薯仔新鮮而口感綿密，非常可口。扒帶子香蒜意粉(Grilled Scallop Penne with Pesto)總共有四粒帶子，而且佢哋仲係選用日本北海道帶子，用料上乘，除咗蒜香仲有蒜片，每條長通粉都掛有白汁，非常美味。食過主菜，當然要試下甜品，我自己就鍾意呢個抹茶意大利芝士餅(Matcha Tiramisu)，茶味濃度剛剛好，同時亦能中和芝士嘅油膩感。日本

今日去觀塘行街經過見到間新開cafe 地方幾大，裝修都幾chill就決定入去飲杯咖啡今日嗌咗杯Mocha 一啖就好濃嘅咖啡味再透出少少嘅朱古力味好啱我🤤🤤🤤朋友叫咗個雙花沙律甜甜哋嘅柚子醬好清新😋下次要去試下佢個意粉先見到隔離枱食好似好正咁😌