Moreish & Malt (鴻圖道) (Closed)

同友人即慶想tea就揾到觀塘呢間門口同入面裝修都唔似置身於觀塘既感覺我地試咗個tea set第一層個macaron甜得黎好硬我係Macaron愛好者但佢甜到唔知咩味個tiramisu還可第二層個吞拿魚芝士多士好食既第三層個牛角色熱既，仲好脆仲有件咖啡cake好濃味，無錯(可能睇廚房心情，因見隔離枱係布甸)+$15 飲咗Earl grey果茶加一個價錢一壺一齊飲味道尚可個waiter推介食牛脷三文治可惜我地想食薯條所以最後都係叫咗個牛肉漢堡個牛我地叫咗7成熟其實可再熟少少，因仲有啲血紅色既肉我下次會再試下all day breakfast

Moreish & Malt 位於觀塘工廈區內，不過係地舖，唔洗上樓。從外面看，餐廳用大型落地玻璃作閉窗，個人幾喜歡日光可照射到餐廳內既感覺~ 餐廳入面貼左一些懷舊posters，仲有個open bar，環境幾舒服。星期六下午brunch meun都幾多款色，all day breakfast, pasta, burger, salad等等，共有十三款嘅選擇。Burger賣相好吸引，成為必叫之一。另外仲叫左個all day breakfast~ Burger好好味，包依然脆脆地，牛肉漢堡有厚度仍然juicy (仲可揀幾多成熟)! Side dish薯條粗身，好有potato分量係入面，唔會炸到好乾!All day breakfast都不相伯仲，板上每樣食物都有heart, 味道唔錯，特別個薯餅粒，食到唔停口!!! 加$38可以飲埋monster shake! 雖然好邪惡，不過唔理喇，炎炎夏日，飲番杯特飲先夠爽! Monster Shake有三款口味，朱古力丶士多啤梨同香蕉。今次我點左士多啤梨狂迷，味道就不過不失~依間餐廳可以encore，下次想試佢個steak!此篇用餐絕對非試食/優惠

Lunch見都多人，所以上年年尾新開到趁收工同同事開年先第一次食。如果喺觀塘返office嘅應該都會識來，始終鋪位算當眼，但係要識路先會方便啲咁。同個女同事嗌一個burger share嚟食，MOREISH牛肉漢堡，118蚊，同其他餐廳burger差唔多價位，再order左杯mocha加10蚊，我自己飲水得。來到個burger外觀都幾OK，符合期待值，好厚，都算大個，個包睇落幾新鮮，要知道burger未食到舊肉之前係要先睇左個包先囉，個包本身如果又乾又韌就失左個意義喇。因為我地係share，所以就切開左先用手食，可以睇到其實真係好大個，切四份，每份都成隻手掌咁大…..。切落去果一刻都已經知道今次冇死喇，burger個邊邊係脆嘅，切好拎上手就好似張相一樣，真係好多汁，啲色好靚！近距離其實可以睇到塊肉最外圍嘅邊係偏乾身，但係裡面係充滿肉汁同脂肪。食落口感覺好軟好rich肉汁同脂肪嘅香味，同個少少脆皮嘅burger包好夾，整體口感好好， burger嘅味道上其實主要都係來自塊肉，所以只要醃得夠時間同埋保留到啲肉汁脂肪，味道一定唔會差，至於其他配料只可以話夾得幾好，因為作為主角嘅肉汁同脂肪太香