阿嫲現烤手工蛋糕 (Moved) New Location

古早蛋糕開到大街小巷都係，但有幾多間真係好好食呢🤔？不過公道啲講，普遍都唔會難食得去邊嘅，始終佢係焗蛋糕嘛，主要分別在於你會唔會回頭再幫襯啫！正正因為上述原因，我繼續尋覓緊會令我回頭嘅蛋糕，目前只得兩間，其他均屬一試無妨嘅水平而已🤭。呢日去開太子買涼麵，就順便試埋「阿嫲現烤手工蛋糕 」。男店主咁啱巡緊舖，佢見狀隨即向我介紹👍。呢度嘅口味選擇都幾多，有個別口味零舍特別，咁就當然唔可以錯過啦！價錢都係咁上下，介乎$50-$80一件不等，呢度亦有半件賣的。由於臨近中秋節🥮，唔請同事食月餅都請同事食番件餅啦，所以我一口氣買咗三件同大家分享。以蛋糕消耗嘅速度，就知佢有幾好食！金叵羅($80/件)，呢隻口味係阿嫲獨家，店主話整金叵羅最花時間，因為要同時有三個人喺短時間內將啲食材加埋一齊。死啦會唔會爆咗人哋商業秘密出嚟🙈。蛋糕餡料主要由土鳳梨蓉同麻糬拔絲組成，上面一格格嗰啲就係鳳梨酥皮。我嘅感覺係將古早蛋糕同鳳梨酥Crossover，蛋糕本身不乏濃濃蛋香🥚，而中間層餡料則同蛋糕超夾，毫無違和感。本身驚麻糬會好奇怪同唔搭調，點知食落勁過癮，好好食😋。呢隻麻糬即係而家好興畀你自行DIY撈芝麻花生嗰種。鳳

公司附近最近開咗好多古早蛋糕店，所以同事間中就會買來試吓做比較，最近佢哋去咗近太子的阿嫲現烤手工蛋糕，話佢哋嘅蛋糕特別香，於是乎今日就拉埋兩個同事嚟觀摩一下。原來呢間小店係由一對小夫妻經營，只此一間，而且佢哋嘅招呼都好好，有禮貌又親切地為我哋逐一介紹，見到佢哋夫唱婦隨用心做蛋糕，所以感覺除咗有古早味，仲帶多一點人情味。而家周圍都有古早蛋糕店，競爭都相當大，所以好多小店都推出唔同嘅口味去吸引食客，其實一間小店要做到五花八門嘅味道一啲都唔容易呀！佢哋將蛋糕盒設計成一間小屋咁，好有老家的感覺。三個女人討論一番再投票之後，終於決定到買邊三款味道。首先一致通過嘅係椰香班蘭味，呢個真係大家都冇揀錯，因為一打開，嗰陣班蘭嘅香味已經撲出嚟，真係香到不得了。食落有淡淡的斑斕清香，甜度適中，就更加凸顯出蛋糕嘅蛋香。之後就揀咗紫薯味，蛋糕面有一行行嘅紫薯蓉唧花間條，所以除咗味道之外，店家都非常注重蛋糕嘅設計同觀感。切開中間係全紫色嘅紫薯蛋糕，好吸晴，而中間亦加入咗一層紫薯蓉，所以特別香濃及有口感。另一款嘅就係Oreo朱古力，蛋糕面層鋪滿海量嘅Oreo餅碎，成本都唔低。切開就係濃濃嘅朱古力蛋糕，中間亦有加入咗

今日星期五提早放工，我同朋友一齊去左太子食飯食完經過呢間古早味蛋糕店見咁多人買野訂野就比佢吸引到！🤩最後我地每人買左兩隻味黎試😛😛我揀左我最愛既Oreo朱古力味同好少見既肉鬆味😋兩個都好大個，老細比我check左冇問題先封盒，好細心！Oreo朱古力係超濃既朱古力味，然後係頂灑左一層oreo曲奇😋中間有層好濃既朱古力夾心老細話用左5種唔同既朱古力整架🤤肉鬆味就係鹹味蛋糕，但冇芝士味咁鹹、鍾意食肉鬆既我超愛呢隻味😋個蛋糕非常鬆軟，超正🥰朋友既在機紫薯係新出既味，超快賣晒！佢嗰日就買左最後一舊😛😛😛另外仲揀左個雙層芝士味，有兩層芝士夾心架🤤仲有幾仲唔同既芝士總括黎講呢間試左4隻味都好正！一啲都唔伏！仲有好多創新既味道😋要多啲去睇至得！