The Salted Pig (新都會廣場) (Closed)

每次嚟豬門店都係食豬手,今次我想試下新嘢!呢個Snack Platter勁多嘢!又有迷你漢堡,又有雞翼,炸魷魚圈,重點係個炸豬皮!啲炸豬皮塊塊都好大,我真係遹一次食,一試成主顧😍😍~非常脆嘅脆豬皮加少少調味已經好正了~另一樣我喜歡嘅係迷你漢堡,塊漢堡好香牛肉味~而且中間仲係好粉嫩,保持咗肉汁~上次食已經好想試Seafood Paella,飯吸收咗海鮮嘅香味,亦有湯汁嘅香味~面頭有好多海鮮,不過啲海鮮嘅味道稍淡~上次食過呢個Sauteed Greens唔錯,所以今次又再叫~仍然一貫嘅滿有蒜香味好正~上次又係飲Sangria,因為太鍾意,今次直接叫一榨!紅酒味加埋水果味好夾,一榨有差不多5,6杯~如果大家都啱飲,抵過一杯杯叫好多~而家仲有午市同晚市早鳥優惠~午市就要星期一至五晏晝12點45分前堂食用餐,結帳及離座~而晚市就星期二至五晏晝5時至7時前堂食用餐,結帳及離座,咁就有7折優惠啦!詳情可以留意返餐廳公佈~

新年聚會，我都是提議去食西餐吧，過去一兩個星期食中餐都食到厭了。知道新都會廣場上面有間「豬肉專門店 (The Salted Pig )」，每次行開新都會都會見到其招牌，一直想食很耐了，一於襯著新正頭嚐嚐吧！Salted Pig 位於新都會中園的頂層，幾乎行開新都會的都會望到的。餐廳環境採取開揚式的，坐得相當舒適。星期六的中午有午市餐牌，若然想要更多選擇，餐廳亦有提供a la carte menu 的。這樣的話，倒不如要些lunch set，另外再點一兩款a la carte吧。可以嚐到「豬肉專門店」的不同款式。▼ 1. BBQ Pork Spare Ribs (Lunch set)Lunch menu 竟然有Pork Ribs，那就正好不過。Lunch set的醬燒豬肋骨配有牛油粟米、椰菜沙律及薯條，份量對於午餐來說都是相當十足。Pork Ribs可以切到有4條支架，而且每條豬肋骨都啖啖肉，醬汁和豬肉味互相交融，非常好食。牛油粟米亦很香甜。午餐必推 BBQ Pork Spare Ribs。▼ 2. Chorizo Prawn Risotto (Lunch set)如果說抵食的話，我就會

今次4個人嚟呢間食，我第二次食呢間，本來都唔知道有「星期一主菜買一送一優惠」，不過落單時侍應好好提醒我哋，於是唔點頭盤，點晒全部主菜最抵食😂😂Crispy Pork Knuckle 1kg HKD298食德國菜必食豬手啦，上枱時熱辣辣脆卜卜，豬皮焗得夠脆唔韌係重點，肉又唔會太乾，好好食！必食Slow-Cooked BBQ Baby Back Ribs HKD258呢個豬助條夠淋好易切，好鍾意佢個汁好惹味好夾！個燒栗米就一般，唔夠甜。薯條就正常發揮，好食！Suckling Pig HKD258第一次食呢道菜，皮薄又香脆，肉都幾Juice，不過份量比較少。Seafood Paella HKD218原來想點意粉，不過侍應推介呢個，因為買一送一，點返貴嘢抵啲😂海鮮份量足，抵食！另外每人飲咗杯啤酒，埋單竟然唔駛一千，抵到痴線！我諗逢星期一我都會諗起呢間餐廳😂😂