ATUM Desserant (Closed)

男朋友終於完成實習 為左要同佢好好慶祝 就book左黎銅鑼灣呢間樓上甜品店食餐好既 (其實講到底都係我自己想食哈哈)其實黎之前已經諗好咗要食個甜品畫 Improvisation 一早做定功課 所以直情餐牌都唔使睇 落左單之後 職員好快就遞上welcome drink 係酸酸甜甜好refreshing既士多啤梨汁 用test tube載住好有特色甜品畫個底有三隻顏色可以揀 分別係黑.白同灰 而男朋友就揀咗黑色 甜品師問左我地有冇咩慶祝字句想寫低 先開始作畫甜品師一邊整一邊講解 好專業寫上祝福字句甜品有菠蘿脆脆.草莓脆脆.柑桔啫喱.綠茶蕨餅朱古力奶凍.honeycomb.朱古力脆片等等多重口感 另外仲加左紅莓同藍莓等既新鮮水果 好豐富之後就到用液態氮製作的分子雪糕既環節 我都係第一次咁近距離睇 一倒水落去 煙霧瀰漫 週邊即時覺得有股冷空氣 好有戲劇效果之後就整埋另外一隻味嘅雪糕放上枱嘅時候 雪糕仲飄出好多煙 甜品師提醒我地要放一陣等無煙岀先好食 如果唔係就會凍親條脷 我哋當日嘅雪糕分別係竹炭味同紅莓味 竹炭味就近似朱古力味 而紅莓味就酸酸甜甜又清新 呢個配搭唔錯最後放上龍鬚糖係雪糕上面就大

今日黎到充滿藝術的甜品世界坐下來就看看餐牌點餐店員介紹席前甜品（二人份）包兩杯飲品餐廳送上兩杯草莓汁是俾大家甜品前refresh一下，很貼心呢底紙有白色、黑色和灰色選擇，我們就選了黑色開始製作！餐廳服務很好甜品師一邊創作一邊與客人有交流，講解一下的製作和所用的食材，能在面前看著整個製作過程製作期間甜品師會給我們試味，在我面前看著一張空白的紙轉眼間已製作了一半之後會製作雪糕的是用上液態氮製作過程中大量煙霧，就像走進仙境裡又會給我們嚐試去製造完成的作品材料有朱古力布甸、金桔啫喱、綠茶麻糬、焦糖脆脆、菠蘿脆脆、紅桑莓脆米、朱古力薄片、朱古力雪糕、草莓雪糕、最後加上粉紅色的龍鬚糖，好美麗的一幅畫就此完成飲品方面選擇了signature fruit tea 和pure camomile teasignature fruit tea這是用新鮮水果即時製作，果味芬芳 茶味濃郁但不苦澀，有蜜糖俾你自行調配。Pure camomile tea清清淡淡的茶，可以減退食左甜品的甜甜的感覺，十分清新

耳聞不如一試。是日慶生，來到這家久負盛名的藝術甜品店。一早聽說擺盤精緻，賞心悅目。仍擔心味道平庸徒有虛名。大約是自降期望，第一口已覺得喜出望外。店堂很小，還特設等位沙發區。真正的用餐區是三面吧台。甜品師現場創作，食客若有興趣，也可以自己動手參與，互動感頗強。甫入坐即有歡迎飲品送上，是日為士多啤梨汁，清爽甜美。藝術甜品畫份量適中，品類繁多。洛神花啫喱清甜，抹茶麻糬軟韌，朱古力布丁香滑，玫瑰布丁芬芳怡人，蜜糖脆脆甜蜜香脆。主角分子雪糕有朱古力及桑果兩款口味，非常輕盈清新，而一朵如雲的龍鬚糖脆甜，令口感再添一分歡快靈動。甜品師應要求寫下祝福字句，並點上蠟燭拍照，服務全方位。招牌果茶以虹吸壺泡製，果香馥郁，酸度適中，落幾滴蜜糖更添風味，沁人心脾。飲品與甜品的風格一脈相承，主打清爽怡人，新鮮醒神。席間，見到甜品師現場調製果醬，切割蜜糖脆脆。一問方知配料食材都是他們自己調配製作，難怪如此新鮮又別具特色，縱然價格不菲，依然覺得不虛此行，味有所值！

一直都好想黎atum食佢地既甜品, 因為賣相好令, 好似藝術品咁, 不過價錢都唔平, 今日終於搵到朋友同Vi黎, atum o係the L square 16樓, 餐廳以白色為主, 有落地玻璃, 仲有個小露台, 座位以bar 枱為主, 整體感覺簡潔舒服~ 一坐底"藝術家"就送上2杯番石榴汁, 點解會叫藝術家呢?因為一陣佢就會為我地畫出一幅甜品畫XD 番石榴汁幾清新, 用test tube裝上亦好特別~一場黎到當然食佢地既Improvisation la!!呢個係2人set, 跟2杯餐飲, 畫紙可以揀黑, 白, 灰, "藝術家"建議我地用黑色, 甜品出黎會令d~"藝術家"開始用唔同果味既sauce畫出好colourful既底, 客人可以要求寫上字句, 可以用黎慶祝生日/紀念日~之後再放上不同既甜品, 有金柑果凍, 抹茶糯米糍, 朱古力脆片, 蕃薯果凍, 熱情果辣椒果凍,朱古力果凍等, 各樣果凍既味道都幾天然, 同埋d果sauce都食得出係用果蓉做, 唔係只係得色素, 熱情果辣椒果凍最為特別, 熱情果味突出帶有小小辣, 係好特別既味道, 其餘既甜品味道亦唔錯, 特別係抹茶糯米糍好煙un~