The Hunt Coffee & Roastery

Open Now

Now Closed

有一次行去搭車嘅時候經過呢條荒謬嘅鴻圖道，俾呢間藍色大門嘅餐廳吸引住，所以就bookmark咗🤫餐廳嘅環境闊落，樓底高，所以感覺一啲都唔嘈吵，窗口嘅位置仲有梳化位，都幾適合傾偈或者悠悠閑閒坐低飲杯嘢食個飯咁Spanish Pork Belly $168西班牙燒腩肉，豬皮燒到脆脆～ 肉質Juicy，用車厘子，檸檬乳酪同埋芒果醬佢做醬汁，減低左豬腩肉嘅油膩感。Angus Sirloin $198做到要求嘅五成熟，牛味香濃肉質有彈性。配菜有原個蒜頭同埋薯條。薯條加咗味粉香辣惹味，將蒜頭配埋牛扒食仲非常夾👍🏻Slow cook Duck Breast $148慢煮嘅鴨胸鮮嫩，令人驚喜嘅係用咗黑糯米加埋乾元貝呢個配搭墊喺底，加埋少少Fresh 嘅青瓜醬汁👍🏻呢個配搭係好食又驚喜Piccolo Latte $38Flat White 6oz 10oz 分別係 $40/$50咖啡味香濃，入口順滑😚最緊要係個靚靚嘅拉花Hunt Signature Tiramisu $68無論如何都要叫個甜品嘅，係呢度嘅signature，酒味都幾香，食落唔會太甜。轉頭仲放咗一片乾橙，好食得嚟仲啱晒打卡。

-{觀塘cafe西餐🍲}之前save低過book左枱 特登為咗tiramisu🥰不過真係好失望😢🤤Spanish Pork Belly🤤 ($178)份量係唯一滿意嘅 份量夠同肥瘦分明 油脂感啱啱好唔會膩 不過啲醬有啲怪👀👖褲評: 7.5/10🤤Angus Sirloin🤤 ($198)個牛扒好薄同冇乜牛味😢薯條似熱浪粉嘅味普普通通👖褲評: 5/10🤤Tuna Risotto🤤 ($178)Tuna煎得幾香不過份量好少 飯質地太硬 香草味似有啲草青味咁。。👖褲評: 5.5/10🤤Black Country🤤 ($178)墨汁意粉配帶子 帶子幾彈不過意粉普通啲 真係好貴😀👖褲評: 6/10🤤Abalone Crab Rie Risotto 🤤 ($168)蛋黃醬加牛油果醬嘅飯 食落超似咖喱唔係講笑😳個鮑魚就正常冇特別 但食落個汁味道好怪👖褲評: 4/10🤤Signature Tiramisu🤤 ($68)啲lady finger 浸唔夠酒唔夠淋又冇乜酒味 似係食cream加lady finger😪👖褲評: 5/10又貴又唔好食！份量亦好少😕性價比好低 tiramisu

幫朋友慶生揀左呢間良心西餐，喺一眾工廈中，淺藍色嘅門面特別顯眼，店內樓底夠高，牆身有塗鴉，星期六一點黎到有唔少人排隊，記得訂定枱先。雖然唔少人為左佢嘅tiramisu而黎，其實佢嘅主菜同樣出色，上次Sous Vide Chicken Breast 同Tuna Risotto都好食，再訪質素依然維持到，服務態度唔錯，而且當日無限用餐時間，平日午餐時段叫主菜就配指定飲品抵食啲。🍽Grilled Sea Bass ($178)魚肉滑嫩，魚皮脆又唔算腥，面頭有幾粒三文魚籽，魚下面有清甜嘅紫薯塊同南瓜蓉，啱晒我呢啲澱粉控，又健康過配薯條。🍽Spanish Pork Belly ($168)三大塊西班牙豬腩肉，厚切但肉質好淋，肥膏唔算多，帶油香，豬皮就無係個個位都脆，好欣賞除左淋喺豬腩面嘅醬汁外，仲有lemon yogurt同芒果醬，清新解膩，酒漬車厘子就有頗重紅酒同肉桂味。🍽Tiramisu ($68)要講呢間餐廳曝光率最高嘅菜式，一定係呢個tiramisu，賣相果然好靚，有塊橙乾做裝飾。Lady finger較食到本身嘅質感，無索過多咖啡或酒，mascarpone cheese夠軟滑，我覺得朱