Video
Read full review
2021-11-16
3557 views
🦋久仰大名的《The Butterfly Room》下午茶話要兩個月前book先有位，仲要月頭上網定時搶咁誇張，呢排愛上左high tea的貓妹嚷著想食好耐，竟然自己係兩個月前book咗位，來慶祝一下呢對high tea腳週年紀念，今次就輪到熊妹受惠，真係辛苦哂！📌地理位置就係近排最新興起的《Rosewood Hotel》2樓，其實酒店級數頂尖到都榮升到全港數一數二，當中出品的餐廳咁出名就絕對係相映成趣。📌嘩！一踏入《The Butterfly Room》的門口，簡直係貴氣逼人。首先，兩層高的樓底令空間感十足，一啲壓迫感都無，好似講野幾大聲都無咩迴響咁，另外，周邊的裝潢加入了蝴蝶🦋的元素，雖然五顏六色🎨，顏色鮮豔，但設計簡潔，唔會令人花多眼亂👀。📌有二人窗邊枱，有四人沙發枱，高背靠椅，坐落去微微向下傾，然後向後挨上椅背，感覺類似坐大班椅，歎杯茶吃件甜點，舒服又寫意，這就是歎下午茶的享受。📌另外，還有花瓣形設計的靠背椅，可以擺放行李或者上座，設計非常特別，雍容華麗，花形又能襯托蝴蝶廳的格調，熊妹都想擁有一張安放在家中，如果有咁大個廳的話。📌《The Butterfly Room》下午茶好
📌地理位置就係近排最新興起的《Rosewood Hotel》2樓，其實酒店級數頂尖到都榮升到全港數一數二，當中出品的餐廳咁出名就絕對係相映成趣。
📌嘩！一踏入《The Butterfly Room》的門口，簡直係貴氣逼人。首先，兩層高的樓底令空間感十足，一啲壓迫感都無，好似講野幾大聲都無咩迴響咁，另外，周邊的裝潢加入了蝴蝶🦋的元素，雖然五顏六色🎨，顏色鮮豔，但設計簡潔，唔會令人花多眼亂👀。📌有二人窗邊枱，有四人沙發枱，高背靠椅，坐落去微微向下傾，然後向後挨上椅背，感覺類似坐大班椅，歎杯茶吃件甜點，舒服又寫意，這就是歎下午茶的享受。
📌另外，還有花瓣形設計的靠背椅，可以擺放行李或者上座，設計非常特別，雍容華麗，花形又能襯托蝴蝶廳的格調，熊妹都想擁有一張安放在家中，如果有咁大個廳的話。
📌《The Butterfly Room》下午茶好特別，食物都係包括典型下午茶小點都有的三文治、甜點、鬆餅、咖啡或者，但呈現的形式比較特別，先會送上一碟四款的手指三文治，然後店員會推出西式點心餐車，送上英式鬆餅連果醬，接著再推出另一架甜點酥餅蛋糕餐車，最後會推出招牌71.5度朱古力甜品餐車，所有餐車款的甜品茶點都可無限量添點，而餐牌都唔會顯示餐車所有茶點的名稱，但會有店員講解是日提供的茶點，有別於一般的三層架下午茶，有人服務之餘，再加多點食客與店員的交流，令到食客更能融入餐廳當中，不至於只停留在自己飯枱，成個下午茶的流程感覺都非常特別。
📌《The Butterfly Room》出名茶品，有招牌「The Butterfly Room Blend Tea」、綠茶、紅茶、白茶、黑茶同洋甘菊草本茶，幾乎各類茶款都有齊，一定揀啱一款心水。📌價錢為$798兩位，如果以可以無限添食嘅優待，咁高級嘅地方享受呢個下午茶，呢個價錢真係絕對抵食。
Tea Sandwiches
110 views
0 likes
0 comments
首先奉上一碟四款八件嘅手指三文治，都知道大家餓着個肚嚟任食下午茶，三文治先醫醫個肚先。
聽店員講解後，四款三文治包括牛油果蟹肉、芝士火腿、魚子醬煙三文魚同黑松露蛋沙律，老實講呢四款口味熊妹都好啱食，全部用料都好新鮮，特別係煙三文魚，咬落去仲有好新鮮嘅三文魚油脂泌出來，魚肉冇渣；牛油果整成溶，搽喺麵包上薄薄一片，味道唔係好出，蟹肉絲好新鮮，淡淡蟹肉好滿足。
而貓妹就最欣賞由細到大都最愛食嘅芝士火腿，熊妹都聯想起中學時期，貓妹就一定會揀芝士火腿三文治做早餐，不過呢款芝士火腿三文治又真係技勝一籌，芝士片味好濃郁又厚，唔係一般淡芝士片，火腿片本身雖然薄，但重疊左幾層，增加左口感，酒店級數嘅平民美食果然係非同凡響。
而熊妹最欣賞係食到最後一件嘅黑松露蛋沙律，超級驚喜嘅係有成片黑松露喺三文治上面，超鮮嘅黑松露味道喺口腔裏縈繞咗一陣，同平平無奇嘅蛋沙律三文治味道非常之夾。
Elegant Surprise
76 views
0 likes
0 comments
店員突然送上一人一小杯灰色湯，真係好驚喜喎！餐牌都唔見有呢款菜式嘅，聞落已經係好香嘅黑松露味，即係黑松露湯。
湯質好濃稠，食到絞碎左嘅粒粒野菌，同黑松露烹調埋一齊真係超級香，趁熱飲係可以暖下胃，放涼飲，黑松露味都依然係咁強烈，果然係用料上乘，不失材料嘅味道。
Freshly Baked Delicacies
73 views
1 likes
0 comments
新鮮烘焙嘅甜點就即係英式鬆餅啦！同樣地都係有牛油原味同埋提子乾味，咁就每款一件試吓啦。跟上嘅果醬有士多啤梨果醬、金橘果醬同埋clotted cream。
《The Butterfly Room》鬆餅就未至於稱得上係三甲位置之上啦，口感係鬆脆嘅，牛油味都重嘅，只係未做到外脆內軟嘅感覺，成件事係成個鬆餅都偏鬆脆，甚至內裏都係同一樣嘅感覺食落去就好似食一件厚層啲鬆脆嘅牛油曲奇餅，就冇咗本身鬆餅入邊應該比較軟淋的牛油鬆化嘅質感，咁就遜色咗啲啦。而果醬味道都幾唔錯，唔會偏甜，熊妹都係揀上最愛嘅clotted cream。
Pastry Trolley
62 views
3 likes
0 comments
呢款係甜點餐車，有五款甜品可以揀，有抹茶紅豆慕絲撻、無花果忌廉蛋糕、經典拿破崙、馬卡龍同埋芒果牛奶布丁。
甜品款味道有啲偏甜，忌廉蛋糕質感軟熟，不過甜咗少少，外層嘅忌廉係幾creamy的，入口即溶。
馬卡龍係百香果味，酸酸甜甜，變成唔係得macaron假甜嘅味道。
牛奶布丁都幾香雲呢拿味，布丁口感唔硬，味道又唔甜，不過上面點綴嘅芒果粒就比較偏酸，酸到蓋過咗牛奶嘅味道。
最好味一定係拿破崙酥皮好酥脆，入邊嘅牛奶忌廉又唔係好甜，一件細細地，貓妹都說要再encore。
抹茶控嘅熊妹都係會投返抹茶甜品一票，抹茶味真係幾香濃，食得出用上價錢不菲嘅抹茶粉，少少苦苦澀澀但又有紅豆蓉嘅中和，成件事就好夾啦。
Confectionery Trolley
60 views
0 likes
0 comments
再來嘅餐車係《The Butterfly Room》招牌71.5度朱古力甜品車，用上各款濃度嘅朱古力製成嘅朱古力甜品，有招牌71.5度朱古力黑森林蛋糕、朱古力撻、朱古力泡芙、拖肥百香果味朱古力，仲有一塊塊果仁朱古力可以食添，完全啱晒朱古力愛好者貓妹，成款車嘅朱古力甜點都俾佢食晒，咪話唔誇張，最後貓妹結論係朱古力🍫都係就咁食最好味。
Tea Selection
61 views
0 likes
0 comments
The Butterfly Room Blend Tea
熊妹當然揀上招牌茶款「The Butterfly Room Blend Tea」試下喇。
以綠茶為底，加入左果茶同花茶，好清香又有果茶嘅甜味，絕對係值得一試嘅招牌茶品，唔錯。
TWG 1837 Black
貓妹就想試吓濃啲嘅茶，揀上黑茶葉，TWG茶葉就當然出名啦，茶味係幾濃，食完一堆甜點之後可以用呢個濃茶嚟洗淡口腔的甜味，呢個配搭都可以。
📌想keep住呢份高檔次享受，門口更有餅店檔位售賣幾款招牌甜點可以外帶，keep住呢份開心帶回家。
📌熊妹貓妹舒舒服服坐足兩個鐘，傾足兩個鐘，飲啖茶又食個茶點，傾下以前又談下現況，感概時間的流逝，又到黃昏了，就像係蝴蝶廳內了個時間輪迴，都仲有下一場，相信到訪的每位都有自己的回憶感受，咁受歡迎一定有佢的價值。
Post
