The Pantry (Closed)

朋友生日指定想嚟食呢間餐廳，因為佢好鍾意佢哋既Pancake，佢話之前嚟食兩次都好多人排隊，所以今次約星期六我地就好早六點就嚟到，結果無見到要排隊，一嚟到就入得，可能係熱潮已經過咗。可能係圓方好多一家大細嚟食，成間餐廳都好多小朋友，一開頭職員安排我地坐最入面，近廚房既位置，因為覺得太焗，所以就要求坐第二度。餐廳係用Tablet點餐既～小食叫咗個Sesame Seared Salmon($98)，呢個三文有輕煎側邊，都幾好食。意粉係Prawn Aglio Olio($172)，整體味道都唔錯，蝦都幾大隻。Pizza係叫Burrata Chorizo($180)，整體都ok，不過覺得佢既芝士分分佈唔太均衡。最好味係朋友介紹既呢個Pancake，The Pantry's Pancakes($125)，係空氣Pancake嚟，食落去又唔會太甜，而且好有口感。呢間餐廳既食物整體上都幾唔錯，不過職員既服務態度就麻麻地，職員係幫我地收Menu既時候見到有電話壓係上面，就推部電話落枱，幫我地加水個陣又好多次好大力咁放個杯落枱面，都幾大聲下，呢幾樣嘢就真係有啲扣分了。

星期六在圓方看完電影後，見到旁邊的餐廳The Pantry竟然有供應近來掀起熱潮的梳乎厘班戟，我作為甜品控，當然不假思索就決定在這裡醫肚 ^o^餐廳佔地廣闊，有大玻璃的開放式設計環境開揚不侷促，很適合朋友gathering又或是一家大細來用餐。餐牌款式繁多，提供多款主菜、意粉、沙律、小食、薄餅及甜品等。而且這裡可以用平板下單，清晰易用，令服務更有效率。下單菜式全都一目了然，亦可減低漏單的可能性。The All Day $155放假總愛睡到自然醒，所以想吃早餐確實有點難度，All Day Breakfast就可讓我這些遲起床的大懶蟲享用一頓豐盛的早餐，這份全日早餐包括Ricotta班戟、炒滑蛋、英式香腸、煙肉及炒蘑菇，材料確實非常豐富！平時的All Day Breakfast多是配以熱香餅/窩夫/多士等等，這裡就由近日人氣急升的梳乎厘班戟取代其位置，彷彿在口中融化般的輕柔纖細口感，配上香甜的楓糖漿，即使這個全日早餐又鹹又甜，卻又完全沒有違和感。炒蛋炒得夠滑溜，不會過老過乾，一入口蛋香即從唇齒間溢出。All Day Breakfast必備的香腸、煙肉份量不少，相當飽肚，而炒蘑菇不會炒得水汪

第三次光顧, 就係為左當初一試難忘既souffle pancakes!! 而且印象中佢既咸點都好食, 環境好舒服, 所以最啱約朋友黎食好西兼吹下水。閒日夜晚人唔多亦冇限時, 可以慢慢食。 我地被安排係卡位, 有梳化坐, 好闊落好舒服。 我地三個女仔叫左兩個main courses 同一個pancakes, 因為份量都幾大, 所以食到攬住個肚lol好大份, 配搭好新穎。鰻魚同玉子都好香, 加上醬料同木魚乾, 配埋落pizza度竟然一D都冇違和感, 又真係估佢唔到咁好食。而且呢個pizza都幾大份, 食完都飽左一半。又係fusion菜色, 亦同樣好match. 冬蔭公味既risotto好得意, 每粒飯都滲出陣陣冬蔭公香味, 但唔會太辣, 飯粒軟硬亦適中。虎蝦大大隻, 好睇又好食。我最喜愛嘅souffle pancakes 水準依然, 輕盈鬆軟仲有ricotta既香味, 外層唔會好乾, 牛油加左焦糖更加香口, 但亦唔會太甜, 成個配搭好襯。好似係呢度先會加ricotta落pancake同埋用焦糖牛油, 係其他地方真係食唔到呢隻味。呢度既pancakes真係好好食, 為左佢, 我一定會再番黎食

每次到Elements是貪其泊車之便，但這邊吃的質素，卻是一般般。當The Pantry一開店的時候，不太愛吃甜的我其實對於梳乎厘Pancake也沒有太大的興趣，但既然朋友相約，泊車又極爲方便，一試無妨吧！Crab Salad $138以這個價錢來講，小小的一份，好像有點貴。吃下去，覺得用料卻是沒有偷工減料，不錯。Truffle e Fungi $188Pizza也比想象中足料，能看到一片片的松露也更是驚喜，畢竟坊間很多標榜松露的菜式，也只是在中間放上一點點的松露醬。Pizza烤得徹底，我們兩個一邊嚷著要減肥，卻也居然能把Pizza吃完。Buttermilk Chicken Waffle $130我不是特別喜歡吃waffle或pancakes，但要我吃的話，我會想吃咸的。看到這個，我們已經把減肥的念頭抛諸腦後，先吃了再説吧！炸鷄炸得剛剛好，也不會太油膩，waffle也算不錯，配搭起來，不愛吃waffle的我也樂意的分了一半。The Pantry's Pancakes $120最後的就是朋友期待已久的The Pantry's Pancakes了。這份甜點分量十足，我一看到就跟朋友笑説，還

同大愛梳乎厘pancake嘅朋友相約去食呢個期待已久嘅The Pantry～～～放工後即刻相約係圓方集合去😘😘知道呢度pancake、waffle都好出名！決定要嗌哂😆😆😆.呢度係用ipad電子自助落單 一黎到店員就好細心解釋點用👍🏿呢個功能太好！有哂相比我地睇每道菜係點～感覺好似有啲保證🙈大概都知佢係點.Roast Eel & Tamagoyaki Pizza ($188)超為食嘅我地突然痴起條筋想食pizzaWAAAAA 滿滿嘅蛋黃醬係滿滿嘅幸福☺️☺️鰻魚雖然切成細細粒 但都好多本來以為蛋會係平時鰻魚飯上嘅蛋絲 見到成角切嘅形狀真係大滿足～～～～❤️同埋個pizza比想像中真係大塊好多🙈 夠3-4人分啊.Waffle Benedicts ($138)配合waffle真係好新穎嘅嘗試！本身有驚過個waffle會好乾掙掙～但上面嘅溫泉蛋切開 濕潤嘅蛋黃漿_罩住成個窩夫令佢變到軟淋但又唔會爛散嘅質感 係剛剛好☺️食窩夫嘅時候有上面嘅荷蘭醬再加上蛋漿 真係一流🤘🏿有埋我最愛嘅牛油果真係無得刁剔😍.The Pantry's Pancakes ($128)係成晚最最最最期待嘅一刻😆 係重頭戲！首先個

今次已經係第2次黎encore再食pancake夜晚黎都唔使點等位,可能因為係星期一~第一次試呢間嘅窩夫~wow!!!超級好味,個窩夫以荷蘭醬配搭埋溫泉蛋,菠菜,2件牛油果,一大片煙肉一早碟已經嘩一聲,好大份同埋超級香~估唔到呢間嘅窩夫做到咁香脆,然後流心溫泉蛋啲蛋汁不停流,加埋一齊超正黎到Pantry一定要嗌佢嘅招牌pancake今次心大心細唔知嗌邊款pancake好,最尾都係嗌番原味~3大塊pancake再連埋焦糖牛油同糖漿,口感超好味~不過佢今次俾少左舊牛油我哋就爭少少...下次要再食另一啲口味先得

同朋友黎食生日飯，由於太肚餓既關係，下午5點半就黎食Early Dinner等位等左5分鐘就入得，食飯限時90分鐘！冬蔭公意大利飯 ＄210賣相超吸引！隔離枱見到都嘩嘩聲味道超濃，但出乎意料地好味！帶有點點辣，醬汁亦很豐富～大頭蝦好大隻，肉質結實，又多膏，正！The Pantry's Pancakes ＄120⁠⁠⁠⁠質感軟綿綿又鬆軟，略帶焦糖味，食落有d似爆谷味道，好吃～但頭一塊Pancake無牛油係面，有埋就完美啦羽衣甘藍藜麥沙律 ＄118沒有醬汁，比較Dry主要係食「羽衣甘藍」既味道同「藜麥」既口感，好在有意大利飯個「蒜頭辣椒檸汁」送下。價錢就略貴，但日式Pancake、多國菜既餐廳都係呢d價位～加上餐廳位置係圓方，所以都預左既！

圓方，曾經被喻為偷情絕佳地方。嗱，A姐你唔好望住我呀，我無嚟過圓方偷情㗎，一定無，點都無! 你真係有所不知，依家已經今時唔同往日啦，圓方多咗好多人囉。睇完戲，肚仔餓，梗係去醫下嗰肚先啦!! 頭先入戲院前見到隔離有間餐廳The Pantry，好似唔錯，試下先!餐廳走無印簡約風，設計自然，周圍放咗好多植物!! 最正係有玻璃窗，太陽照入嚟，好relax。嘩，唔好再感受嗰環境啦! 真係肚餓到可以食咗成隻牛啦，叫住啲小食頂住檔先! 我! 要! 充! 飢! 呀!Scallop Carpaccio：帶子刺身切得好薄，好鮮甜，再配青芥蒂末橄欖油，好清新。上面有少少parmesan芝士，好彩唔係好大陣芝士味，我M佬都食到!Prawn and Mango Wrap：隻蝦好爽口彈牙，下面有芒果翡翠豆苗青瓜卷，好健康!! 配芝麻醬汁好夾，不過多啲醬就仲好!Soft Shell Crab Salad：好鐘意嗰柚子沙律汁，好惹味清新，食到停唔到。嗰軟殼蟹新鮮炸起，熱辣辣，好脆口! 加埋芒果同車厘茄，正!Prime Rib Eye Steak：食完小食，3成飽啦! 係時候食牛! 我哋叫咗嗰5成熟肉眼，不過嚟到有啲似

在九龍站圓方商場內的The Pantry鄰近戲院，聞說餐廳內的招牌Pancakes被譽為係香港數一數二好食的，仲要係充滿空氣感很綿那種。某個星期五晚就來食個晚餐，其實專程係想食Pancakes，但原來主菜都頗有水準。很容易便找到餐廳的位置，裡面的環境頗大，座位多，周圍以不同的綠色植物作點綴，這樣的小清新配以柔和燈光，讓人身心放鬆！特別係這間被綠色植物包圍的位置，簡約又美觀，很喜歡這樣的設計！餐廳很先進用Tablet落單，菜式仔細的分晒類，但並唔係每個菜式都有相片提供，如果可以改善下會用得更開心！餐牌上有沙律、多人分享盤、小食、全日早餐，主菜更有意粉/意大利飯、喇沙湯粉，仲有望到好吸引既即拉薄餅，甜品就主打數款不同口味的Pancakes同窩夫。(餐牌引用自The Pantry Facebook Page)飲品餐牌，款式選擇唔少，各款咖啡/Latte、英式早餐茶、有機茶、沙冰等，連紅/白酒都有供應。Tom Yum Gong Risotto $210材料有魷魚粒、蘑菇以及一大隻烤珍寶大虎蝦，整個原隻大虎蝦放在飯上特別出眾！冬蔭公意大飯煮得很不錯，飯粒質感煮得軟糯不爛，冬蔭公的味道很濃郁惹味，

位於九龍站圓方既The Pantry，好耐之前已經想黎試啦～今日黎晚膳，果然名不虛傳，食物美味環境優美，價錢相宜，期待下次再回來餐廳位於戲院旁，裝修走日系風格，簡約主義配木類傢俬，種左啲綠色植物，環境柔和舒適令人忘記工作煩囂，可以放鬆享受美食。窗旁座位更可飽覽醉人夜景，非常浪漫呢～落order時需要用ipad下單，但店家仲會貼心咁提供埋傳統menu，可以一次過睇曬有咩選擇，揀啱左邊款食品後再去ipad睇吓相片吸唔吸引。美中不足既係並非每樣食品都有提供參考圖片。用ipad落單既好處就係客人揀好食物後直接落單，減少出錯餐既機會。我地提交左餐單後店員就會埋黎收走menu，好有效率Burrata Chorizo pizza $178Burrata係好柔軟而且帶流質感既芝士，係用mozerella加cream製成的，外層係煙韌既mozerella，夾心比較水狀而且creamy。整體味道清淡，係我喜愛既芝士之一。Chorizo係源自西班牙既豬肉腸，我鐘意佢既微煙燻味，帶點真正肉類既口感同埋咸度。佢無parma ham咁咸，口感比salami好，都係我喜愛既腸類。所以呢個薄餅我第一眼就選中左佢啦對個

我同朋友2點鬆到店舖, 果陣佢仲未完lunchtime,要成2點半先完因為之前睇過食評話lunchtime只會供應lunchset,而唔會整其他野食, 咁惟有行多陣先再番黎我哋2個真係好為食,見有啲時間, 就去左Häagen-Dazs買雪糕食,咁依家Häagen-Dazs買2球送2球嘛, 梗係唔可以放過呢個機會啦食完之後就岩岩好兩點半啦平日嘅關係, 當日唔使等候就可以即刻入座餐廳係即叫即做, 所以點完餐佢都會提醒一下係要等30mins內嘅~ 冇關係啦,我地食左雪糕打底, 俾啲時間等美食都冇問題The Pantry's Pancakes我哋一向可以甜品當一餐咁食,首先嗌左呢個招牌Pancake一上碟黎到已經好興奮, 超超超級香嘅pancake味呀! 佢一碟有3塊咁多, 日本pancake完全唔係mcdonald果隻pancake咁, 佢係非常厚, 上面仲要有兩大舊牛油,牛油仲要係加左啲焦糖, 非常香口! 呢款pancake有少少唔同pan de pain, 食完好似陣風咁, pan de pain都好味, 但呢間更為好味!!!! 非常嘅鬆軟同有口感! 好似升左上天咁呀好滿足! 佢仲有埋士