Video
Read full review
2017-02-19
1017 views
在九龍站圓方商場內的The Pantry鄰近戲院，聞說餐廳內的招牌Pancakes被譽為係香港數一數二好食的，仲要係充滿空氣感很綿那種。某個星期五晚就來食個晚餐，其實專程係想食Pancakes，但原來主菜都頗有水準。很容易便找到餐廳的位置，裡面的環境頗大，座位多，周圍以不同的綠色植物作點綴，這樣的小清新配以柔和燈光，讓人身心放鬆！特別係這間被綠色植物包圍的位置，簡約又美觀，很喜歡這樣的設計！餐廳很先進用Tablet落單，菜式仔細的分晒類，但並唔係每個菜式都有相片提供，如果可以改善下會用得更開心！餐牌上有沙律、多人分享盤、小食、全日早餐，主菜更有意粉/意大利飯、喇沙湯粉，仲有望到好吸引既即拉薄餅，甜品就主打數款不同口味的Pancakes同窩夫。(餐牌引用自The Pantry Facebook Page)飲品餐牌，款式選擇唔少，各款咖啡/Latte、英式早餐茶、有機茶、沙冰等，連紅/白酒都有供應。Tom Yum Gong Risotto $210材料有魷魚粒、蘑菇以及一大隻烤珍寶大虎蝦，整個原隻大虎蝦放在飯上特別出眾！冬蔭公意大飯煮得很不錯，飯粒質感煮得軟糯不爛，冬蔭公的味道很濃郁惹味，
在九龍站圓方商場內的The Pantry鄰近戲院，聞說餐廳內的招牌Pancakes被譽為係香港數一數二好食的，仲要係充滿空氣感很綿那種。某個星期五晚就來食個晚餐，其實專程係想食Pancakes，但原來主菜都頗有水準。
很容易便找到餐廳的位置，裡面的環境頗大，座位多，周圍以不同的綠色植物作點綴，這樣的小清新配以柔和燈光，讓人身心放鬆！
特別係這間被綠色植物包圍的位置，簡約又美觀，很喜歡這樣的設計！
餐廳很先進用Tablet落單，菜式仔細的分晒類，但並唔係每個菜式都有相片提供，如果可以改善下會用得更開心！
餐牌上有沙律、多人分享盤、小食、全日早餐，主菜更有意粉/意大利飯、喇沙湯粉，仲有望到好吸引既即拉薄餅，甜品就主打數款不同口味的Pancakes同窩夫。(餐牌引用自The Pantry Facebook Page)
飲品餐牌，款式選擇唔少，各款咖啡/Latte、英式早餐茶、有機茶、沙冰等，連紅/白酒都有供應。
Tom Yum Gong Risotto
$210
26 views
0 likes
0 comments
材料有魷魚粒、蘑菇以及一大隻烤珍寶大虎蝦，整個原隻大虎蝦放在飯上特別出眾！
冬蔭公意大飯煮得很不錯，飯粒質感煮得軟糯不爛，冬蔭公的味道很濃郁惹味，少少辣又不會嗆喉，當中的蘑菇和魷魚粒更豐富左口感。
烤珍寶大虎蝦去殼後內藏不少蝦肉，看上去蝦肉相當質厚，蝦肉食落頗爽啖啖肉。食完蝦身到蝦頭，意想不到的裡面不少蝦膏，味道甘香邪惡。用上這份量的大虎蝦實屬少見，感覺超足料的，餐廳另附上小碟泰式醬汁用黎蘸蝦食。
Roast Eel & Tamagoyaki $188餐廳有過十款即拉即製既薄餅，今次揀呢款有男人至愛既燒鰻魚，材料偏向日本風。
材料有燒鰻魚、甜蛋、枝豆、蛋黃醬同木魚絲，份量都幾大架，有成八塊，兩個人叫埋其他食物係食唔晒既。
Pizza皮食落邊邊脆口再帶點煙韌口感，鰻魚份量都唔少架，配合帶甜的蛋黃醬，味道其實很穩陣，整體上係好食既，男人都話食得過。
The Pantry's Pancakes
$120
37 views
1 likes
0 comments
The Pantry's Pancakes $120據說係香港數一數二既Pancakes，Pancakes有原味、抹茶同Tiramisu、Mango。因為有兩隻味都想食，所以瘋狂地叫左兩款，好彩都食得晒。
先試左原味，一碟三塊Pancake，配上莓類水果、忌廉、牛油和楓糖漿。
班戟食落很軟熟，中間的口感帶有綿綿和輕柔的質感，頗似平時食開既梳乎里，充滿空氣感，味道簡樸更能食出蛋香。食左兩件都未覺飽滯，加埋糖漿食會更香甜，真係幾好食！
Green Tea Mousse Pancakes
$140
35 views
0 likes
0 comments
係Tiramisu同綠茶味兩者猶疑左好耐，最後揀左後者。班戟上淋上綠悠悠既綠茶慕絲，配上一個反筒既綠茶雪糕，仲有紅豆蓉同粒粒脆米，賣相好吸晴，影相一流！
綠茶慕絲帶微微苦同甘甘的味道，甜度不高；雪糕有很濃郁甘甜的綠茶味，班戟是同樣的綿綿軟熟，不過加左綠茶慕絲後就唔太食得出蛋香，都係終於原味。
Other Info. :
*出示The Grand戲院同日戲票即可享9折優惠
*the Circle會員用膳可享85折優惠
(The above review is the personal opinion of a user which does not represent OpenRice's point of view.)
Post
