登堂 (Closed)

黎過食晚餐，覺得價格偏貴又唔係特別好味，仲要坐得好逼好唔舒服，印象一般。但女友話試過午餐好吸引，咁就試下啦。可能疫情關係，今次俾左4人枱我地，地方闊落，間房又好光猛，仲要坐足3個鐘都冇人趕，加上食物都好有驚喜，對呢度印象好左好多。加勒比式烤原條鮮魚 $158非常驚喜！唔係煎，係明火烤，連鋪上面既檸檬都燒焦左，變左有魚油味既檸檬，好惹味OMG！啲泰式辣汁係烤到入左魚肉裡面，非常入味，啖啖都係魚既鮮味＋酸味＋煙燻味，食到停唔到口。佢另外有個泰式辣汁可以點，好勁辣椒香好惹味，女友話太辣。唔記得係邊種魚，係中式既魚仔（可以比較下檸檬既大小），雖然唔係鱈魚咁冇骨，但魚骨唔太幼，容易整走既，用刀叉食就爭啲，我地就唔客氣，用手拎住食。配菜就小左啲，得兩個日本小薯仔，下次加配飯/意粉會好啲。澳洲牛面脥肉肉醬闊條面(Tagliolini) $138普通既菜式，轉左好味既牛肉後冇咁普通了。唔係得肉醬，真係有細舊既好嫩滑既牛肉，既然係面脥肉，預左牛味唔會好濃，但係整體都幾好味。iced latte (less milk) $23特登要少奶，等咖啡味突出啲，味道冇令人失望。咖啡本身好飲既，同奶既比例都合適。個

之前Lunch食過幾次午餐……已經覺得啲套餐水準越來越差，牛扒類好韌，烤魚來來去去都係果個味，所以有一排無來食過啦。同事提議…今次我地再來食，感覺唔同晒，啲水準比起之前好左好多，仲覺得幾好味添。一行3人…我和兩位同事各自叫左不同套餐，仲order埋甜品Tiramisu+栗子批。(1) J20左個炭烤羊扒餐加配意粉(7成熟)。- 羊騷味好濃，扒唔韌好嫩，連配菜焗薯好好味。(2) J19招牌烤西班牙黑毛豬扒餐加配意粉(7成熟)。- 黑毛豬食落口感幾好唔錯，切落厚而不韌。(3) J24炭烤阿根廷草飼肉眼牛扒餐加配意粉(7成熟)。- 眼肉扒相對普通，但肉質都唔韌，好味嘅。今次食完之後，應該會再有下次光顧嘅！🤣最後…埋單時仲比我地發現，用信用卡付款午市有9折吖。

最近觀塘區開了不少的新餐廳，今晚同朋友來刑興業街的The Wave 覓食，這裡真是有很多餐廳 ，位於翻新的工業大廈中，大部份都是西餐廳為主，最後我們選擇了樓原來「登堂Downtown 」，原來是M1 Group 旗下的餐廳之一，也是提供多國菜的餐廳，裝備都好時尚又潮，環境也相當寬敞，佔了全層的空間，用餐區分了兩邊的，一邊是鄰近開放式廚房，而另一邊就靠近酒吧及酒櫃。打開個drink menu，飲品選擇真是多元化，這裡除了有酒精飲品之外，主打有自家製冷泡奶蓋茶、自家製冷泡茶、經典雞尾酒、精品咖啡等.....我們二人各點了兩款花茶，分別有櫻花茶($56)及蘋果茶($40)，優雅透明玻璃花茶壺放在蠟燭台上，雲石圖案為主調的，那款窩心的櫻花茶讓我暫時放下繁重的心情，碟旁亦放了少許的櫻花茶葉作裝飾，細味先來品嚐一口，紅茶中保持花的香味，清幽撲鼻，一邊喝茶一邊欣賞那個花茶壺，真是令人賞心悅目。頭皚我們先來一份48個月西班牙黑毛豬火腿配蜜瓜(50g)  $208，蜜瓜可以中和火腿的鹹味，柔軟鹹鮮的iberico火腿味道甘香油潤，肉味十分濃郁，餘韻悠長，真是令人回味無窮 ，同時更突顯了蜜瓜的清甜，一鹹一