LucAle

Open Now

Now Closed

近期「手工意粉」大熱，而IG又剛剛睇到介紹呢間隱蔽餐廳，於是就去試吓啦！地點都易搵嘅，喺2座大廈中間的巷仔入，不過如果IG無講明，就真係未必知有間餐廳在內。(店員好進取，好chr，呢度令我和朋友，有些少尷尬，感覺處處逼人）一去到餐廳店員就帶我們入座，patpat剛剛掂到張櫈就問要唔要「sparkling / distilled water 」，我反問有冇唔需要付款的白開水，佢話無。然後就遞咗個drink list，所有水都要收錢。即去中式飲茶，點都要比茶錢。咁就人頭每位$28啦。剛剛點完水，餐牌都未睇定，個店員又走埋嚟問我哋係咪可以點菜？我哋話俾少少時間我哋睇吓先，佢十分之進取，直程企喺我哋枱面前望住我哋等落單。話口未完，又走埋嚟推介叫我哋食松露手工意粉，但係我哋睇IG介紹話有一個短意粉，但佢話今日冇呢個短意粉，最終就叫返佢嘅松露意粉（之後其他顧客我都發現佢係介紹松露手工意粉，可能係當日公司target 菜式）雖然店員令到我哋有少少唔開心，但係食物嘅質素總算彌補番，首先呢一個Parma ham 如果2個女仔食，真係有啲大碟，食完都有啲飽。另外個牛肉，因為係慢煮嘅關係，所以肉質非常之軟腍

香港開始旺起來，周五晚搵食非容易，處處爆滿，但要找到好味的，難上加難。好不容易朋友介紹才找到這西環隱敞小店！（注意：門口在后巷內）頭盆：牛油果TUNA魚沙律。首先賣相出色，牛油果打成醬配上醬油和檸檬醋，渾上Tuna魚，加埋塊脆片，口感味道都配合到天依無縫，妙絕！主菜一：龍蝦帶子黑白意粉配紅蝦蛤蜊汁。上枱已撲鼻香，熱烘烘。三扒兩撥吃光！主菜二：西冷牛扒配奶油波菜蓉。肉質juicy, 應有的高級西餐廳水平。最後甜品：Tiramisu 。又一驚喜！杯面上是可可脆脆，里面有烤過的果仁和藍梅啫里粒，配合打好香滑奶油，令你感受到無比的快樂，做到甜品的最佳功能！