POP vegan (Closed)

香港地有純素西餐既選擇寥寥可數，而且無五辛既更加少之又少，所以Pop Vegan開業後都成為熱話，呢日終於藉着同學敘舊嘅名義可以黎品嚐。Salad係非常難忘，入口清新又有泰式既味道，而且Tuna入口即溶。Pizza好有特色，因為可以一次過試哂四種唔同既味，同埋唔會烘得太乾身，最喜歡茄子味。Pasta既芝士味剛好，好Creamy又唔太鹹，仲加左甜甜既蘆筍。朋友推薦Rice Pudding，外型精緻，椰奶味很香濃。至於Rice Roll有點太大件，食起上黎有點狼狽，如果做到精緻一點，一口份量就最好不過。Fruit Tart既皮略嫌有點過硬，不夠鬆跪，希望可以改善。

雖然嚟之前已經知係高質西式素，但係品嚐過後實在有驚喜，比想像更好食。一家人食得好開心，連平時一聽到去食素就搖頭擺手嘅屋企人食完之後都讚口不絕，對素食產生興趣，有新認識。實在可喜可賀。留意咗Veganism幾年，本人都係純素食者一名，周圍揾素食。睇得出作品都非常用心，食材新鮮，撘配亦都巧妙，細節做得非常到位，賣相精緻，味道更加係令人再三回味，想做回頭客。感謝老闆開咗間咁好食嘅餐廳🙏🏼真係一次愉快嘅用餐體驗。

肥妹仔平時無肉不歡，今次選擇到開張不久的pop vegan嘗試第一次的純素體驗。餐廳環境夠空間感，令人感覺舒服，不會好逼。餐牌超新淨哈哈。<Vegan tuna tartar $98>材料多、口感豐富，有芒果、牛油果、蕃茄同藜麥製成的沙律，味道清新。主角就係用蒟蒻模仿的素吞拿魚，外形酷似真正的tuna tartar，但略嫌蒟蒻份量太少，被搶去了風頭有點可惜。tartar厚度不弱。<Eggplant Parmigiana $98> 是芝士茄醬焗切片茄子，酸酸的蕃茄醬味道濃郁，配上大量鋪面的芝士同吃好邪惡𥚃面雖有不同配菜，但小心越吃越濟。<Vegan crab burger $138> 肥妹仔選了竹炭麵包，用上海量菜絲，第一眼望落好似椰菜沙津蟹肉用雞脾菇代替，菇撕成一條條再炸、口感脆口，配上蛋黃醬，一啲都唔漏，好特別！炸薯條都係新鮮炸夠脆口。美中不足的是，沙律菜好咸，師傅落左好多鹽不過肥妹仔真心推薦另一主菜<Four seasons pizza $138> 一次過試到四隻口味，雖然餅底醬汁一樣，但材料就分別有蕃茄、茄子、南瓜同