糖水雄

Open Now

Now Closed

夜晚想一班朋友一齊食糖水，有時都想試吓啲特色嘢🤪 嚟到佐敦，我第一時間就諗起「#糖水雄」！對於我呢個鍾意唔睇譜整嘢食嘅人，我一直好欣賞糖水雄成日會創作啲好特別嘅菜色😛 🍫我哋人多，變咗可以試唔同嘅嘢，包括上次嚟冇人陪我試嘅「朱古力燒賣」 😆 燒賣係炸過嘅，再加埋朱古力醬、砂糖，仲有勁多嘅Cream，超級邪惡😈！🍨白果腐竹沙冰 & 喳咋沙冰 亦係必點🤤 喳咋好飲，不過腐竹糖水就可以再濃少少😁🍍特色嘢方面，我哋仲叫咗「一樓一鳳腸粉」 & 「亂咁嚟燒賣」，我哋覺得兩個味都係差唔多，因為都係有XO醬、菠蘿、椰菜、火腿同蛋😹 不過我覺得可以比創意分，同埋係幾好食嘅😋另外仲叫咗薄荷朱古力西米露、XO醬煎蘿蔔糕、糖水雄狗仔粉⋯⋯朋友話西米露好食，蘿蔔糕就味夠，但唔夠蘿蔔同有啲粉🫡🫡

又禁咗晚市堂食。於是只能外賣。舖面咁樣樣。我見到error。有香港十八區擬人。嘛，舖名開宗明義叫糖水，但又唔止賣糖水，重有主食同小食，於是今鋪我就叫咗兩份糖水、兩份小食、兩份主食，湊足一個正餐。然後喺咁多種食物入面，最喜出望外的......白果腐竹薏米糖水：就係佢！好難得地，所有材料都溶晒入糖水裡面，黐線的。一啖糖水又滑又濃，滿口的白果味同腐竹味，要糖水的話，少少渣都冇，要有啲糖水料有咬口的話，沉咗底一樣不缺。白果腐竹糖水食得多，但冇一間可以熬到好似佢咁滑咁順口，必推。芝麻湯圓：薑茶糖水底的芝麻湯圓，無論薑定湯圓都足料。24蚊有6粒都好抵玩。蒜香麻辣雞翼尖：雖然雞翼係普通嘢，但個辣底相當不俗。XO醬煎蘿蔔糕：其實，就係你想像到，好食的XO醬煎蘿蔔糕。至於兩味主食，炒米粉同狗仔粉，就，只能夠話，平凡，一般，咁。如果想要主食當正餐可以一戰，但唔好有咩期望......

單看"糖水雄"一定會以為只賣糖水,細看之下原來食物都多元化. 有中式糖水,有沙冰,有熱食,炒麵,粥品,串燒小食都有.見到餐廳自家有做跨區外賣,仲冇最低消費,當然要俾步兵費啦,一於試下先鴨腎菜乾豬骨粥 : 有鴨腎香味,而且食到尾都冇出現米水分離,真材實料蜆肉碗仔翅 : 啖啖都有料,足料,唔係就咁煲好煮個生粉水落去XO醬煎蘿蔔糕 : 個醬好香,煎得啱啱好,而且蘿蔔糕食到蘿蔔絲蒜香麻辣雞翼: 唔太食辣,落單前都問左會唔會太難入口. 蒜香味唔錯,食落又真係接受到,麻香味又真係幾好食雞軟骨串 : 椒鹽配, 好後悔叫得一串地瓜圓西米露 : 驚喜係用大粒西米芋圓馬蹄沙 : 甜度適中,芋圓QQ好有誠意既一間小店,由落單,付款,送貨都好順利,食物又好食, 下次要再試其他先 

8月上旬，正值陽光格外妖嬈時分，入夜後任然炎熱如火，這種天氣最適合來一碗冰鎮糖水了。這晚在油麻地附近吃過晚飯，經過佐敦糖水雄，就決定在這裏來一碗糖水消暑！芒果戀癡情 （Super Mango) ($49)這杯芒果戀癡情，滿滿的芒果粒和芒果沙冰自然是主角，芒果齒頰留香，非常香甜冰涼；芒果雖好，卻要綠葉扶持-襯托芒果的有忌廉、雪糕、曲奇和朱古力條。吃完整杯，只覺得意猶未盡，還癡癡戀著芒果的美好！楊枝甘露 (Mango and Pomelo Sago Dessert) 加雪糕 （$26)香甜滋潤的芒果搭配粉嫩多汁的西柚和冰冰涼涼的西米，還有畫龍點睛的冰鎮雪糕，所有美妙味道在口腔中歡快地碰撞，充滿誘惑！花之戀剛炸起的花之戀，外皮微脆，面淋有甜滋滋的蜜糖；中間放了很多魷魚，啖啖魷魚，口感滿足。一拳鷄槌($38)一拳鷄槌有如拳頭一樣巨大，灑了一點辣粉。味道不算太突出，脆炸程度只算中等，但勝在份量夠大、啖啖肉，吃起來很滿足！XO醬煎蘿蔔糕（$16）XO醬香氣撲鼻，煎得香口。門庭Manu：桌上放了醬料：

呢晚練完歌 朋友為小妹慶祝生日 說要到一間隱世糖水舖食宵夜從柯士甸站行出嚟 喺天橋上離遠見到人煙稀少的停車場旁邊的小店 外觀雖然普通 但係令小妹回憶起幾年前喺西營盤因為租金太貴而結業嘅街坊糖水舖「森記」...... 今次幫襯嘅「糖水雄」 令久違嘅味道返來了呢度除咗招牌糖水 仲有各種特色飲品和港式小食小妹係魚蛋控 率先點咗「咖喱三寶」 個汁完全係港式咖喱的味道 仲溝咗辣椒油 個汁好「傑」 滲入蘿蔔、豬皮之後就可以鎖住味道... 魚蛋亦非常有咬口 如果大粒啲就好啦飲品方面 叫咗「蜜瓜沙冰」 $25一杯 比其他地方平好多 仲好大杯添！啲冰果然好「沙」 所以唔會大啖飲飲下就得返啲冰.... 蜜瓜唔算太甜 而且夾雜住奶香呢碟咁大碟嘅「XO醬煎蘿蔔糕」只需$16 平過茶樓 但係更足料 更好味！自製的蘿蔔糕入面落咗好多爽脆嘅蝦米 用XO醬浸過特別濃味 蘿蔔糕切成細細塊先煎 容易分甘同味 XO醬亦可分佈得更勻循「鐵板黑椒雞中翼」亦係必食之選 師傅揀嘅都好大隻 黑椒又大粒又香 微辣而齒頰留香 仲有令人回味無窮嘅五香粉 雞肉滑漏得嚟唔多肥膏除咗雞中翼 仲有「鹵水雞翼尖」 雞翼尖較少食店有得食 呢度師傅煮嘅