糖水雄

Open Now

Now Closed

之前成日想試跨區外賣，今次終於夾到時間叫到。叫咗三樣嘢，豬骨粥、狗仔粉同埋喳咋，每碗$25仲免運費。因為我唔係即時返到去就食，我自己再加熱過。好有水準豬骨粥，雖然啲米覺得比較碎，但係個豬骨好好味，驚喜嘅係竟然仲有陳腎。如果可以在大碗返少少就好嘞。狗仔粉成日有人誤會係銀針粉，其實佢係好似一啲粗烏冬但係短身嘅粉，味道好濃厚又冬菇蝦米，另外差加咗包辣菜脯，呢個辣菜脯加上佢真係畫龍點睛，食得辣嘅朋友唔好錯過。喳咋想像中嘅味道，非常足料冇投訴，我唔食得甜，佢嘅甜度淡淡地啱晒我。可能今次嗌三樣嘢都係搵定之選，下次再試吓其他先見好多人話雞翼尖同腸粉燒賣都好正！外賣車準時送到，取外賣過程非常流暢。老闆仔親自送外賣，同場加映仲有達哥同達嫂。佢哋非常親民即場派發新碟嘅poster仲有親筆簽名同合照。

平時食開佢既糖水同野飲，聽講佢既小食都出色，所以今次就黎試下。蜆肉碗仔翅：差唔多啖啖都有蜆肉，幾抵食！糖水雄狗仔粉： 食到有我最愛既蒜蓉，再淋上杞子，同平時出面買開既狗仔粉有唔同，幾特別！

Double 特濃粒粒朱古力沙冰（$42）幾大杯，朱古力味唔算太濃，偏甜，味道還可以，如果再濃厚啲會更好。XO醬炒腸粉（$28）即炒，惹味，配料有火腿、椰菜、雞蛋，少辣，味道不錯。

等左一陣就有位。上次試過糖水覺得太甜，今次比多次機會，試下小食，就揀左碗仔翅、朱古力燒賣同埋XO醬炒腸粉。碗仔翅而家愈來愈少地方食到，好難得呢度有，仲要十分足料，冬菇好大塊，仲有蜆肉，加埋好多醋同埋自制辣菜脯，味道唔錯。朱古力燒賣就一般，朱古力醬+砂糖+炸燒賣人+cream，味道太甜，怕甜嘅人就要考慮下XO醬腸粉即炒出黎，熱辣辣，配XO醬夠香。

疫情嘅時候 叫過團購外賣糖水其實當時已經好想試佢好出名嗰個朱古力燒賣🤭但係冇人願意同我去試伏😆估唔到過咗幾年後嘅今日 終於有勇士同我一齊去試🤣🤣🤣🥢牛乳西米露同喳咋經典糖水點都要唔人叫返碗啦😋本身以為佢係新興玩開fusion野點知啲classic款都足料唔馬款🫶🏻🥢 XO醬炒腸粉呢個我求吓大家一定要叫 真係真係超好食！個XO醬好惹味 炒腸粉又滑加埋其他配菜 真係停唔到口 係咁食係咁食🤣🤣🥢蒜蓉麻辣雞中翼呢個同想像中嘅有啲唔同比想像中難，同埋我以為佢係動身，但係佢係常溫咁但係都OK嘅難食其實我哋仲叫咗個朱古力燒賣但係後來睇返啲相 原來我影到全部out晒fo🫣其實佢個朱古力燒賣啲燒賣係炸過嘅，都幾好食不過就好邪惡囉🤣 因為佢有好多cream 砂糖同朱古力醬就咁俾我食炸燒賣可能會開心啲不過一場嚟到都要打吓卡 食吓呢啲名物嘅🤣🤣

Follow 社交平台 好耐，次次都夾唔啱時間叫外賣，嬲嬲地今次直接出去食😂食完晚飯就行左去搵糖水雄，實在太飽，唯有外賣，第一次食，餐牌好特別，好多選擇，而且亦好有特色，今次揀左芋丸馬蹄沙，紫薯紅豆沙來試下，前者爽甜清新，芋丸好實在，最怕食到好腍身，而後者食得出是靚紅豆，邊個國家就唔知喇😂一粒粒咁，另外有起沙，不錯不錯，今次就保守啲，下次要試下啲特色啲嘅糖水同小食。

📍糖水雄 (佐敦)佐敦渡船角文匯街30號文景樓地舖人氣糖水舖，主打創新，配搭新穎的甜品，平日夜晚都有好多人等位，大約等左15mins就入得，店主態度友善，推薦我地食一樓一鳳腸粉，最後叫咗以下呢啲食物☁️朱古力燒賣$28招牌邪惡燒賣，表面好多cream，砂糖同朱古力，配上即炸燒賣，完全吾伏，味道好夾，身為燒賣控一定要食☁️一樓一鳳腸粉有xo醬，菠蘿，火腿，雞蛋絲，椰菜，食落好得意，意外地夾，菠蘿好鮮多汁，酸酸甜甜，好開胃☁️清涼馬蹄沙$27馬蹄粒切成細細粒，不太甜☁️紫米沙冰$32紫米椰奶糖水，加上沙冰，系炎炎夏日好岩飲，不會太甜#佐敦#佐敦美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#輕食#甜品#燒賣#燒賣控#drinks #糖水#dessert#中式甜品#朱古力#eating_and_working_in_h_佐敦

一直都唔知原來佐敦有間卧虎藏龍糖水舖，都係朋友帶我黎我先知🤪以為係普通一間糖水舖，點知竟然係一間小食店？！燒賣腸粉碗仔翅咩都有，糖水都唔係一般嘅傳統糖水，而係加左少少創意 。當日我就叫左薄荷朱古力西米露同朱古力燒賣，薄荷朱古力西米露係想像得到的味道，似溶左既薄荷朱古力雪糕加西米露🤣🤣🤣唔算好伏嘅，但朱古力燒賣有少許驚喜！🤣大家不妨一試

去到八文樓有乜可能唔黎糖水雄，佢同越式法包都係我一定會去幫襯既地方，其次就係籠仔點心😂😂，點心留返下次再講，自覺去到呢到唔幫襯呢3間既其中1間既話我覺得你不如唔好去八文樓😚，btw去到糖水雄平時就會叫腐竹白果沙冰，但當日去果陣......賣晒🥲無既我大佬之後就叫左個焦糖爆谷楊枝金露，價錢都唔平$50，但真心足料同好飲，有幾舊大芒果同埋個爆谷好那好食😂😂😂，未飲落去就覺得夠飲左就覺得值❤️不過下次我都係要飲左腐竹白果沙冰先🤪🤪

呢一間我book mark咗幾年😂一直冇機會經過～今次終於終於食到！入到去會見到勁多匪夷所思嘅配搭🫣你諗得出嘅，諗唔到嘅～而且佢除咗甜品之外，佢嘅小食都係超級吸引🤣明明諗住食甜品，行到入去叫多咗2樣小食🥳✨ 牛乳西米露 $32👍🏻👍🏻👍🏻本來就以為剩係得牛奶加西米露～結果佢加埋啲芋頭好有咬口！而且佢個牛乳係比較濃嘅！呢個真係好食😂睇佢個名同個樣以為佢普普通通，點知一食落去有驚喜嗰下更驚喜🤣✨ 蒜蓉麻辣雞中翼 $26👍🏻👍🏻👍🏻呢個有啲出乎意料～佢係有少少好似醉雞咁樣，但係蒜蓉香口嘅🤣都算幾辣，但辣得來好好食！✨ XO醬煎蘿蔔糕 $28 呢個比較普通，出面食到嘅味道～都明白煎蘿蔔糕好容易煎燶，但係我以為咁多人推薦會有啲特別😂

喺呢間飯堂試咗一輪小吃，實話实说，感覺正！👍 首先，朱古力燒賣嗰個意想不到，幾款配搭搞到成件事乎合得嚟，朱古力粉撒頂，加哂cream，嗜甜嘅我一啖咬落，覺得入口即溶，冧過晒！🍫 至於熱浪燒賣，微辣嘅感覺自個口腔四處漫遊，蜜糖嘅甜幫到辣味平衡，食咗幾啖，勁欣賞佢哋個創新精神！🔥 狗仔粉嘅湯底夠哂味，啲粉滑溜溜，一吸即入，食飽肚腩都暖笠笠。XO醬炒腸粉，每條腸粉都包裹住醬汁，熱辣辣入口，仲有花椒嗰陣陣麻香，食得我心滿意足！😋最後分享個甜品嘅心得，白果腐竹沙冰都絕啦！腐竹味濃郁，白果嘅清甜帶嚟另一種層次感。整體嚟講，呢度既好味又驚喜，絕對係潮食打卡勝地！下次一定要再嚟，絕不能錯過佢哋啲新意思！🍽️👌

我城日jion糖水雄團購，老闆係好有禮貌，每次外賣團購都會唔該前唔該後，糖水又唔貴，紅豆沙十分好味，又不太甜，紅豆沙好足料，小店真是要支持，糖水雄又有水準，價錢十分合理，老闆服務好好

一間可遇不可求，既破格又創新的糖水店，位置別樹一角，出品既糖水都別樹一格。時常路經都吾一定碰啱佢開門，門外亦冇營業時間，真係要食都要講緣份 😆除左糖水，店內都有供應一些傳統小食，如菜乾豬骨粥，狗仔粉等，但最玩野係燒賣(看圖片)和腸粉，最近新作「凍檸茶炒腸粉」，我未試，聽講味道不錯 ☺️今晚專程來都係食糖水，吾敢試佢既「蒜茸麻辣蕃薯」，叫左「芒果超級撈」，勁多生果同芋圓藏在芒果蓉內，啱曬芒果控 🥭 另一款都算新作 「焦糖爆谷楊枝甘露」，爆谷勁脆，靚仔哥哥話因為「當造」喎 😜 真搞笑! 楊枝甘露有層次，椰奶漿，大西米，芒果肉，西柚肉，大滿足 🤤

夜晚想一班朋友一齊食糖水，有時都想試吓啲特色嘢🤪 嚟到佐敦，我第一時間就諗起「#糖水雄」！對於我呢個鍾意唔睇譜整嘢食嘅人，我一直好欣賞糖水雄成日會創作啲好特別嘅菜色😛 🍫我哋人多，變咗可以試唔同嘅嘢，包括上次嚟冇人陪我試嘅「朱古力燒賣」 😆 燒賣係炸過嘅，再加埋朱古力醬、砂糖，仲有勁多嘅Cream，超級邪惡😈！🍨白果腐竹沙冰 & 喳咋沙冰 亦係必點🤤 喳咋好飲，不過腐竹糖水就可以再濃少少😁🍍特色嘢方面，我哋仲叫咗「一樓一鳳腸粉」 & 「亂咁嚟燒賣」，我哋覺得兩個味都係差唔多，因為都係有XO醬、菠蘿、椰菜、火腿同蛋😹 不過我覺得可以比創意分，同埋係幾好食嘅😋另外仲叫咗薄荷朱古力西米露、XO醬煎蘿蔔糕、糖水雄狗仔粉⋯⋯朋友話西米露好食，蘿蔔糕就味夠，但唔夠蘿蔔同有啲粉🫡🫡

同朋友放工後 諗住食少少野 😎即時諗起糖水雄 想試左好耐上次黎又冇開🫠今次記得要彩左佢fb講開唔開先去終於食到我地叫左 最愛既楊枝甘露🫶🏻 不過今次d柚子比較苦 但芒果🥭都仲好甜👍🏻 D西米比較大粒 係實心 對我黎講 還好另外有個 熱既花生🥜湯圓 細細粒 幾好食 🤤黑白炸丸 好好食 😋 炸完仲會有蜜糖🍯係個面 甜甜地XO醬炒腸粉 都唔差 唔會太辣 都比較多最後係熱浪炸燒賣😙 以為會有熱浪薯片 原來唔係不過辣辣地 都好食 底部有蜜糖🍯襯返 個個都食到 👍🏻