西餐廳食「煲仔飯」是咩FEEL ? 如果係日式煲仔飯又唔同講法，配料更用上鵝肝、澳洲和牛封門柳、黑毛豬肋肉、北海道松葉蟹甲羅盛等靚食材，好有儀式感 !!
將煲仔飯玩到咁有質感，就係主打Fusion菜嘅土瓜灣“Nonsense”，店如其名想同大家一齊Eat Nonsense。除咗打破傳統的「日式煲仔飯」，連意粉都撞上蒜香鹹蛋黃+炸軟殼蟹；意大利飯+芫荽醬依然creamy，而大家熟悉嘅避風塘都可以用嚟整炸日本魷魚鬚。
【自家製作】甜品驚喜爆紅！生日畫碟服務
呢度仲有生日畫碟服務，生日嚟食飯可以預先聯絡店家為甜品碟畫上Happy Birthday畀壽星驚喜！另外，如果一次過叫幾款甜品，店家更會貼心砌成甜品拼盤，影相效果更唯美。
提供生日畫碟服務，預先聯絡店家可為甜品碟畫上Happy Birthday畀壽星驚喜。
自家甜品由Nonsense於工場每日新鮮制作，以日式卷蛋最經典！原條日式卷蛋或原個巴斯克訂購都是$118 & $128 起 （for Take Away）。日式卷蛋口味有10款口味之多，例如:特濃伯爵茶、焙茶開心果、小山園抹茶/焙茶、斑蘭榴槤(金枕頭) 。
原條日式卷蛋或原個巴斯克訂購都是$118 & $128 起 （for Take Away）
今年初新推巴斯克「軟心」芝士蛋糕，於網絡瞬即爆紅！切開焦香外層，裡面是軟心的重芝士，Nonsense的甜品的特色是夠濃夠重料，絕不欺場。TAKE AWAY價格由$128起，比市場價平很宜很多，勝價比高! 除了原味、Oreo、開心果、朱古力呢啲經典口味之外，最特別是有茶系列的口味，例如鐵觀音、烏龍茶等，及酒系列如Lemon Whisky、Baileys、Rum Raisin 。
【日式煲仔飯】高質食材創作7款口味
「日式煲仔飯」嘅靈魂就係飯焦，“Nonsense”日式煲仔飯有超多脆卜卜飯焦㗎。採用名貴的紫銅鍋、高質食材及自家秘制醬汁。醬汁、肉汁及油香都滲晒入飯粒中，夠晒惹味。口味仲有7款之多。
最IGable一定係北海道松葉蟹甲羅盛，一上枱就見到超多蟹膏，連埋滿滿海鮮撈勻食好鮮甜鹹香。另一充滿日本風味嘅日本鰻魚，真係鋪滿肥美鰻魚，每啖都可以鰻魚+飯一齊食，完全係大滿足版嘅鰻魚飯。
(左)北海道松葉蟹甲羅盛、(右)日本鰻魚
身為食肉獸，見到有黑毛豬肋肉點忍得口。黑毛豬肋肉煲仔飯一向好受歡迎，肉質鬆化軟嫩，撈埋蛋漿一齊食好夾。
(左)黑毛豬肋肉、(右)香煎大蝦
其中3款煲仔飯口味就用上乘的食材，鵝肝·澳洲和牛封門柳、鵪鶉髀辣肉腸、海鮮煲仔飯。當中最搶眼一定係鵝肝·澳洲和牛封門柳！鵝肝激厚切，入口係會化出油香!! 平時食鵝肝會用水果中和膩感，而家就奢華享受用和牛封門柳平衡味道。
鵝肝·澳洲和牛封門柳煲仔飯
鵪鶉髀辣肉腸有啲似臘腸油髀變奏版，但新組合更有層次!! 辣肉腸惹味輕辣；鵪鶉髀又無油髀咁鹹，肉質香軟食得爽快。
鵪鶉髀辣肉腸以西式食材入饌，好有新鮮感。
同場海鮮選擇就有海鮮煲仔飯，海鮮料鋪滿飯面。食前連埋日本蛋一齊撈勻，每啖都食到幾款海鮮口感鮮味，無肉咁膩但又好滿足。
海鮮煲仔飯集合多款海鮮。
【土瓜灣小店】 高質食材吸引熟客! 不一樣的餐廳 ——又是餐廳，又是蛋糕店
小店“Nonsense”選址土瓜灣，慳返租金則可引入高質食材回饋食客，就連意粉都有大大隻龍蝦尾同海膽，4年嚟吸引好多熟客㗎。唔只料理吸引，更於觀塘自設甜品工場每日新鮮制作，採低糖少甜的配方。每天都吸引很多外區客戶來買巴斯克「軟心」芝士蛋糕及日式卷蛋做生日蛋糕，或自私食，小店有足夠的現貨供應。
店家最馳名的甜品就係日式卷蛋，開店至今都有好多熟客為佢而嚟㗎。今年年初又推出巴斯克「軟心」芝士蛋糕，於網路爆紅，口味有23款之多，可能是全港最多口味的巴斯克。
巴斯克「軟心」芝士蛋糕有23款口味之多
巴斯克「軟心」芝士蛋糕有16款口味之多
(經典) Oreo、開心果、朱古力、榴槤(金枕頭)、Espresso 、鹹蛋黃
(茶系巴斯克) 伯爵茶、烏龍茶、焙茶、鐵觀音、小山園抹茶、玄米茶
(酒系巴斯克) Baileys、Rum Raisin、Lemon Whisky
TAKE AWAY BASQUE BURNT CHEESECAKE MENU
NONSENSE於觀塘自設甜品工場每日新鮮制作，有足夠的現貨供應。
【必食料理】
炸軟殼蟹·海鮮·芝士咖喱鍋·烤油餅(可選大、中、小辣)
唔好以為芝士咖喱鍋好辣，咖喱醬係自家用大量蔬菜熬到完全融化，口感特別濃郁，輕辣富層次。用烤油餅沾咖喱食好開胃，唔覺唔覺就清鍋㗎喇。可以揀炸軟殼蟹/龍蝦尾，兩款都好足料絕對夠一班人share。
炸軟殼蟹·海鮮·芝士咖喱鍋·烤油餅，用大量蔬菜熬煮咖喱，特別濃郁。
叻沙·龍蝦尾·炒扁意粉
呢度多款意粉都極具玩味，呢道辣中帶甜嘅叻沙炒扁意粉，醬汁仲加咗海膽一齊煮，香濃鮮甜。最搶眼一定係大大隻龍蝦尾+海膽，點估到小店都做到咁豐富!!
大大隻龍蝦尾+海膽好搶眼。
炸軟殼蟹·蒜香鹹蛋黃醬·忌廉汁扁意粉
每次見到menu有軟殼蟹都毫無抵抗力，脆中帶軟口感真係一食再食。連埋蒜香鹹蛋黃醬完全係飲酒必食。
炸軟殼蟹+蒜香鹹蛋黃醬好鹹香，好啱飲埋cocktail。
【小食新品】人氣主菜變小食! 划算價錢試多幾款
“Nonsense”一向係gathering聖地，一班朋友嚟食飯梗係想試多幾款嘢啦。店家特將最多人鍾意嘅幾款主菜變小食，大家就可以留肚試多幾款之餘，價錢又更划算。港日fusion之選就有避風塘·炸日本魷魚鬚·魷魚圈，Q彈魷魚沾滿避風塘脆辣炸蒜。
(上)避風塘·炸日本魷魚鬚·魷魚圈，鋪滿避風塘脆辣炸蒜。
燒澳洲和牛封門柳·溫泉蛋大啡菇本身就係店家大熱料理!! 封門柳粉紅軟嫩，再精緻地配搭大啡菇完全係迷你版主菜，方便大家一齊share。
燒澳洲和牛封門柳粉紅軟嫩，精緻地配上大啡菇。
“Nonsense”店如其名想同大家一齊Eat Nonsense, 打破傳統 !
Nonsense
地址: 土瓜灣北帝街143-155號順輝大廈地下4號舖 (宋皇臺站D出口行5分鐘)
查詢: 28063800 / 69705943 Whatsapp
IG : eat.nonsense
