憑藉手工意粉打出名堂嘅「紅館RaRe Restaurant」，係由藍帶主廚Ryan同太太一齊家庭式主理嘅法國菜餐館。溫暖黃燈、雲石餐枱同埋黑白型格椅櫈，整個氛圍好有外國餐廳嘅感覺，鬧市中嘅歇息小地方。
2024聖誕及除夕晚市套餐 | 限時優惠$498/位（原價$598/位）
12月有好多飯局，聖誕同除夕當晚想2個人遠離鬧市，又浪漫地撐吓枱腳，要試佢哋嘅六道菜聖誕及除夕晚市套餐，優惠價$498/位(原價$599/位)就食勻前菜、餐湯、手工意粉、主菜同埋甜品等等，CP值好高!!
2024聖誕及除夕晚市套餐
前菜 香蔥吞拿魚車厘茄沙律 或 北海道帶子沙律伴橘子醋
餐湯 周打魚湯
意大利麵 巴馬芝士野菌意大利雲吞 或 龍蝦手打意大利闊麵伴龍蝦汁+$168
主菜 烤西班牙豬腩肉配泰式醬汁 或 低溫慢煮火雞卷配金巴利汁 或 低溫慢煮挪威三文魚伴地中海橄欖醬汁 或 威靈頓牛柳配黑松露紅酒汁+$188
甜點 蘋果金寶配雲尼拿雪糕
特飲 咖啡或茶 2杯House Wine (Red/White)+$128 |
節慶前菜先上香蔥吞拿魚車厘茄沙律，吞拿魚刺身切成一片片，外邊微炙燒令香氣突出，配香甜車厘茄企碟，更加食出吞拿魚嘅鮮美。
前菜2選1 | 香蔥吞拿魚車厘茄沙律
紅館擅長手工意粉，將經典菜式煮出另一個層次。手工雲吞外皮煙韌有咬口，口感細膩，同坊間食到嘅有啲唔同。內餡除咗有鹹香巴馬芝士，特別加入菌菇，令整個配搭唔會過膩又好食。
意大利麵2選1 | 巴馬芝士野菌意大利雲吞
除咗法式菜，主廚仲會設計唔同fusion菜式。西班牙五花豬腩肉先以薑蔥、蒜頭、蔥、芫荽等泰式香料醃製2晚，再慢煮6小時至肉質軟腍。醬汁就用泰式白椰糖煮成焦糖，蘸住食勁惹味啊!!
主菜2選1 | 烤西班牙豬腩肉配泰式醬汁
挪威三文魚出名脂肪少、口感滑嫩，經低溫慢煮後鎖滿魚肉營養，大小細路都啱食。幾鍾意跟配嘅地中海橄欖醬，先嚐到酸甜香濃嘅橄欖味，魚油香氣其後喺口腔內慢慢擴散，簡直係perfect match。
主菜2選1 | 低溫慢煮挪威三文魚伴地中海橄欖醬汁
呢個唔係非一般嘅威靈頓牛柳，主廚會先煎香美國牛柳，再分別加入巴馬火腿同炒到香噴噴嘅蘑菇醬卷住牛柳。最特別嘅係呢度會以春卷皮取代法式薄餅皮，更有口感!! 最後裹上酥皮高溫烤焗20分鐘先食得，粉嫩牛柳配黑松露紅酒汁好好食！
主菜2選1 | 威靈頓牛柳配黑松露紅酒汁+$188
最後送上人氣甜品蘋果金寶配雲尼拿雪糕作為結尾，體驗好完滿!!
甜點 | 蘋果金寶配雲尼拿雪糕
六道菜晚市二人套餐 | 限時優惠$699/2位（原價$1,288/2位）
外國人鍾意一晚食幾道料理，入門級可以試吓「六道菜晚市二人套餐」，正值優惠價$699/2位(原價$1,288/2位)，有昆布鯛魚沙律、野菌忌廉湯，青口義大利麵、慢煮薑母鴨、紅酒燴羊膝等等。
Ryan遠赴法國獲取藍帶資格，擅長以法國菜技巧煮製各國食材。就算常見餐湯如野菌忌廉湯，都係自家用菌菇打製而成，啖啖濃厚菌香，飲得出真材實料啊。
六道菜晚市二人套餐菜單
第一道菜 昆布鯛魚沙律配檸檬醬 或 澳洲M8和牛他他+$28
第二道菜 野菌忌廉湯
第三道菜 藍青口扁意粉 或 新鮮龍蝦手打意大利闊麵+$168
第四道菜 紅館姜母鴨 或 低溫慢煮火雞卷配金巴利汁 或 紅酒燴羊膝 或 美國安格斯肉眼牛扒(10oz)+$188
第五道菜 士多啤梨拿破崙 或 鮮果芝士撻
第六道菜 咖啡或茶 |
沙律同湯會依季節轉換，好似今次呢款昆布鯛魚沙律配檸檬醬，用咗經典日式配搭，食落酸酸哋好開胃。
昆布鯛魚沙律配檸檬醬
澳洲M8和牛他他可以食到和牛原始肉味。他他做法亦保留到和牛軟嫩肉質、均勻油花香。而且用嚟伴他他食嘅脆多士，飲酒真係一流。
前菜2選1 | 澳洲M8和牛他他
呢度最出名係手工意粉，而新鮮龍蝦手打意大利闊麵係招牌菜，正如Ryan所講重點係個醬汁。先以自家熬魚湯做底汁，同時都要將龍蝦殼慢煮6小時，最後過濾先做到。雖然醬汁質地較坊間稀身，但食落係驚喜地鮮甜!!
意粉2選1 | 手工意粉 - 新鮮龍蝦手打意大利闊麵
意粉2選1 |藍青口扁意粉
唔好以為火雞一定乾噌噌無啖好食啊，餐廳特別用低溫慢煮方法製作，完美保存火雞水分，同時做到肉質滑溜唔嚡口。正宗食法會以金巴利汁搭配，香甜蔓越莓汁同火雞好match㗎～
精緻主菜4選1 | 低溫慢煮火雞卷配金巴利汁
鍾意食羊又係啖啖肉愛好者嘅話，點可以唔試呢道經典法式主菜紅酒燴羊膝。超巨型羊膝先經調味再煎香，同紅酒一齊慢火燉煮過程期間，紅酒酒氣散發，同時令羊膝煮到軟腍。入口風味好濃郁，暖笠笠啱晒秋冬食。
精緻主菜4選1 | 紅酒燴羊膝
姜母鴨一向好重藥材味，但今次用法國慢煮做法，抽真空65°C煮4小時，鴨肉煮到入晒味。薑同藥材味好濃郁，自問藥膳控嘅話必試。反而鴨肉就同平時好唔同，傳統做法會偏乾身，轉用慢煮後鎖滿肉質水分，肉質嫩滑。
精緻主菜4選1 | 紅館姜母鴨
【Happy Hour & High Tea】
除咗晚飯時段外，早啲嚟可以enjoy埋Happy Hour 或 下午茶啊。
Happy Hour套餐 | $888(3pm-8pm)
好少見送成支酒嘅Happy Hour套餐!! 仲可以揀法國葡萄餐酒1支／法國氣泡酒Crémant 1支。套餐有一系列法國料理—法式香草焗蝸牛配薯茸、香草白酒牛油煮藍青口、燒椰菜花都好精緻佐酒。特別係唔顯眼嘅燒椰菜花，其實係Ryan最推薦嘅料理。因為椰菜花以海鹽、牛油燒到金黃，做到外脆內嫩口感，好多食客都覺得好驚喜。
加上啖啖肉嘅澳洲M8和牛他他、泰式豬肉碎撻，料理份量真係好多，絕對可以當作早鳥晚餐咁飲飽食醉啊。
Happy Hour套餐菜單
法國葡萄餐酒 1支 或 法國氣泡酒Crémant 1支
法式香草焗蝸牛配薯茸 澳洲M8和牛他他 泰式豬肉碎撻 燒椰菜花 香草白酒牛油煮藍青口 |
Happy Hour時段優惠！
紅白酒1杯／生啤1杯只需$48 *Happy Hour套餐 及 Happy Hour時段優惠可以同時使用 |
「紅館RaRe Restaurant」嘅外國小館氣氛好啱同bestie摸酒杯底。如果時間太早唔想食套餐，都可以用Happy Hour時段優惠，紅白酒1杯／生啤1杯只需$48。(一眾酒鬼留意!! Happy Hour套餐 及 Happy Hour時段優惠可以同時使用，賺盡優惠㗎。)
Happy Hour套餐有法國經典料理—法式香草焗蝸牛配薯茸。好多坊間嘅焗蝸牛都係來貨直接入爐，Ryan就將蝸牛拆肉再用雞湯煮到入味，風味幾特別。
法式香草焗蝸牛配薯茸
用陶鍋上枱嘅香草白酒牛油煮藍青口好搶眼。最傳統嘅牛油香草做法，簡單突顯青口鮮味，免費跟配埋麵包畀你吸汁食㗎。
香草白酒牛油煮藍青口
泰式豬肉碎撻特別用酥皮做撻底，獨特酥脆層次同傳統豬肉撻好唔同，新鮮香草亦中和肉碎膩感。一碟6件，女仔真係可以當early dinner食，早啲食飯飲酒無咁易肥嘛。
下午茶餐單 | $298/2位、$158/1位(2:30pm-5:30pm)
鍾意嚐茶慢活嘅話，午後時間可以揀雙層下午茶，自家製甜品都好IGable。平時唔只朋友、情侶嚟食，更有囡囡帶埋媽媽嚟共享優雅氛圍㗎。
下午茶餐單詳情
鹹點小吃 澳洲M8和牛他他 日式照燒雞三文治 巴馬火腿配艾曼塔芝士 泰式肉碎撻 西班牙黑毛豬辣肉腸埃曼塔芝士釀白蘑菇 鮮蝦雞尾酒
精選甜點 鮮果芝士撻 拿破崙 朱古力蛋糕 馬卡龍
飲料 檸檬茶/英式奶茶/ 伯爵茶 / 洋甘菊茶/ 薄荷茶/ 美式咖啡/ 拿鐵/Cappuccino |
雙層下午茶共10款精緻小點，好鍾意佢哋嘅甜品甜度恰好。並有多款熱茶、咖啡選擇，熱茶會以茶壺呈上更富英式氣質。
【驚喜優惠】一打生蠔·即送氣泡酒1支！
Ryan特別引入No.2嘅法國Fine De Claire生蠔，蠔肉緊實滑嫩，並帶淡淡甜味及海鮮鮮味，富獨特風味。
生蠔優惠詳情
凡惠顧12隻法國Fine De Claire生蠔，即送氣泡酒1支 *優惠全日供應 |
紅館
地址: 中環干諾道中50號地下B號舖
電話: 23330186