想感受滿滿儀式感，揀鐵板燒就啱晒喇～主打海鮮鐵板燒及Omakase嘅「螢火」，最近推出全日清酒免費任飲優惠，星期一至日午餐或晚餐都可以用，真係一班酒鬼福音呀。
午市海鮮鐵板燒只需$380起，幾百蚊就可以邊食、邊欣賞師傅手藝，加埋任飲清酒真係超值!! 夜晚都有免費任飲清酒，而且惠顧任何鐵板燒晚餐，每人都會即送日本海膽杯，即睇詳情啦～
「螢火」清酒祭優惠一覽
1) 全日指定清酒免費任飲: 午餐90分鐘/晚餐120分鐘 2) 午市海鮮鐵板燒$380起，午市廚師發辦$488起 3) 凡惠顧任何鐵板燒晚餐，每人即送日本海膽杯乙個！ 4) 壽司吧的廚師發辦十六品晚餐（原價$1380/位），現推出優惠「二人同行，一人免費」！ 5) 只要預訂，生日或紀念日獲送甜品1份並免費寫祝福語句 |
任飲嘅指定清酒係經典品牌「白雪」。酒味清爽，酸甜適中同每款日本料理都好夾。
凡惠顧任何鐵板燒晚餐，每人即送日本海膽杯乙個。
【超值午市套餐$380】
「螢火」有兩款午市套餐都係$380/位，同樣食到幾款海鮮、美國牛肉薄燒/厚燒、櫻花蝦炒飯、甜品等，誠意十足。即刻睇吓其中一款午餐有咩食啦～
午市套餐(星)一人前 沙律 帆立貝 汁煮白鱈魚 大蝦 美國牛肉薄燒/厚燒 或 日本黑豚肉 櫻花蝦炒飯 漬物 吸物 甜品或咖啡 $380/位 |
刺身級北海道帆立貝燒到半熟就食得。師傅最後淋上日本海苔汁、魚子醬，層次更豐富。
師傅以純熟手藝將大蝦邊燒邊剥殼，並加入牛油、白酒燒香。期間仲會用鐵板燒煎鏟輕鬆起走蝦腸，令大家拍晒手掌呀。
睇到都流晒口水
【靚環境食鐵板燒】
「螢火」有好靚嘅櫻花樹下天燈許願牆，可以問員工拎平板電腦寫上祝福語句，即時投影放天燈。除咗畀壽星、朋友驚喜，聽講仲有唔少人求婚成功𠻹。
天燈許願牆
可以問員工拎平板電腦寫上祝福語句，即時投影放天燈。
呢度仲有3間鐵板燒VIP房，5-6人已經可以包場，隱私度夠晒高。
12人可以揀大房，嚟個鐵板燒party～
晚市鐵板燒包免費清酒任飲+送海膽杯！
呢度人氣最高嘅晚市鐵板燒係廚師特選鐵板燒(二人前)及瀨尿蝦鐵板燒(二人前)！晚市鐵板燒除咗有120分鐘免費清酒任飲，每人仲送北海道海膽杯架！
呢度海鮮每日直送，店內特設魚缸養活海鮮。
正式開動前，師傅會成盤活海鮮拎出嚟，仲生猛郁緊㗎!!
坊間鐵板燒都好易燒到好乾，所以餐廳會為每道料理特調醬汁，部分更會即場用鐵板煮製醬汁。好似澳洲龍蝦咁，就係即場用龍蝦膏煮埋醬汁，最後擺盤仲好似法國菜咁精緻，絕對係味覺同視覺享受呀。
廚師特選鐵板燒晚餐就最受歡迎！一個套餐有齊所有招牌海鮮：澳洲龍蝦、南非鮑魚、金甘鯛立鱗燒、日本A5和牛等等！簡單用牛油、白蘭地、白酒燒至5成熟已經好鮮甜彈牙啦。
套餐仲有鵝肝多士～以匈牙利鵝肝入饌，用紅酒、自製焦糖醬燒到外脆內嫩好正。最後食埋柚子啫喱，輕甜解膩。
套餐都有A5鹿兒島和牛自選薄燒/厚燒，其實幾選擇困難症。如果兩個人嚟食，一人揀一款share就最好喇。
A5和牛薄燒好講究火喉控制，一開始會倒入一大堆蒜蔥爆香，調味後就要快手用和牛包住，咁先keep到和牛軟嫩油香啊。食嗰陣可以蘸啲芥末醬食，一咬落去仲會爆出脆蒜好豐富。
A5和牛厚燒就好食到油香同肉感，仲可以睇埋師傅淋上白蘭地酒點火，瞬間將A5和牛燒到5成熟，切開入面仲係好粉嫩。
「午市及晚市」兩款套餐都有櫻花蝦炒飯，係用日本珍珠米、蛋漿炒製。初頭以為係普通炒飯，直到蘭王蛋出場真係心心眼。蘭王蛋煎到有焦脆邊邊，食之前戳開蛋漿撈落炒飯一齊食，有時又會食到甜甜哋嘅櫻花蝦，估唔到炒飯媲美海鮮咁深刻呀。
第一眼見到隻南非鮑魚真係好suprise，估唔到咁大隻!! 套餐仲係一人一隻，原隻食夠晒滿足呀。鮑魚咁厚肉，食完原味又可以蘸啲鮑魚肝醬試吓；之後又再配啲黑松露醬食勻各種風味。
套餐嘅甘鯛魚配海膽忌廉汁，真身係甘鯛魚立鱗燒。師傅會喺鐵板放上靚靚紙盤即炸魚鱗，魚肉又keep到好嫩滑，雙重口感好過癮。
【每日限量供應】爆膏巨型斑馬瀨尿蝦鐵板燒晚餐
終於唔使自己剥殼食瀨尿蝦啦!! 「螢火」每朝都會揀選爆膏流心嘅巨型斑馬瀨尿蝦，好少地方食到咁多膏，所以每日限量供應啊。師傅用煎剷剥殼後，再用牛油燒外層做到外脆嫩。一切開即刻見到橙色蝦膏流出嚟，鹹香濃郁絕對值得專程嚟食!!
激抵Omakase廚師發辦(壽司吧)16品晚餐！人均$690包清酒免費任飲！
壽司吧的廚師發辦16品晚餐原價$1380，現正「二人同行，一人免費優惠」！人均只需$690，仲包清酒免費任飲！
前菜 | 辣汁煮螺
夏天時令食材主要係貝類、白身魚，所以先以辣汁煮螺揭開序幕，輕辣彈牙好開胃。
刺身五品
刺身有海膽、拖羅好吸引啊!! 「螢火」全店均按香港食安中心規定入口日本水產，絕對食得放心。
煮物 | 磯煮鮑魚
師傅自家磯煮4小時嘅澳洲大鮑魚，咁大隻厚肉都煮到好入味呀。而且鮑魚好軟Q，口感控絕對會鍾意。
燒物 | 日式燒銀鱈魚
燒物都會依當日食材轉變，今次我哋就食到汁燒銀鱈魚。最鍾意煙煙韌韌嘅魚皮，魚肉又依然好嫩，蘸啲沙律醬仲好食啊。
壽司五品·手卷
食廚師發辦最享受可以近距離欣賞師傅功架，全部壽司、手卷席前手握，夠晒新鮮。師傅仲話一定會有拖羅壽司，各位拖羅迷放心晒～記住手卷一整好即刻食呀，紫菜仲係脆卜卜，同軟綿海膽撞出雙重口感。
螢火
地址: 尖沙咀加連威老道96號希爾頓大廈LG樓1號舖
電話: 21518133 / 84893133 (WhatsApp)