たいおいしい鯛魚湯料理 (Closed)

🍽️呢間餐廳嘅廣島蠔湯飯真係令我留下難忘印象—清新嘅湯底同埋蠔嘅鮮味撞埋一齊，幾正！蠔嘅肉厚肥美，咬落去彈牙又入味，叫人一啖接一啖。啲米粒貼心咁煲到啱啱好，唔會太硬或太爛，脆米粒加分喎，口感層次分明。🦑至於汁燒魷魚仔就啱哂鍾意啖啖肉口感嘅朋友，醬汁香濃得嚟又唔會過於強勢，好夾！不過，有少少膠質嘅感覺，好似未完全熟透，再改善下會更加完美。😒個人經驗上，今次等菜等得有啲頭大，讓我有啲掛住。但店員服務唔錯，體現咗港式嘅效率同埋解決問題嘅能力。呢個食評當然唔會唔提到招牌嘅鯛魚湯飯，啱啱嘅鹹香味道汁淋進米粒裡面，每一啖飯都好食到停唔到口！總體黎講，就算唔係專業飲食評論家，我都會話呢間係值得一試嘅地方，下次想同班Friend仔再黎嚟試下其他嘢！👍

荃灣搵野食其實都好容易好方便，周圍都有得揀，路德圍既餐廳都間唔中會轉變下，見到呢間未食過而個環境又ok就入黎試下啦，點了咖哩唐揚雞飯，可樂。因為凍檸檬茶要加8蚊所以就加可樂6蚊算了。跟餐價要加8蚊凍野飲係有d貴。。。咖哩唐揚雞飯，正正常常不過不失啦。咖哩味道沒咩特別好定唔好，又唔算稀既，正常質素。雞都係沒咩特別，少少林又唔算炸得好誇張個種類型，成個餐都係正常普通啦。環境方面就算是寬敞唔迫，都多卡位坐既。總體黎講。。。只係跟餐加野飲價錢比較貴，其他普通吧。

睇d相好似幾吸引，但食落好普通，就係普通烏冬，蕃茄湯唔夠濃，吉列豬扒就正正常常，都脆既，餃子係唔掂，完全唔脆，同出面d餃子爭好遠，仲要”林”身，得個烏賊係好d，d侍應服務態度都一般，仲爭d倒瀉野😓唔會再食

📍真· 麺(荃灣)荃灣路德圍14-18號德仁樓地下B號舖今日好想食烏冬 跟住OpenRice提供嘅地址嚟到呢度發現個店名唔同咗 於是問吓職員😂原來餐廳而家已經冇鯛魚湯 於是改咗名..而家叫真· 麺🤭種類繁多 價錢唔算貴✨唐揚墨魚嘴熱辣辣煙靭有咬口✨鮮蜆大蝦湯烏冬唔怪得係必食推介 望到都哇咗一聲好足料 絕對唔係揸流攤蜆肉隻隻飽滿大大隻 大蝦仲係爆膏大頭蝦 烏冬多到我食唔晒🤭✨廣島生蠔湯飯偷食友人幾啖生蠔湯飯🤭隻蠔都好鬼大隻🤤飯唔會煮爛晒 粒粒分明👍🏽整體用餐體驗✨味道( 4/5)✨環境( 4/5)✨服務( 4/5)
✨抵食( 4/5)

一心諗住喺荃灣搵間烏冬食搵咗呢一間嘢，去到門口發現改咗名叫真麵都諗咗一陣好唔好入去。見個餐牌同本身嘅嘢都係差唔多就照入去啦點知咁就中咗伏入到去無人招呼，冇人帶位.都唔緊要，因為我真係好肚餓跟住揀咗花膠烏冬蕃茄湯 加蠔碗野嚟到…蕃茄湯冇乜蕃茄味啲蠔好似冇洗過咁 有陣雪味花膠入邊係凍既然後叫咗個燒墨魚筒定燒吊筒入邊好似生嘅都唔緊要啦係呢啲啱啱疫情叫緩和少少嘅情況個職員竟然唔戴口罩係咁咳成件事真係好差勁好差勁如果十分不建議

日式豬軟骨鳥冬 ($72)✅用鯛魚做湯底好少見，好有特色🐟✅可以免費轉蕃茄魚湯🍅✅有豆卜、木耳絲、海帶、娃娃菜做配料🍲✅豬軟骨超淋超入味，軟骨已經煮到變咗啫喱🍮✅魚湯冇腥味怪味👌🏻✅稻庭烏冬挺身彈牙🍜❌但魚味比想像之中淡好多🤔❌個蕃茄湯唔係咁好飲，蕃茄同釣魚好似唔係好夾咁🫢❌價錢都幾進取💸📝 5/10~⭐️總括而言…豬軟骨整得幾好食👍🏻，但魚湯味唔夠濃厚🤏🏻，而且加咗蕃茄之後，唔知係咪同鯛魚果味唔係好夾🤔，好似怪怪地咁🫣。可能個人口味唔慣鯛魚湯底？不過始終唔係常見嘅湯底，大家有興趣試新野都try下嘅，建議叫返原味鯛魚湯。

同兩位好耐冇見嘅朋友嚟呢度呢度入面充滿日式風格恍如置身日本的拉麵店入面超多人晚飯時間基本全部滿座老闆仲親自落場招呼客人這裏有特別嘅日式泡飯而且選擇種類繁多我們叫了兩款大大隻龍蝦淨係隻龍蝦已經值回票價另一款係長腳蟹海膽令湯底更加昇華鮮甜無比平時我吃日本料理的湯底都會食日式烏冬或者拉麵但係佢呢度嘅泡飯用鯛魚湯而且用咗好多個鐘頭去熬製嘅湯特別鮮甜美味這個鮑魚花膠魚肚湯烏冬就是店舖的人氣之選難怪呢度咁多客人慕名而來呢度嘅小吃亦都好吸引我哋叫咗幾款小吃來吃這個小食很好吃即叫即炸這個日式墨魚咀很好吃而飲品方面亦都飲咗來自富士山嘅蘋果梳打同柚子梳打我哋由7點開始吃吃到人哋11點關門因為真係太好吃了令我哋暢所欲言

新開時食過幾次，覺得食物唔錯，之後轉晒人，食物水準下降，仲要服務態度差今日咁岩行過見到之前態度極差既員工唔係到，諗住比多次機會佢，點知職員落完單，等左30分鐘食物都未到，見到後面枱遲過我哋入座嘅都食得，一問，個嗰職員先係裙袋拎返張手寫單出黎去入機，仲要行埋黎問等落左d咩，我真係勁火滾，算啦唔等都等左咁耐，照落點知知魚湯又再淡左，所以我極度唔推薦大家去食傾偈唔係問題，但應該工作時工作，應該要有工作態度

由於未飽滿之故, 轉場到荃灣再吃一頓! 一經過這間充滿日本氣息的餐廳已經被吸引了, 門前相當有氣勢, 餐廳Logo也很吸睛。跟朋友各點了一個烏冬, 同樣選擇了蕃茄魚湯。鮑魚花膠湯冬 $108蕃茄湯味道相當濃厚, 仍然可以嘗到鯛魚的味道。烏冬是手打烏冬, 非常煙韌, 口感十足! 材料很多很豐富, 花膠質感有點像魚肚, 鮑魚比花膠好一點, 這個價錢不會要求上盛頂級花膠鮑魚, 所以已經心滿意足。另外, 蕃茄超級甜!!!! 洋蔥吸收了蕃茄湯後味道同樣一流!如果下次有機會會想試鯛魚湯, 這個比較原汁原味, 蕃茄湯的蕃茄味始終會把鯛魚味覆蓋了, 另外可以再試其他材料。

在此店一直都是食開生蠔湯烏冬，質素實在太高。首先，生蠔的水準不比一些食生蠔的優質專門店差，配上新鮮的鯛魚湯加上質感絲滑的烏冬，簡直一絕，而且此店堂食時間11點才關門，有時想静静吃一餐，配上北海道啤酒(店內有提供)，簡直人生樂事。大家也不要擔心日本食店通常食物份量會不夠，每一次吃完都足夠飽和滿足。因為本人真的很喜愛吃生蠔，所以在此店都一直叫生蠔，此店生蠔的水準之高，我相信店內提供的其他海鮮，例如帶子，三文魚等等，應該也是十分好吃的。

泊咗架車喺路德圍，行咗幾步就見到呢間鯛魚湯做賣點嘅餐廳，仲見到有電視節目介紹過嘅相，所以入去試吓。叫咗個花膠魚肚湯烏冬，同埋廣島生蠔湯烏冬，另外再加錢要多份鯛魚片其實兩個烏冬食落去都好味，個湯底真係唔錯，個鯛魚片都好滑，以呢個價錢食到真係好好。美中不足嘅係，間餐廳想做到有日本feel，但佢始終帶住港式嘅鋪排同擺設，做唔到真正嘅日本feel。另外佢用嘅保溫厚鐵碗，可能d質料唔係咁好，我哋兩碗烏冬食到底，見到已經有d膠溶左⋯⋯🙃😓

📍 たいおいしい鯛魚湯料理🧭荃灣路德圍14-18號德仁樓地下B號舖💰人均消費: HKD78路過見新開業嘅 #たいおいしい鯛魚湯料理 又試下🆗廣島蠔湯飯 $85𝑯𝒊𝒓𝒐𝒔𝒉𝒊𝒎𝒂 𝑶𝒚𝒔𝒕𝒆𝒓 𝑹𝒊𝒄𝒆 𝒊𝒏 𝑺𝒐𝒖𝒑見佢出名鯛魚湯就揀咗湯飯！鯛魚湯頭淡可以，唔算好正好特別，唔覺好鮮味，但愈食個湯愈無味！廣島蠔算大隻，但有少少腥，同個湯唔夾！湯飯正常，但好少食唔飽依個係店長推介，真係普通，好彩無食貴野🤣

落完堂夜晚晚就去荃灣野搵食岩岩好行到路德圍見到呢個餐廳d菜式都好特別❤️我地諗住冇咩人排隊就沖入去點知都接近坐滿😭朋友想並排坐 我地諗住出門口等等先個staff好貼心 就搵左個位比我地坐陣先😆起碼唔使係出面吹風先💩一打開個menu 都好多餐都好想食重點都集體上都唔太貴一個合理既價錢我地叫左一個吉列豬扒 一個魚黎到都幾大下 豬扒大大件 唔會有油膩味魚又係大大條🥸我食飯既原因都係為左個溫泉蛋🥰再加佢個紫菜飯🥰不過唯一唔好既地方係個麵豉湯有啲鹹😪可能我食得比較淡😆整體係好好👍🏻 環境同食物都ok😘

今晚雨濛濛，愛人說想吃魚，原先打算到三條魚吃碗米線便算⋯⋯路過見這間日式餐廳，標榜鯛魚魚湯，見裝修光猛，於是入去試試⋯⋯一坐低，愛人未點餐就想飲嘢，於是點了蘋果梳打，原樽上，跟餐$20牛肉定食~整個定食，可算是中規中矩，以$75這個價錢，有菜有肉、蛋、麵豉湯、飯⋯⋯算抵食。開動的時候，先飲麵豉湯，由於湯未夠熱，那麵豉醬仍未攪混。炸墨魚咀$48~這個作為下酒小吃相當不錯，有沙律菜拼著，當沙律前菜吧！如果跟餐點日本罐裝啤酒，分別係$20及$28，視乎品牌而定，價錢以晚餐來說，配啤酒都是一個不錯的選擇。鯛魚湯飯~如果這個作為招牌項目，相信食店煮功要再下一成，魚夠滑但未夠鮮味，後來愛人將筆者定食那隻蛋放湯，用蛋香中和，感覺良好。整體來說店員服務態度好，由於當晚未算多食客，見火仍滾著湯飯時，他們見到我們的魚湯就乾水，很快自動勘滿加湯。由於食店店名標榜鯛魚，可能其望太高，但味道一般，沒有太大吸引，但價錢在食物環境來說，算是合理價，寧靜傾計的一餐飯。

入去見到店員，叫左聲唔該2位店望左我地一眼 。繼續傾偈🤨等左3秒無帶位就自己搵位坐啦應該。坐底左5秒左右 行黎問我地幾位🙂 話2位坐另一到。ok ! 我轉！睇完餐牌，叫野食又叫唔該！又望我一睇！又繼續傾偈！3秒唔行黎 ！ 我再大聲叫多次！先慢慢行黎！ ok !!!! 我忍！星期日諗住開開心心食個靚lunch ! 唔好比個八婆影響心情！野食好快到左！ 叫左個燒雞扒魚湯烏冬！個樣ok ! 一食🤨 …… 好一般喎…..飲啖湯先！ 第三啖先有魚味🥲喂呀~~ 好失望☹️ 食晒雞扒，烏冬食淨一半🙂 因為真係唔吸引咁唔優做仲以為有幾好食😟