コメダ珈琲店

Open Now

Now Closed

同姪仔黎到AEON搵食，見到3樓新開了KOMEDA COFFEE，當時已經係夜晚八點幾，見到唔駛排隊，就入去試下。座位係我最怕的梳化椅，見到啲細路仔踩到都覺污糟...另外，張椅郁唔到，感覺同張檯分得有少少遠。點餐都係自己QR code落單，不過檯上面都會有一疊餐牌比你睇，好齊，可以睇到晒食物的樣子。食物芝士咖哩多士好得意，咖哩係用咖啡杯裝，多士好多份切開左，等你容易啲食。齋食有啲寡，所以唔建議當主食～食時有啲論盡，因為好驚咖哩沾污裝麵包的籃，如果改用碟裝多士就好～KOMEDA漢堡$59都係新鮮熱辣辣整，不過覺得有少少貴，因為$59在MOS XXX可以食到一個餐...另外見到小朋友啲兒童餐都幾吸引。飲品咖啡係必點，跟餐加入$20。我見平時動畫主角會飲歐蕾，就試下，點知原來都幾多奶，如果唔鍾意奶味都係叫返經典咖啡比較好，可以自己調較奶的份量。欣賞個杯幾得意，同埋真係好夠熱，每杯咖啡仲會跟兩包小食。音樂農曆新年都過埋，但間餐廳不停播聖誕歌！唔通要配合返紅色嘅凳？付費出去埋單時，店員主動問我有冇AEON會員卡，咁我就以為可以儲分，於是開個APP比佢嘟。點知半個鐘之後去第二層買野，打開個APP睇

餐廳不停播聖誕歌，不停Jingle bells 但係明明已經二月尾😅超奇怪意粉份量少到嚇人$65唔應該咁少 嗌咗蘋果汁嚟到只有一半滿，仲要好多舊好大冰全部漢堡未夠下午1pm就售罄，得返幾款意粉可以嗌，問職員佢話佢哋未準備好，食物非常鹹好明顯人手唔，非常失望，唔會再幫襯

以為多一間舒適日式咖啡餐廳選擇，雖然食物選擇唔多，但係環境好似OK，點知？坐低自己點餐OK，廚房傳來10分嘈吵的員工傾偈嬉戲聲，仲大過晒全客人嘅聲音，我已經唔係坐最近廚房門口嘅位置都頂唔順，老闆可能諗住乜都自助唔使多請員工做樓面，放得一位員工做送餐加管理前櫃，點知員工做到發晒脾氣嘭嘭聲，我食完食物一般，係餐廳間隔坐得幾舒服有一次買外賣，係收銀櫃等，見住職員大大力一張單拍去客人前邊收錢，見客人個樣都呆咗，我個外賣放喺四步外嘅枱上邊，我當然唔會私自去攞，問佢我個外賣整好未，佢手指指喺嗰度，OK自己攞

我好少寫食評，唔想再有人中伏，1）舖頭入邊好多位都唔放入去坐，人手不足2）入到去餐廳用Apps先發現好多野都賣晒，例如熱門既食物甜品，餐廳應該係門口話比將會入去食野既客人知d野賣晒冇得食，而唔係等客人入到餐廳用QR code落單先睇到👎 3）好難忘嘅體驗叫咗三文治雞扒啲雞扒係凍，凍嘅溫度好似雪櫃拎出嚟咁😳，之後換返新嘅熱少少俾我哋 ，員工唔夠培訓4）意粉啲份量好細份同埋貴，性價比低，人均$100 總結係不可一，不可再😂一定唔會推介家人、朋友和同事去食🤣

日本過江龍緊係要試下，見之前啲食評都好差，但我感覺又OK。食左期間限定嘅芝士咖哩+吐司，komeda coffee。老公食牛肉漢堡+Sophia coffee。份量啲落比較細，但食落都幾飽，咖哩入面有肉糜，完全唔辣，小朋友都可以食。咖哩沾麵包超惹味！牛肉漢堡個包好大個，顯得塊漢堡好細咁，但都算厚實，味道不錯~~komeda coffee 好飲！試左一啖Sophia 都不錯，香氣撲鼻，除左無奶嘅咖啡有好多其他選擇，不過第一次黎就試真啲咖啡豆本身嘅香味啦。咖啡附上一包脆豆，雖然有啲風馬牛不相及咁，但幾好味~據聞呢度嘅紅色凳係一個名物，又真係幾好坐嘅，柔軟舒服，門口仲有咖啡掛濾包&盒玩買，等嘅時候可以睇下。

終於開到嚟香港區，在日本食過早餐唔錯，雖然這店沒有下午茶優惠/套餐的，就算剛好下午茶時段，也試試吧！攞飛後要等2張左右，但眼見其實有2張空枱，不過冇人執枱而已。其實我哋前面張飛係一個人的，近門口有d一人吉枱，但其實冇人嗌號，搞到個客人不耐煩的話自己一個人可唔可以坐喺度。5分鐘後坐低咗（都算快）及叫掃QR code落單。揀咗1）咖哩意粉_+大滿足飲品追加熱美式咖啡+$20；2）拿破崙意粉+大滿足飲品追加熱KOMEDA咖啡+$20（轉豆乳，不需加$）。落單大概三分鐘左右，就‘嘭’一聲送上了意粉，’嘭‘一聲係代表快，也代表被‘嘭’的一聲嚇親，因為服務員放低個碟意粉在枱時嘭的一聲（唔知係咪個碟重得滯），其實碟意粉唔算大碟的。食物方面，意粉夠熱，個咖哩意粉唔錯，有點辣有碎肉，意粉就覺得硬咗d，唔知關唔關係扁意粉的事。拿破崙意粉中規中矩。至於意粉分量，下午茶OK，如果係正餐午餐，可能唔夠了。2杯咖啡都好熱都唔錯，只係送上嚟杯奶唔知邊個係豆乳，服務員無講，放低就走咗去。另外，餐後叫杯熱水，有點好似又要麻煩佢咁樣，無奈。其實唔介意自助斟水，建議餐廳可以安裝自助斟水機（如一d連鎖快餐店一樣）。近排有5款

媽媽話想食呢間 一直bookmark咗未去環境係靚嘅舒服嘅入去坐低用QR code落單撳到去期間限定嗰頁最想食嘅都售罄只係下午3:30就售罄?!?!失望起身走人

服務方面，非常惡劣，放低啲食物，好粗魯咁講食啦你☹️  人手不足，連水都冇一杯，客人問，好惡劣咁講話冇杯。食物方面都好差，完全係劣食，又慢，又唔係平，完全唔值得嚟。🙄

空位很多 又冇人安排入座 到有店員卻只安排後到又自行入座的客人點餐 當外面乖乖等待遵守規則的客人冇到 要人開聲先可以識做野 食物賣相差差劣 意粉🍝份量少沒有雪糕又不提醒 要客人找店員上餐才來說明體驗很差 炸豬扒沒有味道又鞋

不嬲住開呢度附近，所以見到最近新開就過嚟試伏。入座速度慢，明顯見到有好多吉位都未安排入座，人手明顯不足，上菜速度極慢，義粉味道尚可但喺呢個價位($65)分量太少，紅酒燉牛肉味道ok，但牛肉反而冇中學學生餐啲牛肉腍，漢堡包就一般般還可以。雪糕廿蚊，算好食牛奶味都足分量都多唔錯。餐廳環境可接受，但係會直接聽到出面商場音樂所以感覺會比較差，嘈音比較多。整體嚟講嘢食太貴，唔啱啲比較大食嘅人嚟同埋唔啱當正餐食，唔推薦呢間。

Ordered several dishes the curry toast was the highlight for me and we also liked the braised beef in red wine sauce. Downside is that the service is very very slow, more than the 15-20mins disclaimer. My teriyaki sandwich arrived at least 45 mins late. Also the servers don’t know their own dishes. I ordered club sandwich they brought me egg sandwich and told me that was it and the girl choose to ignore customers who call her attention. So i showed the picture on the menu to another girl, club s

人手嚴重不足，安排非常惡劣，食物上菜極其之慢，有空位都不會馬上安排入座，因完全處理唔到店內聚積已久的訂單。很早12:30排隊，12:45店內已經有4-5張4人空枱，但要等15分鐘後至13:00先被安排入座，但職員即告訴你食物要等30分鐘，而且大部份食物已賣光，門口仍有大量顧客等待，就算再食都唔會再去呢間分店。👎🏼😡 服務差，識員態度惡劣。不建議光顧。唔好睇相好味就中伏。店舖整體管理有問題，要大大改善。

店內極多空位，遠程排隊app顯示無須取票，店員任由客人門外等候超過20分鐘都唔放人入，亦毫無解釋，只當門口客人不存在，店員不斷行出行入，但大部分時間每次只拎一小份食物，現場已經自助落單自助點餐，兩個樓面負責10多張枱居然可以做成人手不足的情況，等到終於可入明明有更寬敞座位，硬要被安排到狹窄位置，但另一張空著的寬闊4人座卻安排給身後跟著內進的另外2個顧客，單看隨身物品已明顯比後面兩人大年和多，一點削斷力都沒有，實在無語，難怪香港人要翻大陸消費😒

1/1醒起有張Komeda $10 coupon未用，所以去左食下午茶。當時得walk in，要等好幾枱客，但點知突然好快有位。坐低左之後掃QR code落單，但係好多都售罄，我同老公叫左照燒雞烤三文治追加多士，拿破崙意粉加配熱歐蕾咖啡，無加一。Komeda最出名係圖文不符，超大份，但食物黎到都唔覺係甘。照燒雞烤三文治三文治皮邊有啲硬，夾住椰菜絲同雞扒，味道正常。多士 +$10多士厚既，鬆軟既，無驚為天人。拿破崙意粉味道偏甜，幾細份，麻麻地。熱歐蕾咖啡 +$20相當細杯，味道普通。

入座安排差，明明有機可以取票排隊，但唔開放俾人用，問佢就話拎飛排得仲耐！跟住又話廚房好多單做唔切，跟本唔知同拎飛排隊有乜關係？人越嚟越多，個個見到部取票機寫明不需取票就衝入餐廳！真係唔明唔俾人取票咩意思？態度又極差，永遠唔會正面答問題，佢哋好似自己同自己講野咁，完全答非所問！我哋係排第一（3位），有張4人枱吉咗，佢居然問我後面有冇四位準備叫4人入去，要我問4人枱係咪3個人唔坐得佢先好唔願意咁俾我入！如果服務可以俾負分，我必定會俾負十分！12:45入到去，餐牌有6成食物售罄！究竟咩事？