一喜食堂 (Closed)

一間突然間爆紅嘅拉麵小店佢一開張嘅時候個menu都係唔多野揀食下拉麵同蛋包飯所以一路無記上心要去試而家爆紅知道老細係因為追夢而開咗呢間舖嘢食係唔錯同好有心做欣賞佢個慢煮雞沙律餃子雖然係套餐包埋啲小食但都係即叫即整拉麵湯底足料濃味出名嘅櫻花蝦湯底濃而不算膩豬骨湯底就真心又濃又膩但係貼心嘅係老細會提你可以食啲薑解膩細心嘅唔只叫樣筷子用套立筷子盒裝仲有埋消毒噴噴比你in case你需要而老闆嘅唔湊客嘅敢言性格都值得去會一會佢

豬骨拉面我地坐係師傅對出嘅BAR枱師傅好專注工作，而店面嘅裝修似日本嘅居酒屋落單後等左10MINS，師傅整好面比我之後，我慣左手勢睇下有咩調味料可以加落去師傅見到出聲問我未食又知要落調味，然後氣氛好尷尬師傅再解釋應該要食左個湯嘅味先決定有無需要落調味，如果唔係就食唔到個面嘅原味。咁我試真啲個味，個湯真係好膿豬骨湯味，膿到我覺得連豬嘅膻味都有。我本身對豬嘅膻味比較敏感同埋唔鐘意，但我同行友人就覺得個湯咁膿、同埋個豬味好正。鍋貼餃子佢煎完個底係好脆，而且個皮好薄，係超薄。但入面個味道同一般SUPERMARKET鍋貼餃子一樣。單係薄同脆嘅口感吸引唔到我ENCORE 

其實喺未俾媒體推介前已經試過，當時唔使排隊，見新開加上門面裝修好有日本小店風格，於是吸引到我入去，店內裝修亦都好就特色風格，第一次感覺係，好有日式家庭式經營小店嘅感覺，可以一試，但未必吸引到我再去俾媒體推介後睇埋老闆對店舖嘅理念，於是決定試多次，今次依然感到似家庭式小店，店員老闆親切友善但食物都係似家庭出品，平平淡淡，老闆雖然多次表明出品唔落味精，但係唔代表會冇味道嫁，碗拉麵湯底真係要改進一下，太淡而且豬骨味冇乜，你問我試唔試好，我會話「要排隊就唔好啦」煎餃亦比平時食到嘅細隻

食過兩次，兩次都係食套餐，一個麵 + 一個小食 + 一支飲品第一次選豚骨湯烏冬，本身唔鍾意杰湯既我覺得剛好，又唔會過咸，烏冬麵偏淋，唯一叉燒乾身咗少少....小食揀咗餃子，無乜特別，可能麵係來貨吧⋯⋯值得一提係枝汽水，因為係玻璃樽裝！ 😋第二次選櫻花蝦湯拉麵，明顯比豚骨濃好多，好香，有蝦油，係咸咗少少少少🤏⋯⋯今次麵底適中，唔會太硬或太硬，加多咗隻糖心蛋，真係必食推介！！！ 😋😋😋小食揀咗慢煮雞沙律，個雞好好食，無雪味！服務就真係..... 算吧啦......剛放低筷子5秒抹一抹咀就黎收碗！ 喂！ 我想食埋啲木耳呀！之後飲緊枝汽水，就突然走黎叫我payme!!我枝汽水都未飲完呀！我明白舖仔係靠返枱，但未有人等位，隔離有吉枱，唔洗咁趕客既.....幾好食都好，服務咁差真係唔會再去.... 無理由貼錢買難受啫⋯⋯

話說早排睇果籽介紹（應該係，除非記錯🤔），介紹富哥。感受到佢嘅熱誠，當然要來試吓。點知，之前有二次行開附近，就已經想試。點知2次都遇上定休😓今次，去開黃金又接近2點，就行去睇吓。終於有開啦😭，原來逢星期三放假，之前OpenRice 都冇寫⋯⋯今次叫左套餐，櫻花蝦味噌拉麵同慢煮雞沙律先講沙律🥗，慢煮雞，應該係用雞髀，顏色帶粉紅，正常慢煮嘅口感，唔再多形容啦，沙律係薯仔沙律，薯蓉加上大小不一嘅薯仔粒，口感豐富。個沙律dressing 見真張，甜酸鹹平均，稀杰程度適中，唔種意食沙律嘅我都覺得正。食麵，先飲湯是常識吧。不過飲之前，櫻花蝦嘅香氣撲面而來😋，飲啖，唔太鹹，有蝦嘅香味，濃稠得來又唔膩。飲曬成碗都唔使飲水。麵OK，叉燒應該都係慢煮，好食。可以再來😋

見到飲食男女介紹，條片話老闆對於拉麵好有熱誠，而且堅持做街坊生意，話煮俾屋企人食咁，又講到點整湯底，熬足8個鐘，重點老闆曾經日本學整拉麵，所以抱著非常大期望過去。雖然openrice大食評都傾向於話個湯底好淡唔好食，但都堅持想自己親身去試過先甘心，始終唔係自己個口食出黎都唔係個味嘢。第一次去既時候係下午4.，店員話已經賣曬，但我地都依然無放棄，覺得一定係太好食先早賣曬，所以第二日都再過去。諗住做定research係12.開門，仲要怕排隊特登12.就走過去，點知門口就話改左做2.開門，唔緊要，我地等。周圍行下終於等到2.，入到去既感覺就係，睇得出老闆好鍾意日本文化同埋好多figure，都真係有日本小店感覺。到呢一刻，雖然好詫異點解咁細間舖，而得10個位都唔夠，店員包埋老闆都有3個人，店員既比例係乘客既三分一，佢地一個人就可以serve到3個客，不過呢啲純好奇，但我地覺得唔緊要，唔影響進食體驗既，依然好滿心期待。點知，當食物上到黎，就知道店員多真係有影響。首先就係個難以形容既壓迫感，啲座位全部都係對住煮緊嘢既老闆，佢間唔中會用個好串既眼神瞄下大家點食，而除佢以外個兩個店員，因為冇嘢做，只可

早排喺YouTube睇到一條訪問 覺得小店風格幾吸引 但評語都幾兩極 所以想試吓 去過幾次都有好多人排隊所以無食到 今次撞啱時間去到叫咗外賣自取 老闆話要等20至30分鐘 我叫咗兩個套餐 一個櫻花蝦拉麵 一個豚骨拉麵 配慢煮雞肉同埋煎餃 另有兩支飲品30+分鐘後拎上手已經覺得唔對路 包裝份量好少 餃子係出奇地細粒 雞肉份量還好 我覺得應該多啲 得四件雞肉同少少薯仔 無可否認個雞肉係幾好食 質感滑溜 醬汁亦好夾 但個份量真係要多返啲 到主角拉麵 豚骨湯底真係好淡 櫻花蝦湯底好啲 但係拉麵嘅質地就好似出街都買到嘅普通貨色咁 真係失望 叉燒都可以讚下嘅 size幾好 肉好食 入口軟滑 外賣自取有8折關係 兩個餐都只係$160 總括而言 普通 可以試下嘅 但真係唔會翻食 份量都質量都有改善空間

週六放工冇頭緒食咩好，諗起早排同先生睇過蘋果報導嘅美食推介，講起呢間位於長沙灣嘅拉麵小店，店主曾經專程去日本學師，仲介紹咗熬製拉麵湯底嘅過程，非常吸引。雖然舖頭地點唔算就腳，但都抵住大熱天時專登過嚟食。嚟到鋪頭差唔多一點半，可惜發現原來由三月一號開始舖頭將開店時間由十二點改咗做兩點，我哋仲專登查過OpenRice以為佢十二點開門一定唔怕摸門釘⋯⋯一場嚟到，只好乖乖喺門外等，過咗一陣門口嘅人龍已經越嚟越長，睇嚟蘋果嘅推介起咗作用。到店員出嚟處理人龍我哋先發覺原來入面只有八個座位，心入面即時好慶幸自己早咗嚟。店面雖然細，但俾人嘅感覺係舒服嘅，的確係有種日本小區嘅感覺。枱面放咗幾款唔同嘅拉麵調味料俾客人自己落，而且擺放整齊乾淨。食物方面選擇唔算多，只有幾款拉麵、飯同小食，我諗店主一個人主理亦真係冇辦法同時兼顧太多花款嘅食物，而且拉麵呢家嘢從來都係貴精不貴多，好食嘅話一款已經可以打響名堂。套餐包主食、小食同飲品，價錢同出面淨食一碗拉麵差唔多，價錢非常貼地。先生揀嘅豚骨拉麵味道好淡，老實講係飲得出冇味精，湯底嘅口感亦帶少少濃稠，但就係欠咗種日本拉麵應有嘅濃郁風味，反而有種飲緊雪濃湯嘅感覺，味道比

之前睇到youtube話呢間嘢冇味精，所以就想去試一試，八點三到去到，見到前面仲有六個人，等一陣就已經出嚟話係做埋我哋做完收檔，但係估唔到之後都等咗45分鐘先入到去，先發現原來成間店舖少於十個位，咁就唔怪得要等咁耐落基本上已經冇得揀， 淨返博多元祖豬骨拉麵同櫻花蝦海老味噌拉麵。 因為兩個人食所以就各一首先兩個拉麵嘅肉係一樣嘅，我覺得好有驚喜，好有豬肉味夠淋 豬骨湯底稍淡， 我覺得好正，唔係下下要勁多鹽先叫濃味櫻花蝦過豬骨湯有蝦味但係唔算好濃，所以我覺得豬骨湯正啲認同其他食評咁講餃子係好細隻同埋一般般拉麵店都係老老實實食拉麵個人而言我覺得可以返食，但係排隊排得耐咗少少，企到腳攰

網上睇到介紹，所以去試下排隊排左大約30分鐘入到去間舖好靚，好多模型點左一個櫻花蝦海老吃得幾粒蝦乾仔，一隻真蝦仔都無麵唔好食，咬口似米線再硬d個湯好難食、飲左一啖，得個咸字，但唔係濃，唔油隻蛋唔錯。我朋友點左個蛋包飯蛋幾靚，但汁好少、日本米好食兩碗都好細碗,地方好迫，老闆個樣好串價錢好平，但細碗，男人根本唔夠食。總結唔好食，拉麵堅難食、飯都還可以好唔抵，一定唔會再去、浪費時間。唔知點解咁多人排隊。

蝦湯底及豚骨湯底好好味，叉燒厚薄適中又入味，拉麵質地好帶少許頭（佢唔係屬於好彈牙果隻），糖心蛋食到有酒香（另加錢），套餐配雞肉沙律（雞肉軟淋入味，薯仔沙律配埋個汁都好好食），大廚一邊工作一邊留意食客進食情況，不時作出溫馨提示，2位服務員都好有禮貌，環境都好好真正食堂feel，錢價非常親民，一定會返轉頭再食，good，頭輪建議1點30分左右到店排隊等位（只得8座位），否則第二輪要等多大約45分鐘。

來到這家新開不久的拉麵店，小店採用開放式的廚房，讓食客可以看到師傅煮麵的過程，很有日本拉麵小店的風格！煎餃子 + 辣味雞肉拉麵 $95連同拉麵套餐配的小食，外面有一層薄薄的脆片，餃子本身偏細塊，味道普通。到了主角的雞肉拉麵～非常失望的湯底，味道很淡，辣味不突出，麵質偏腍，完全不對我的口味🥺唯一欣賞的是雞肉還算軟嫩，但整體而言很一般。櫻花蝦海老味噌拉麵 （單點）$65這款比辣味那碗好一點，麵上灑了點櫻花蝦，份量不多，還有粟米、紫菜作配菜，拉麵不太掛湯。同樣問題：湯底不濃。雖然小店的風格吸引，但食物有點普通😔店裡寫著他們的湯底絕無味精，但我覺得兩款湯底的味道實在太淡，所以回訪意欲不高。這裡勝在價錢相宜，單點一碗拉麵只是$65，套餐連小吃和飲品是$95。如果你吃慣了神虎黑龍那些濃味湯頭，就未必喜歡這裡了，若你口味清淡一點，不妨來試試！

今日夜晚嚟到小店👍🏼 嘢食真係一流，我哋兩個人叫咗拉麵，餃子，前菜同埋啤酒😚之前喺報章見過一喜食堂嘅老闆好有人情味同埋好有style，就諗住搵晚過嚟試吓🤣 店舖入面係行日式居酒屋style，坐落好舒服，而且燈光係暖黃色，好啱同朋友傾偈👯‍♀️拉麵冇乜特別，反而餃子就超有驚喜🥟 呢種日式煎法唔係間間餐廳都係咁樣煎，我見好多居酒屋，都係用炸，或者就咁分開煎🙈 作為餃子達人，呢一種絕對係日式餃子傳統嘅煎法，所以見到都好興奮😋

🍛🍜🥚一喜食堂🥚🍜🍛店內日式開放式廚房 師傅烹調時一覽無遺 真係好似去左日本既拉麵店居酒屋咁一路食 一路望住 裝飾牆擺上日本酒 飲品汔水樽 日式食品知識海布 仲可以欣賞到好多絕版日本模型公仔🦐櫻花蝦海老味噌拉麵🦐滿滿櫻花蝦湯頭 蝦味濃郁 脆脆咸香有啲似龍蝦湯咁 但不味精死咸 麵條彈牙 掛湯力足🍜博多元祖豚骨拉麵🍜豬骨熬煮而成白濁湯頭 完全感受到背後長時間以大火熬煮出骨髓 並乳化的顏色不油不淡不濃 剛剛好的感覺拉麵中既叉燒 脂肪比例較小 唔係咬落滿口爆油果種 但又出奇地唔嚡 仲幾有肉汁juicy 溏心蛋要另外加的少有既拉麵冇跟溏心蛋 流心係基本食得出的日本蛋🥚滋味😚鹵得好味食堂標榜冇味精 食材原味道☺開心又食到一間食完唔口喝既拉麵🍜#第一次食 #日本 #拉麵 #一喜食堂 #深水埗#hongkong #food #foodporn #socialenvy #yummy #amazing #instafood #lunch #eating #852#delicious

🐥🥔雞薯仔沙律 (7/10分):-調味恰當 雞嫩 開胃 有誠意-🐷🍜豚骨湯拉麵 (7/10分):-湯底遍淡 而且頭盆沙律醬本身味濃 食完再飲拉麵湯更顯湯底味淡 流心旦流心但亦遍淡 不過叉燒肉嫩 麵亦高質-環境(8/10分):-非常整潔👍🏼-輸侯: -試過平日一點半到 無需輪候週日十二點九到達 需輪候-整體🆗:-個人喜歡濃厚豚骨湯底 所以覺得呢間湯底同灣仔或尖咀一碗$100嘅拉麵有距離 但呢度性價比高 都食咗兩次 可以一試。